روس کا یوکرین پر حالیہ میزائل حملے کا بتاکر پرانی ویڈیو کی جا رہی ہے شیئر

سوشل میڈیا پر فضائی حملے کی ایک ویڈیو کے ساتھ دعویٰ کیا گیا کہ یہ منظر روس کا یوکرین پرکئے گئے حالیہ میزائل حملے کا ہے۔

ڈی ڈبلیو اردو کی ایک رپورٹ کے مطابق روس نے کہا ہے کہ وہ یوکرین کی جانب سے روسی ایئربیس پر کئے گئے حملوں کا جواب دینا چاہتے ہیں۔ یہ بات روسی صدر پوتن اور امریکی صدر ٹرمپ سے فون پر ہوئی گفتگو کے بعد سامنے آیا ہے۔ اسی تناظر میں سوشل میڈیا صارفین نے دعویٰ کیا ہے کہ یہ ویڈیو روس کی جانب سے یوکرین پر کی گئی جوابی کاروائی کی ہے۔

ویڈیو کے ساتھ ایک صارف نے لکھا ہے”امریکہ یورپ یوکرین کی کاروائی کے بعد روس کا پوری قوت سے یوکرین پر جوابی حملہ، کروز میزائل، بمبار اور ڈرونز اس وقت یوکرین کے مختلف علاقوں میں تباہی مچا رہے ہیں۔ یوکرینی صدر اور دیگر اعلیٰ حکام کو خفیہ مقام پہ منتقل کر دیا گیا ہے”۔

فیس بک صارف نے بھی مذکورہ ویڈیو کے ساتھ لکھا ہے “تازہ ترین: روس نے جوابی کاروائی کرتے ہوئے بلاسٹک میزائل کے ذریعے یوکرین پر حملہ کر دیا”۔

آرکائیو لنک یہاں اور یہاں دیکھیں۔

Fact Check/Verification

روس کا یوکرین پر جوابی حملے کا بتاکر شیئر کی جا رہی ویڈیو کے ایک فریم کو گوگل ین ڈیکس کی مدد سے تلاش کیا۔ جہاں ہمیں یہی ویڈیو اینٹن گراشچینکو نامی ایکس ہینڈل پر 26 دسمبر 2023 کو شیئر شدہ موصول ہوئی۔ ویڈیو کے ساتھ صارف نے روسی میڈیا کے حوالے سے لکھا ہے کہ یہ ویڈیو نووچرکاسک لینڈنگ جہاز کو نشانہ بنانے اور اس میں ہونے والے دھماکے کی ہے۔

مزید تحقیقات کے دوران ہمیں یہی ویڈیو 27 دسمبر 2023 کو اپلوڈ شدہ دی گارجین کے آفیشل یوٹیوب چینل پر موصول ہوئی۔ جس کے مطابق یہ ویڈیو کریمیا کے فیوڈوسیا میں روسی جنگی جہاز پر یوکرین کے فضائی حملے کا ہے۔ یہ ویڈیو بندرگاہ علاقے کا ہے، جہاں دھماکے کے شعلے فضا کو چھو رہے ہیں۔ مزید تفصیلات بی بی سی اور بزنس انسائڈر کی ویب سائٹس پر پڑھی جا سکتی ہے۔

یہ بھی پڑھیں: یوکرین پر روس کےحالیہ حملے کی نہیں ہے یہ ویڈیو

Conclusion

اس طرح نیوز چیکر کی تحقیقات سے یہ ثابت ہوا کہ یہ منظر روس کا یوکرین پر حالیہ میزائل حملے کا نہیں ہے بلکہ یہ دسمبر 2023 میں یوکرین کی جانب سے روسی جنگی جہاز کو نشانہ بنائے جانے کا ہے۔

Sources
X post by @Gerashchenko_en on 26 Dec 2023
Video published by YouTube Channels BBC and Guardian News on 26,27 Dec 2023
Report published by Business Insider on 26 Dec 2023