ہندو لڑکوں نے کیا مسلمان خاتون کو اغوا کرکے کیا قتل؟ پوری حقیقت یہاں پڑھیں

سوشل نٹورکنگ سائٹس فیس بک اور ایکس پر ایک ویڈیو اس دعوے کے ساتھ شیئر کی جا رہی ہے کہ بھارت میں ہندو لڑکوں نے ایک مسلمان خاتون کو اغوا کر قتل کر دیا۔ اس ویڈیو میں کچھ لڑکے عمارت کے پیچھے سن سان گلی میں ایک برقعہ پوش خاتون سے بدتمیزی اور اس پر تشدد کرتے ہوئے نظر آ رہے ہیں اور پھر اسے زبردستی لے جاتے ہوئے بھی دکھائی پڑ رہے ہیں۔

ویڈیو کے ساتھ ایک صارف نے کیپشن میں لکھا ہے”بھارت میں ایک ہندو نے ایک مسلمان بچی کو اپنے محبت کے جال میں پھنسایا۔۔۔ جب وہ حاملہ ہو گئی تو اس کو اپنے ساتھیوں کے ساتھ اغوا کر کے قتل کروا دیا۔۔۔ بچی کی دنیا بھی گئی اور آخرت بھی۔۔۔ بھارت میں رہنے والے مسلمانوں کی نا اب عزت محفوظ ہے نہ جان نہ مال نہ گھر۔۔۔ ہمارے بڑوں نے اس خطرے اور فتنے کو بہت پہلے دیکھ لیا تھا اسی لئے پاک سرزمین کو اتنی قربانیاں دے کر حاصل کیا گیا تھا۔۔۔ بھارت کے مسلمان تو اب ختم ہو گئے۔۔۔ اب ان کو نہیں بچایا جا سکتا”۔

آرکائیو لنک یہاں اور یہاں دیکھیں۔

Fact Check/Verification

ہم نے سب سے پہلے وائرل ویڈیو کے چند کیفریموں کو ریورس امیج سرچ کیا۔ اس دوران ہمیں 21 جنوری 2025 کو ‘ہاسر اڈا 2‘ (قہقہ کا اڈا 2) نامی ایک فیس بک پیج پر بنگالی کیپشن کے ساتھ ایک پوسٹ موصول ہوا۔ جس کا ترجمہ “لڑکی کو اٹھا لیا۔ انتہائی قابل مذمت واقعہ۔ لڑکی کو اپنی محبت کی پیشکش واپس کرنے پر اغوا کیا گیا تھا”۔ پوسٹ کے کمنٹس میں کئی صارفین نے اس واقعے کو اسکرپٹڈ قرار دیا ہے۔

ویڈیو کے بارے میں مزید معلومات کے لئے ہم نے ہاسر اڈا2 پیج کے بنگلہ زبان میں لکھے بایو کا ترجمہ کیا تو، اس میں بتایا گیا ہے کہ “کسی کو بھی ہماری ویڈیوز کو سنجیدگی سے نہیں لینا چاہیے۔ ان ویڈیوز کو صرف تفریحی مقاصد کے غرض سے فلمایا گیا ہے۔ پیج کو فالو کرنے کا شکریہ۔ ہم آپ کی تفریح ​​کے لئے سخت محنت کر رہے ہیں۔” اس سے واضح ہوتا ہے کہ اس پیج پر اپلوڈ ہونے والے ویڈیوز کا تعلق حقیقی واقعات سے نہیں ہے بلکہ یہ اسکرپٹڈ ہیں۔ یہاں اس پیج کا مقام غازی پور، بنگلہ دیش بتایا گیا ہے۔

مزید مذکورہ فیس بک پیج پر ہمیں وائرل ویڈیو سے ملتی جلتی دیگر کئی اور ویڈیوز ملیں۔ وائرل ویڈیو میں نظر آنے والے مقام کو 17 جنوری 2025 کو اپلوڈ کی گئی ویڈیو میں بھی دیکھا جا سکتا ہے۔ اس ویڈیو میں بھی ایک لڑکا برقعہ پوش خاتون سے چھیڑ چھاڑ اور مار پیٹ کرتا ہوا نظر آرہا ہے۔

یہ بھی پڑھیں: بیٹی کی سگے والد سے مبینہ شادی کی یہ ویڈیو اسکرپٹیڈ ہے

Conclusion

اس طرح آن لائن ملنے والے شواہد سے یہ ثابت ہوا کہ جس ویڈیو کو بھارت میں ہندو لڑکوں کی جانب سے ایک مسلمان خاتون کو اغوا کرنے کے بعد قتل کا بتاکر شیئرکیا جارہا ہے وہ دراصل اسکرپٹیڈ ہے اور بنگلہ دیش کی ہے۔

Sources
Facebook post by Khokonkhan2252 on 21 jan 2025
Self Analysis

نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کر سکتے ہیں۔ ساتھ ہی ہمارے واہٹس ایپ چینل کو بھی فالو کریں۔