காவி கொடியுடன் பைக்கில் மதுரை முருகன் மாநாட்டிற்கு வந்த இளம்பெண் என்று பரவும் வீடியோ உண்மையா?

காவி கொடியுடன் பைக்கில் மதுரை முருகன் மாநாட்டிற்கு வந்த இளம்பெண் என்று வீடியோ ஒன்று சமூக வலைத்தளங்களில் பரவி வருகிறது.

”மதுரை முருகன் மாநாட்டில் காவி கொடி பட்டொளி வீசி பறந்ததை பார்த்து மிகவும் ஆனந்தமாக இருந்தது…” என்று இந்த வீடியோ பரவுகிறது.

Facebook Link/Archived Link

Facebook Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.    

Also Read: மதுரை முருகன் மாநாட்டில் கலந்து கொண்ட கூட்டம் என்று பரவும் வீடியோ உண்மையா?

Fact Check/Verification

காவி கொடியுடன் பைக்கில் மதுரை முருகன் மாநாட்டிற்கு வந்த இளம்பெண் என்று பரவும் வீடியோ குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது கடந்த ஏப்ரல் 06, 2025ஆம் தேதியன்று ரைடர் கேர்ள் காஜல் என்கிற சமூக வலைத்தளப்பக்கத்தில் இந்த வீடியோ இடம்பெற்றிருந்தது.

அதில், காஜல் தத்தா என்கிற இந்த இளம்பெண் மேற்கு வங்கத்தைச் சேர்ந்தவர் என்றும் குறிப்பிடப்பட்டுள்ளது. பைக்கில் சாகசப்பயணங்களை செய்து அதனை வீடியோவாக வெளியிட்டு வருகின்றார் காஜல்.

அவருடைய சமூக வலைத்தளப்பக்கத்தில் இதே போன்று பல்வேறு வீடியோக்கள் இடம்பெற்றுள்ளது. அவ்வாறு, அவர் கடந்த ஏப்ரல் மாதமே வெளியிட்டிருந்த வீடியோவே தற்போது மதுரை முருக பக்தர்கள் மாநாட்டுடன் தொடர்புபடுத்தி பரப்பப்படுகிறது.

Also Read: இஸ்ரேல் அதிபர் மகனை இஸ்ரேல் மக்கள் அடித்ததாக பரவும் வீடியோத்தகவல் உண்மையா?

Conclusion

காவி கொடியுடன் பைக்கில் மதுரை முருகன் மாநாட்டிற்கு வந்த இளம்பெண் என்று பரவும் வீடியோ மேற்கு வங்கத்தைச் சேர்ந்தது என்பது  நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
Instagram Video from, Rider Girl Kajal, Dated April 06, 2025
Instagram Video from, Rider Girl Kajal, Dated April 26, 2025