کیا یہ ویڈیو واقعی افغان نیشنل آرمی کے ذریعے پاکستانی لڑاکا طیارہ مار گرائے جانے کی ہے؟ پوری حقیقت یہاں پڑھیں

سوشل میڈیا پر16 سیکنڈ کی ایک ویڈیو کے ساتھ دعوٰی کیا جا رہا ہے کہ یہ ویڈیو حالیہ پاکستان-افغانستان سرحدی تنازعہ کی ہے۔ یہ بھی دعویٰ کیا گیا کہ افغان نیشنل آرمی نے ڈورنڈ لائن کے قریب پاکستانی لڑاکا طیارہ مار گرایا ہے۔

آرکائیو لنک یہاں اور یہاں دیکھیں۔

دراصل پاکستان اور افغانستان کے درمیان حالیہ کشیدگی کی بڑی وجہ سرحدی جھڑپیں اور دہشت گرد تنظیموں کی سرگرمیاں ہیں۔ رپورٹ کے مطابق دونوں ممالک ایک دوسرے پر سرحد پار حملوں کے الزامات لگا رہے ہیں۔

Fact Check/ Verification

ہماری تحقیقات کے دوران معلوم ہوا کہ افغان نیشنل آرمی کے ذریعے پاکستانی لڑاکا طیارہ مار گرانے کا بتاکر شیئر کی گئی ویڈیو دراصل پرانی ہے۔ ہم نے ویڈیو کے ایک فریم کو ریورس امیج سرچ کیا تو یہی ویڈیو ہمیں دی ایکنامک ٹائمس کے یوٹیوب چینل پر 28 جولائی 2022 کو اپلوڈ شدہ ملی۔ جس کے ساتھ فراہم کردہ معلومات کے مطابق مِگ-21 لڑاکا طیارہ رات کے تقریباً 9 بجکر 10 منٹ پر گر کر تباہ ہوا تھا، اور حادثہ بھارتی ریاست راجستھان کے باڑمیر میں پیش آیا تھا۔

مزید تحقیقات کے دوران ہمیں جولائی 2022 کو شائع ہونے والی جن ستّا، این ڈی ٹی وی اور دی ہندو کی ویب سائٹس پر وائرل ویڈیو کے حوالے سے خبریں موصول ہوئیں۔ ان سبھی رپورٹ میں واضح کیا گیا ہے کہ وائرل ویڈیو راجستھان کے باڑمیر میں بھارتی فضائیہ کا ایک مگ 21 جنگی طیارے کے کریش ہونے کی ہے، جس میں سوار دو پائلٹس شہید ہوگئے تھے۔

حادثے میں وِنگ کمانڈر موہت رانا اور فلائٹ لیفٹیننٹ ادویتیہ بال کی موت ہوگئی تھی۔ فضائیہ نے حادثے کی وجہ جاننے کے لئے کورٹ آف انکوائری کا بھی حکم دیا تھا۔

Conclusion

اس طرح نیوز چیکر کی تحقیقات سے یہ ثابت ہوا کہ وائرل ویڈیو کا حالیہ پاکستان-افغانستان سرحدی تنازعہ سے کوئی تعلق نہیں ہے۔ دراصل یہ ویڈیو جولائی 2022 میں بھارت کے راجستھان میں پیش آنے والے مگ-21 طیارے کے حادثے کی ہے، جس میں بھارتی فضائیہ کے دو اہلکار جاں بحق ہوئے تھے۔

Sources
Video published by YouTube Channel The Economic Times on 28 Jul 2022
Reports published by NDTV, Jan Satta and The Hindu on 28, 29, 30 July 2022
X post by @AdityaRajKaul on 29 July 2022