Claim

دہلی اسمبلی انتخابات کےلئے 5 فروری کو ووٹنگ مکمل ہوگئی ہے، رواں ماہ کی 8 تاریخ کو ووٹوں کی گنتی ہوگی۔ اوکھلا اسمبلی سیٹ سے کانگریس امیدوار اریبہ خان اور اے آئی ایم آئی ایم کے شفا الرحمان اور عام آدمی پارٹی کے امیدوار امانت اللہ خان اپنی قسمت آزما رہے ہیں۔ اسی کے پیش نظر ہندی میں ایک پوسٹ سوشل میڈیا پر خوب شیئر کی جا رہی ہے۔ جس میں دعویٰ کیا جا رہا ہے کہ اے آئی ایم آئی ایم امیدوار شفا الرحمان کو اوکھلا میں کانگریس امیدوار اریبہ خان نے اپنی حمایت دی ہے۔

آرکائیو لنک یہاں اور یہاں دیکھیں۔

Fact

ہم نے گوگل پر سب سے پہلے “اوکھلا سے کانگریس امیدوار اریبہ خان کی شفا الرحمان کو حمایت” کیورڈ تلاش کیا، لیکن ایسی کوئی مصدقہ میڈیا رپورٹ موصول نہیں ہوئی جس میں اوکھلا سے کانگریس امیدوار کا اے آئی ایم آئی ایم کو حمایت کرنے کی خبر کا ذکر ہو۔

مزید تحقیقات کرنے پر ہمیں اوکھلا سے کانگریس امیدوار اریبہ خان کے آفیشل ایکس ہینڈل پر 5 فروری 2025 کو شیئر شدہ ایک ویڈیو موصول ہوئی۔ جس میں اریبہ خان یہ کہتی ہوئی سنی جا سکتی ہیں کہ دہلی اوکھلا سے آل انڈیا مجلس اتحاد المسلمین کے امیدوار شفا الرحمان خان کو سیاسی حمایت کی خبر بے بنیاد ہے۔ یہ فرضی خبریں اے آئی ایم آئی ایم کی جانب سے شیئر کی جا رہی ہے جس میں کوئی صداقت نہیں ہے۔ ہم نے اے آئی ایم آئی ایم کو کوئی حمایت نہیں دی ہے۔

اس کے علاوہ ایک دوسرے پوسٹ میں کانگریس لیڈر اریبہ خان نے مذکورہ وائرل پوسٹ کو فرضی بتاکر اپنے ایکس ہینڈل پر شیئر کیا ہے۔

مزید تصدیق کے لئے ہم نے اے آئی ایم آئی ایم اترپردیش کے ریاستی جنرل سیکریٹری محمد سلمان سے فون پر رابطہ کیا اور ان سے اریبہ خان کے شفا الرحمان کو حمایت سئے جانے کے دعوے سے متعلق سوال کیا تو انہوں نے بھی اس دعوے کو فرضی اور بے بنیاد قرار دیا ہے۔

لہٰذا نیوز چیکر کی تحقیقات سے یہ ثابت ہوا کہ اوکھلا سے کانگریس امیدوار اریبہ خان کا اے آئی ایم آئی ایم امیدوار شفا الرحمان کو حمایت دینے کی خبر فرضی ہے۔

Result: False

Sources
X post by Ariba Asif Khan on 05 Feb 2025
Conversation with State General Secretary of AIMIM Mohammad Salman

نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کر سکتے ہیں۔ ساتھ ہی ہمارے واہٹس ایپ چینل کو بھی فالو کریں۔