مندر میں اسدالدین اویسی کے ہنومان جی کی آرتی کرنے کی وائرل ویڈیو اے آئی جنریٹیڈ ہے

سوشل میڈیا پر آل انڈیا مجلس اتحاد المسلمین کے سربراہ اسدالدین اویسی کی 16 سیکنڈ کی ایک ویڈیو تیزی سے گردش کر رہی ہے۔ ویڈیو ہندی متن کے ساتھ مختلف پلیٹ فارمز پر شیئر کی جا رہی ہے، جس میں اویسی کو ہندوؤں کے بھگوان ہنومان جی کی آرتی کرتے ہوئے دکھایا گیا ہے۔ ویڈیو میں پُجاری مسکراتے نظر آتے ہیں اور وہاں موجود لوگ ہاتھ جوڑے مجسمے کے سامنے کھڑے دکھائی دیتے ہیں۔ صارفین اس ویڈیو کو حقیقت سمجھ کر شیئر کر رہے ہیں۔

ایکس  صارف نے ویڈیو کے ساتھ طنز کرتے ہوئے ہندی متن کے ساتھ لکھا ہے ” 15 منٹ والے 15 منٹ تک آرتی کرتے پائے گئے، ایسا لگتا ہے کہ وہ اپنے آباؤ اجداد کا پتا لگ چکا ہے”۔

آرکائیو لنک یہاں، یہاں اور یہاں دیکھیں۔

Fact Check/Verification

سب سے پہلے ہم نے گوگل پر مندر میں اسدالدین اویسی کے آرتی والی وائرل ویڈیو سے متعلق متعدد کیورڈز سرچ کئے، لیکن کوئی ایسی معتبر خبر یا رپورٹ نہیں ملی جس میں اویسی کے مندر میں آرتی کرنے کا ذکر ہو۔ اگر ایسا کوئی حقیقی واقعہ ہوتا تو یقیناً میڈیا میں نمایاں طور پر رپورٹ ہوتا۔

اس کے بعد ہم نے ویڈیو کا فریم بہ فریم باریک بینی سے تجزیہ کیا۔ اس دوران کئی شواہد ملے جن سے اس کے مصنوعی ہونے کی تصدیق ہوتی ہے۔ مندر کے ایک دیوار پر “ہَننُومان میدر” جیسا غلط اور بے معنی الفاظ بورڈ پر دکھائی دیتا ہے۔ ویڈیو میں لوگوں کے چہرے جامد، تاثرات غیر فطری اور حرکات مشینی طرز کی دکھائی دیتی ہیں۔ ایک فریم میں پجاری کا ہاتھ کپڑے میں ضم ہوتا ہوا دکھتا ہے جو واضح اے آئی گلچ ہے۔

مزید تصدیق کے لئے ہم نے ویڈیو کے فریمز کو مختلف اے آئی ڈیٹیکشن ٹولز کی مدد سے پرکھا، جن میں ہائیو ماڈریشن ٹول نے اسے 99۔9 فیصد امکانات کے ساتھ اے آئی یا ڈیپ فیک ظاہر کیا ہے۔ سائٹ انجن نے بھی دو فریموں کے تجزیے میں 87 فیصد امکان ظاہر کیا کہ ویڈیو مصنوعی ہے، جبکہ واز اِٹ اے آئی نے ایک فریم کو واضح طور پر اے آئی سے تیار شدہ بتایا۔

مزید یہ کہ ویڈیو کے دائیں جانب کونے میں جےمنائی(گوگل اے آئی ماڈل) کا لوگو بھی دکھائی دیا، جو اپنے آپ میں اس بات کا اشارہ ہے کہ ویڈیو اے آئی سے تیار ہوئی ہے۔ بعد ازاں جےمنائی چیٹ بوٹ نے بھی تصدیق کی کہ یہ ویڈیو مصنوعی ذہانت کی مدد سے تیار کردہ ہے۔

Conclusion

نیوز چیکر کی تحقیق سے یہ واضح ہو گیا کہ اے آئی ایم آئی ایم کے قومی صدر اسدالدین اویسی کی ہنومان جی کی آرتی کرتی ہوئی وائرل ویڈیو مصنوعی ذہانت (اے آئی) کے ذریعے بنائی گئی ہے اور اس کا حقیقت سے کوئی تعلق نہیں ہے۔

Sources
Self Analysis
Hive Modration tool
Was It AI tool
Sightengine AI tool
Video Analysis by Gemini