جھارکھنڈ کی لڑکی کے ساتھ بدسلوکی کے بعد قتل کا بتاکر فلم شوٹنگ کی ویڈیو کی گئی شیئر

سوشل نٹورکنگ سائٹس فیس بک اور انسٹاگرام پر مبینہ طور پر جھارکھنڈ کی لڑکی کی جنگل میں ملی لاش کا بتاکر ایک ویڈیو شیئر کی جا رہی ہے۔ ویڈیو میں کچھ پولس اہلکار زخمی خاتون کے اردگرد کھڑے ہیں اور جانچ کر رہے ہیں کہ آیا وہ سانس لے رہی ہے یا نہیں، پاس ہی کچھ اور لوگ کھڑے بھی نظر آرہے ہیں۔

ویڈیو سے متعلق صارفین کا دعویٰ ہے کہ چھ لڑکوں نے جھارکھنڈ کی اس خاتون کی عصمت دری کی اور پھر اسے قتل کر جھاڑیوں میں پھینک دیا۔

آرکائیو لنک یہاں اور یہاں دیکھیں۔

Fact Check/Verification

جھارکھنڈ کی لڑکی کا عصمت دری کے بعد قتل کا بتاکر شیئر کی گئی ویڈیو کی حقیقت جاننے کے لئے ہم نے ویڈیو کے چند فریموں کو ریورس امیج سرچ کیا۔ اس دوران ہمیں 14 مئی 2025 کو شیئر شدہ انسٹاگرام پوسٹ ملا۔ جس کے کیپشن میں لکھا ہے کہ “یہ آنے والی فلم “لوجیگ” کی شوٹنگ کی ویڈیو ہے”۔

مزید سرچ کے دوران ہمیں اسی کپڑے میں ملبوس لڑکی کی ایک دیگر ویڈیو چاند راج میوزک کے انسٹاگرام پیج پر ملی۔ ویڈیو کے ساتھ کیپشن میں ‘ایمونی کمان’ اور ہیش ٹیگ ‘لوجیگ’ کا استعمال کیا گیا ہے۔ ویڈیو میں لڑکی کو اٹھاکر لے جاتے ہوئے پولس آخر میں رک جاتے ہیں، بعد میں پولس کی وردی میں ملبوس خاتون مسکراتے ہوئے بھی نظر آ رہی ہیں، جس سے معلوم ہوتا ہے کہ یہ کسی فلم کی شوٹنگ چل رہی ہے۔ اس پروفائل پر لوجیگ فلم کے اداکار و شوٹنگ کی دیگر ویڈیوز بھی موجود ہیں۔ اس پروفائل پر موجود معلومات کے مطابق یہ میوزک ویڈیوز و فوٹوگافی جیسے کام کرتے ہیں۔

ساتھ ہی ہم نے گوگل پر ایمونی کمان کیورڈ سرچ کیا۔ جہاں ہمیں ایمونی کمان نامی آسامی اداکارہ کا آفیشل انسٹاگرام پیج ملا۔ اس اداکارہ کا فیس بک و یوٹیوب ہینڈل بھی ملا۔

ساتھ ہی اتر آو نامی فیس بک پروفائل پر 14 مئی کو اپلوڈ شدہ ایک اور ویڈیو ملی، جس میں جھاڑیوں کے درمیان سے لڑکی کو اٹھا کر پولس والے لے جاتے ہوئے نظر آ رہے ہیں۔ اس ویڈیو کے کیپشن میں بھی ‘ایمونی کمان’ لکھا ہوا تھا۔

اس کے علاوہ کرائیباری آؤ نامی یوٹیوب چینل پر 13 مئی 2025 کو اپلوڈ شدہ ایک ویڈیو ملی۔ اس میں لوجیگ’ فلم کی تقریب کا ویلاگ ملا۔ اس ویڈیو میں 6 بج کر 12 سیکنڈ پر ‘لوجیگ’ نامی فلم کا پوسٹر بھی دیکھا’ جا سکتا ہے۔

بیراز پیگو نامی انسٹاگرام پر وائرل ویڈیو میں نظر آ رہی لڑکی کی ہی ایک دوسری ویڈیو ملی۔ جس میں وہ ایمبولینس کے اندر لیٹی ہے اور اپنے آکسیجن ماسک و بالوں کو خود ہی صحیح کرتی ہوئی نظر آ رہی ہے۔ ویڈیو کے کیپشن میں لکھا ہے “لوجیگ مووی شوٹنگ”۔

یہ بھی پڑھیں: وقف بچاؤ، دستور بچاؤ کانفرنس میں شامل ہونے کے لئے پٹنہ ریلوے اسٹیشن پہنچی بھیڑ کی نہیں ہے یہ ویڈیو

Conclusion

لہٰذا ہماری تحقیقات سے واضح ہوتا ہے کہ ایک فلم کی شوٹنگ کی ویڈیو کو جھارکھنڈ کی لڑکی کا عصمت دری کے بعد قتل کا بتاکر شیئر کیا گیا ہے۔

Sources
Instagram posts by __prodip__panging__, chand_raj_music and biraz_pegu on May 2025
YouTube video uploaded by Karaibari Aao on May 2025