سوشل میڈیا پر اس ہفتے حزب اللہ کی جانب سے اسرائیل کے فوجی ٹریننگ بیس پر کئے گئے حالیہ حملے سے منسوب کرکے متعدد تصاویر اور ویڈیوز شیئر کی گئیں۔ اس کے علاوہ آسٹریلیا کے امام محمد توحیدی کی ایک ویڈیو کو فرضی دعوے کے ساتھ شیئر کیا گیا۔ وہیں مسافروں بھری کشتی پلٹنے کی ایک ویڈیو کو گووا کا بتاکر بھی شیئر کیا گیا۔ ان سبھی موضوع پر مختصر فیکٹ چیک درج ذیل میں پڑھیں۔

کیا یہ ویڈیو اور تصویر اسرائیلی فوجی بیس پر حزب اللہ کی جانب سے کئے گئے حالیہ حملے کی ہیں؟

سوشل میڈیا پر ایک ویڈیو اور تصویر کو حزب اللہ کی جانب سے اسرائیلی فوجی اڈے پر کئے گئے حالیہ حملے کا بتاکا شیئر کیا گیا۔ تحقیقات سے معلوم ہوا کہ ویڈیو اور تصویر دونوں ہی پرانی ہیں۔ یہاں پڑھیں پوری تحقیقات۔

کیا متحدہ عرب امارات کے ولی عہد نے کشمیر کو ہندوؤں کی سرزمین بتایا ہے؟

عربی لباس میں نظر آرہے ایک شخص کے حوالے سے دعویٰ کیا گیا کہ یہ متحدہ عرب امارات کے ولی عہد ہیں، جنہوں نے کہا ہے کہ کشمیر ہندوؤں کی سرزمین ہے۔ ہم نے جب اس کی تحقیقات کی تو معلوم ہوا کہ وائرل ہونے والا بیان متحدہ عرب امارات کے ولی عہد نے نہیں دیا ہے بلکہ ایرانی نژاد آسٹریلیا کے رہنے والے امام محمد توحیدی نے 2019 میں دیا تھا۔ پوری تحقیقات یہاں پڑھیں۔

کیا فلوریڈا میں سمندری طوفان ملٹن کے اثرات کے ہیں یہ مناظر؟

سوشل میڈیا پر طوفان کی ایک ویڈیو شیئر کی گئی اور دعویٰ کیا گیا کہ فلوریڈا میں سمندری طوفان ملٹن کے اثرات کے مناظر ہیں۔ ہم نے اس کی تحقیقات کی تو معلوم ہوا کہ ویڈیو میں نظر آنے والے سبھی مناظر 2018 میں آئے سمندری طوفان مائیکل کے ہیں۔ یہاں پڑھیں پوری تحقیقات۔

کیا کشتی ڈوبنے کی یہ ویڈیو گووا کی ہے؟

مسافروں سے بھری کشتی ڈوبنے کی اس ویڈیو کو بھارت کے گووا کا بتاکر شیئر کیا گیا ہے۔ تحقیقات کرنے پر معلوم ہوا کہ یہ ویڈیو افریقی ملک کانگو کی ہے۔ مکمل فیکٹ چیک یہاں پڑھیں۔

کیا اسرائیلی فوج کی ٹریننگ بیس پر حزب اللہ کے حملے سے چند لمحے قبل کی ہے یہ تصویر؟

اسرائیلی فوجیوں کی ایک تصویر کے ساتھ دعویٰ کیا گیا کہ یہ منظر حزب اللہ کی جانب سے اسرائیلی ٹریننگ بیس پر کئے گئے حملے سے چند لمحے پہلے کی ہے۔ تحقیقات سے معلوم ہوا کہ تصویر پرانی ہے۔ پورا فیکٹ چیک پڑھنے کے لئے یہاں کلک کریں۔

نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کر سکتے ہیں۔ ساتھ ہی ہمارے واہٹس ایپ چینل کو بھی فالو کریں۔