Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
Claim
منی پور میں ووٹنگ مشین میں گڑبڑی کے باعث بی جے پی کو ووٹ ہو رہا تھا۔ جس کی وجہ سے وہاں موجود خواتین نے ای وی ایم کو تباہ کردیا۔
Fact
یہ دعویٰ گمراہ کن ہے، وائرل ویڈیو منی پور میں پراکسی ووٹنگ کی وجہ سے ای وی ایم مشین کو تباہ کئے جانے کی ہے۔
ایک ویڈیو کے ساتھ سوشل میڈیا پر دعویٰ کیا جا رہا ہے کہ منی پور میں ووٹنگ مشینوں میں گڑبڑی کے سبب صرف بی جے پی کو ووٹ ہو رہا تھا، جس کی وجہ سے غصے میں آکر خواتین نے ووٹنگ مشینوں کو ہی توڑ دیا۔
Fact Check/Verification
وائرل ویڈیو کے ایک فریم کو ریورس امیج سرچ کیا تو ہمیں ہوبہو ویڈیو این ڈی ٹی وی کے آفیشل یوٹیوب چینل پر موصول ہوئی۔ جسے 19 اپریل 2024 کو اپلوڈ کیا گیا تھا۔ جس کے عنوان میں لکھا تھا کہ “منی پور میں “پراکسی ووٹنگ” کے الزام میں ای وی ایم کو تباہ کیا گیا”۔ بتادوں کہ “پراکسی ووٹنگ” غیر قانونی طور پر کسی شخص کی جگہ کسی اور شخص کو ووٹ ڈالنے کا اختیار دینے کا عمل ہے۔
انڈین ایکسپریس نے بھی اس واقعے سے متعلق اسی ویڈیو کو اپنے یوٹیوب چینل پر 19 اپریل 2024 کو شائع کیا تھا۔ اس رپورٹ میں بھی پراکسی ووٹنگ کا ذکر کیا گیا ہے، لیکن ای وی ایم یا وی وی پیٹ کے حوالے سے کسی طرح کی گڑبڑی کا ذکر نہیں ہے۔
الیکشن کمیشن نے بھی اس دعوے کو جعلی قرار دیتے ہوئے مسترد کر دیا۔ ایکس ہینڈل پر سی ای او منی پور نے وائرل پوسٹ کو شیئر کرتے ہوئے لکھا ہے کہ “یہاں نظر آنے والا ویڈیو امپھال ایسٹ میں ایک پولنگ اسٹیشن(3/21 کُھرائی اسمبلی حلقہ) پر ہوئے ہجومی تشدد کی ہے اور 22 اپریل 2024 کو یہاں دوبارہ پولنگ ہو چکی ہے۔ بیلٹ یونٹ میں دبائے گئے بٹن اور وی وی پیٹ کے ذریعےنکلی پرچی کے بیچ عدم مماثلت کا کوئی معاملہ سامنے نہیں آیا ہے نا ہی ایسی کوئی شکایت کسی کی جانب سے کی گئی ہے۔ فرضی خبریں پھیلانے پر قانونی کاروائی کی جا رہی ہے”۔
Conclusion
نیوز چیکر کی تحقیقات سے واضح ہوتا ہے کہ یہ دعویٰ گمراہ کن ہے، وائرل ویڈیو منی پور کے ایک پولنگ بوتھ میں پراکسی ووٹنگ کی وجہ سے ای وی ایم مشین کو تباہ کرنے کی ہے۔
Result: Partly False
Sources
Report by NDTV on April 19,2024
Report by Indian Express on April 19,2024
(اس ویڈیو کو نیوز چیکر کے انگلش آرٹیکل سے ترجمہ کیا گیا ہے)
نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کر سکتے ہیں۔ ساتھ ہی ہمارے واہٹس ایپ چینل کو بھی فالو کریں۔
Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
