جمعرات, دسمبر 1, 2022
جمعرات, دسمبر 1, 2022

HomeFact Checkکیا یہ ویڈیو یوکرینی فوج کے روسی قافلے پر حملے کی ہے؟

کیا یہ ویڈیو یوکرینی فوج کے روسی قافلے پر حملے کی ہے؟

فیس بک پر 2 منٹ 20 سکینڈ کی ایک ویڈیو کو یوکرین کی فوج کی طرف سے روسی قافلے پر حملے کا بتاکر سوشل میڈیا پر شیئر کیا جارہا ہے۔ ایک فیس بُک صارف نے ویڈیو شیئر کرتے ہوئے کیپشن میں لکھا ہے کہ”پُل کے بعد، یوکرینی فورسز کا روسی قافلے پر حملہ #فوٹیج”۔

گیم کی ویڈیو کو یوکرینی فوج کے روسی قافلے پر حملے کا بتاکر کیاجا رہا ہے شیئر
Courtesy:FB/ShammasMughal

روس اور کریمیا کے درمیان تعمیر پُل پر 8 اکتوبر 2022 کو بڑا دھماکہ پیش آیا تھا۔ بی بی سی رپورٹ کے مطابق اس حادثے میں 3 افراد ہلاک ہوئے ہیں۔ حادثے کے بعد اس دھماکے سے منسوب کرکے متعدد تصاویر اور ویڈیوز سوشل میڈیا پر شیئر کیے گئے۔ اسی طرح کی ایک شیئر کی گئی ویڈیو میں ٹینکروں پر حملے کا منظر دیکھا جاسکتا ہے۔ صارفین کا ویڈیو سے متعلق دعویٰ ہے کہ یہ ویڈیو کریمیا پُل پر دھماکے کے بعد یوکرینی فوج کے روسی قافلے پر حملے کی ہے۔

Fact check/Verification

یوکرینی فوج کے روسی قافلے پر حملے کا بتاکر شیئر کی گئی ویڈیو کی حقیقت جاننے کے لئے ہم نے سب سے پہلے ویڈیو کو انوڈ کی مدد سے کچھ کیفریم میں تقسیم کیا۔ اس دوران ہمیں ملمین نامی یوٹیوب چینل پر 20 جولائی 2022 کو اپلوڈ شدہ ویڈیو ملی۔ جس کی تفصیلات میں بتایا گیا ہے کہ یوکرین این ایل اے ڈبلیو اینٹی ٹینک میزائل نے 2 رشین ٹینکس تباہ کر دئیے(میلٹری سیمولیشن)۔

Courtesy:YouTube/MILMAN

اس ویڈیو کے کمنٹ سیکشن کو چیک کرنے پر پہلے پن کمنٹ میں ہی واضح طور پر لکھا ہوا ملا کہ یہ ویڈیو اصل نہیں ہے بلکہ محض ایک آرما 3 نامی ویڈیو گیم ہے۔

Courtesy:YouTube/MILMAN

تحقیقات کو آگے بڑھاتے ہوئے ہم نے آرما 3 گیم کے سلسلے میں مزید سرچ کیا۔ جہاں ہمیں پتہ چلا کہ آرما 3 ایک حقیقت پر مبنی میلٹری ٹیکٹیکل شوٹر ویڈیو گیم ہے۔ جسے بوہیمیا انٹراکٹیو نامی کمپنی نے لانچ کیا تھا۔

مزید تحقیقات کے دوران ہمیں آئی ایم جی پکچرز نامی فیس بک پیج پر 28 اگست کو اپلوڈ شدہ یہی ویڈیو ملی۔ یہاں ویڈیو کے ساتھ کیپشن میں بتایا گیا ہے کہ یہ ویڈیو آرما 3 نامی ویڈیو گیم کی مدد سے بنائی گئی ہے۔ ساتھ ہی یہ بھی واضح کا گیا ہے کہ اس طرح کی ویڈیو بنانے میں انہیں 4-8 گھنٹے کا وقت لگتا ہے۔ مزید تحقیقات کے لئے ہم نے اس پیج کے اباؤٹ سیکشن میں جاکر ای میل آئی ڈی نکالا اور اس پر ویڈیو کریئٹر سے اس کی سچائی جاننے کی درخواست کی۔ جواب ملتے ہی ہم آرٹیکل اپڈیٹ کردیں گے۔

Conclusion

اس طرح نیوز چیکر کی تحقیقات سے واضح ہوتا ہے کہ وائرل ویڈیو کریمیا پُل پر حملہ ہونے سے پہلے سے ہی انٹرنیٹ پر موجود ہے۔ لہذا ویڈیو گیم کی مدد سے بنائی گئی ایک ویڈیو کو یوکرینی فوج کے روسی قافلے پر حملے کا دعویٰ بے بنیاد ہے۔

Result: False

Our Sources

YouTube Video Uploaded by MILMAN on 20 Jul 2022
Game related website arma3.com
Facebook post by IMG Pictures on 28 Aug 2022

کسی بھی مشکوک خبر کی تحقیقات، تصحیح یا دیگر تجاویز کے لیے ہمیں واٹس ایپ کریں: 9999499044 یا ای میل: [email protected]

Mohammed Zakariya
Mohammed Zakariya
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
Mohammed Zakariya
Mohammed Zakariya
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.

LEAVE A REPLY

Please enter your comment!
Please enter your name here

Most Popular