پیر, جولائی 4, 2022
پیر, جولائی 4, 2022

HomeFact Checkنگینوں اور ہیروں سے سجے طیارے کی یہ تصویر حقیقی نہیں ہے

نگینوں اور ہیروں سے سجے طیارے کی یہ تصویر حقیقی نہیں ہے

سوشل میڈیا پر نگینوں اور ہیروں سے سجے طیارے کا کولاج شیئر کیا جا رہا ہے۔ صارف کا دعویٰ ہے کہ امارات ایئر لائنز کے طیارے کو ہیروں سے سجا دیا گیا ہے۔ صارف نے تصویر کے کیپشن میں عربی اور انگلش زبان میں”طائرة الإماراتية المرصعة بالألماس” لکھا ہے۔

نگینوں اور ہیروں سے سجی طیارے کی یہ تصاویر بناؤٹی ہے
Courtesy:FB/شركة رحلة البندقية للسفر والسياحة

سوشل میڈیا پر جگمگاتے ہوئے جہاز کی تصویر عربی اور انگلش کیپشن کے ساتھ شیئر کی جا رہی ہے۔ صارفین کا دعویٰ ہے کہ یہ تصویر امارات کے طیارے کو اصلی ہیروں سے (ڈائمنڈس) سے سجائے جانے کی ہے۔

فیس بک پر مذکورہ دعوے کے ساتھ شیئر کی گئی تصویر کو کتنے صارفین نے پوسٹ کیا ہے، یہ جاننے کے لئے ہم نے کراؤڈ ٹینگل پر کیورڈ سرچ کیا تو ہمیں پتا چلا کہ اس موضوع پر 7 دنوں میں 15 پوسٹ شیئر کئے گئے ہیں اور 6,507 فیس بک صارفین نے اس موضوع پر تبادلہ خیال کیا ہے۔ 

Fact Check/Verification

امارات ایئرلائنز سے منسوب کر شیئر کئے جا رہے جگمگاتے ہوئے جہاز کے کولاج کی سچائی جاننے کے لئے ہم نے اپنی ابتدائی تحقیقات کا آغاز کیا۔ ہم نے سب سے پہلے وائرل کولاج کو اویسم اسکرن شارٹ کی مدد سے کیفریم میں تقسیم کیا اور سبھی فریم کو گوگل ریوسر امیج سرچ کیا۔ جہاں ہمیں اس سے متعلق کئی خبروں کے لنک فراہم ہوئے جو پرانے تھے۔

سرچ کے دوران دی سن ویب سائٹ پر وائرل تصویر کے حوالے سے جانکاری ملی۔ جس میں جگمگاتے ہوئے جہاز کے سلسلے میں لکھا ہے کہ امارات کی بلنگ777 طیارے کی یہ تصویر حقیقت پر مبنی نہیں ہے، بلکہ اسے سارہ شکیل نامی آرٹسٹ نے ڈیزائن کیا ہے۔ سارہ نے امارات کے طیارے کو اس وقت کرسٹل آرٹ کے ذریعے تیار کیا تھا جب وہ امارات ایئرلائنز سے میلان کے سفر پر تھیں۔

مذکورہ تحقیقات سے پتا چلا کہ تصویر ترمیم شدہ ہے۔ پھر ہم نے سارہ شکیل کے آفیشل انسٹاگرام کو کھنگالا۔سارہ کی پروفائل پر دی گئی جانکاری کے مطابق سارہ ایک دانتوں کی ڈاکٹر اور کرسٹل آرٹسٹ ہیں، سارہ زیادہ تر ہیروں سے جڑے آرٹس بناتی ہیں، جو دلکش اور خوب رو ہوتے ہیں۔

Instagram will load in the frontend.

سارہ کے انسٹاگرام پر ہمیں دسمبر 2018 میں شیئر کی گئیں جگمگاتے ہوئے جہاز کی تصاویر بھی ملیں۔ جس میں انہوں نے ان تصویروں کے سلسلے میں لکھا ہے کہ امارات سے میلان کے سفر کے دوران ان تصویروں کو تیار کیا تھا۔ یہ تصاویر حقیقی نہیں ہیں بلکہ کرسٹل آرٹ ورک ہے۔ وہیں ہمیں سارہ شکیل کا ویب سائٹ بھی ملا۔ جس پر بھی کرسٹل آرٹ کی تصاویر دیکھی جا سکتی ہیں۔

Instagram will load in the frontend.

مذکورہ وائرل تصویروں میں سے ایک تصویر کو امارات ایئر لائن کے آفیشل ٹویٹر ہینڈل سے 4دسمبر 2018 کو شیئر کیا گیا تھا۔ جس میں صاف طور پر واضح کیا گیا ہے کہ اس تصویر کو سارہ شکیل نے کرئیٹ کیا ہے۔

یہ بھی پڑھیں: امبالہ میں ہندوستان کا جدید طیارہ رافیل حادثے کا شکار ہوگیا ہے؟

Conclusion

اس طرح ہماری تحقیقات سے واضح ہوتا ہے کہ امارات ایئرلائنز کے طیارے کو اصلی نگینوں اور ہیروں سے نہیں سجایا گیا ہے، بلکہ سارہ شکیل نامی لڑکی نے کرسٹل آرٹ کے ذریعے جہاز کی تصاویر کو 2018 میں تیار کیا تھا۔


Result: Misleading

Our Sources

TheSun: (https://www.thesun.co.uk/travel/7943758/emirates-diamond-covered-plane/)

Instagram:(https://www.instagram.com/sarashakeel/)

Twitter: (https://twitter.com/sarashakeel)

Sara Shakeel:(sarashakeel.com)


نوٹ:کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔

9999499044

Mohammed Zakariya
Mohammed Zakariya
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation from Lucknow University.
Mohammed Zakariya
Mohammed Zakariya
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation from Lucknow University.

LEAVE A REPLY

Please enter your comment!
Please enter your name here

Most Popular