Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
Claim
واٹس ایپ ٹپ لائن نمبر”9999499044″ اور فیس بک پر بھارتی وزیر اعظم نریندر مودی کی ایک ویڈیو شیئر کی گئی ہے۔ جس میں وہ ایک کمرے کے اندر ٹی وی اسکرین کو غور سے دیکھ رہے ہیں اور اسکرین پر پاکستان کے سابق وزیر اعظم عمران خان تقریر کرتے ہوئے دکھائی دے رہے ہیں۔ صارفین کا دعویٰ ہے کہ بھارت کے وزیر اعظم نریندر مودی پاکستان کے سابق وزیر اعظم عمران خان کی تقریر کو بغور سماعت فرما رہے ہیں۔
صارفین نے ویڈیو پر لکھا ہوا ہے کہ “دلیر ایماندار لیڈر کو غیر مسلم بھی بڑے احترام سے سنتے اور دیکھتے ہیں”۔
Fact
وزیر اعظم نریندر مودی کا پاکستان کے سابق وزیر اعظم عمران خان کی تقریر کو بغور سماعت کرنے کا بتاکر شیئر کی گئی ویڈیو کے ایک فریم کو ہم نے گوگل ریورس امیج سرچ کیا، جہاں ہمیں اسی ویڈیو کا ایک فریم ٹائمس آف انڈیا کے آفیشل ایکس ہینڈل پر موصول ہوا۔ جسے 22 جولائی 2019 کو شیئر کیا گیا تھا۔ ٹائمس آف انڈیا نے وزیر اعظم نریندر مودی کی اس تصاویر کے حوالے سے واضح کیا ہے کہ وزیر اعظم مودی ٹی وی اسکرین پر چندریان2 کی کامیاب لانچنگ کو دیکھ رہے ہیں۔
مزید تحقیقات کے دوران ہمیں یہی ویڈیو نیوز ایجنسی اےا ین آئی کے آفیشل ایکس ہینڈل پر بھی موصول ہوئی۔ پھر ہم نے وائرل ویڈیو اور اے این آئی کے یوٹیوب پر ملی ویڈیو کا موازنہ کیا تو معلوم ہوا اصل ویڈیو کو ترمیم کرکے سوشل میڈیا پر صارفین فرضی دعوے کے ساتھ شیئر کر رہے ہیں۔ دراصل وزیر اعظم مودی کی یہ ویڈیو دہلی کی ہے۔ جہاں انہوں نے 22 جولائی 2019 کو چندریان2 کی کامیاب لانچنگ کو ٹی وی اسکرین پر براہ راست دیکھ رہے ہیں۔ حالانکہ وزیر اعظم مودی کی اسی ویڈیو کو پہلے بھی مختلف دعوے کے ساتھ شیئر کیا جا چکا ہے۔ جس کا فیکٹ چیک آپ یہاں پڑھ سکتے ہیں۔
اس کے علاوہ وائرل ویڈیو میں نظر آنے والا منظر وزیر اعظم نریندر مودی کے آفیشل فیس بک پیج نریندر مودی پر بھی دیکھا جا سکتا ہے۔
اس طرح آن لائن ملنے والے شواہد اور ذاتی تجزیہ سے یہ ثابت ہوا کہ بھارتی وزیر اعظم نریندر مودی کی یہ ویڈیو ترمیم شدہ ہے، جسے صارفین پاکستان کے سابق وزیر اعظم عمران خان سے منسوب کرکے فرضی دعوے کے ساتھ شیئر کر رہے ہیں۔
Result: Altered Video
Sources
X post by Times of India and ANI on 22 July 2019
Facebook post by Narendra Modi on 22 July 2019
نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کر سکتے ہیں۔ ساتھ ہی ہمارے واہٹس ایپ چینل کو بھی فالو کریں۔
Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
