کیا یہ تصویر واقعی روس اور یوکرین کے درمیان جنگ کی تیاری کی ہے؟

سوشل میڈیا پر ایک تصویر کو خوب شیئر کیا جارہا ہے۔ تصویر سے متعلق دعویٰ کیا جارہا ہے کہ یہ روس اور یوکرین کے درمیان جنگ کے سلسلے میں روسی فوج کے کمک کی جانب بڑھنے کی تصویر ہے۔ ٹویٹر صارف نے تصویر کے کیپشن میں لکھا ہے کہ”روسی فوجی کمک یوکرین کی طرف بڑھ رہی ہے۔ #روسی یوکرینی جنگ”۔

فیس بک پر بھی روسی فوج کے کمکٹینکوں والی تصویر کو روسی فوج کے کمک، یوکرین کی جانب روانہ ہونے کا بتاکر شیئر کیا گیا ہے۔

تصویر کو مذکورہ دعوے کے ساتھ عرب ممالک میں بھی فیس بک اور ٹویٹر صارفین نے شیئر کیا ہے۔

Fact Check/Verification

نیوز چیکر نے روسی فوج کے کمک یوکرین کی جانب روانہ ہونے کا بتاکر شیئر کی گئی تصویر کو ریورس امیج سرچ کیا۔ اس دوران ہمیں گڈفون ڈاٹ کام نامی ویب سائٹ پر 6 ستمبر 2012 کو شائع شدہ وائرل تصویر ملی۔ یہ تو واضع ہوگیا کہ یہ تصویر حالیہ روس یوکرین جنگ سے پہلے کی ہے، تصویر سے متعلق ذکر نہیں کیا گیا ہے کہ یہ کہاں کی ہے۔

تصویر کے ساتھ انگلش کیورڈ سرچ کے دوران ہمیں روسی نیوز ویب سائٹ روسی بیونڈ پر شائع 21 مئی 2016 کی ایک رپورٹ ملی۔ جس میں وائرل تصویر سے ملتی جلتی تصویر دیکھنے کو ملی۔ تصویر کے کیپشن میں رائٹرز کے حوالے سے لکھا ہے کہ اسلحے سے لیس روسی گاڑیوں کا ایک جھنڈ 23 اگست 2008 کو شمالی اوسیتیا کی سرحد کے قریب جنوبی اوسیتیا کی ایک سڑک پر جارہا ہے۔

مذکورہ رپورٹ سے ہمیں سراغ ملا کہ تصویر روس کے شمالی جنوب کے راستے جارہے ٹینکروں کی ہے۔ پھر ہم نے روس آرمس وہیکل ساؤتھ اوسیتیا کیورڈ سرچ کیا۔ اس دوران ہمیں 23 اگست 2008 کو شائع شدہ ایسو سی ایٹ پریس امیج کی ویب سائٹ پر وہی تصویر ملی جسے ان دنوں سوشل میڈیا پر روسی فوج کے کمک یوکرین کی جانب بڑھنےکا بتاکر شیئر کیا گیا ہے۔

ایسوسی ایٹ پریس امیج کی ویب سائٹ پر تصویر سے متعلق دی گئی معلومات کے مطابق یہ تصویر اسلحے سے لیس روسی گاڑیوں کے ایک جھنڈ کی ہے جو 23 اگست 2008 کو شمالی اوسیتیا کی جانب روانہ ہورہا ہے۔ اسے جارجیا کے جنوبی اوسیتیا سے الگ ہونے والے صوبے تسخنوالی کے مضافات پر دیکھا گیا۔

یہ بھی پڑھیں:جرمنی میں ہوئے مظاہرے کی لائیو کوریج ویڈیو کو حالیہ یوکرین حملے سے جوڑ کر کیا جا رہا ہے شیئر

Conclusion

اس طرح نیوز چیکر کی تحقیقات میں یہ ثابت ہوا کہ روسی فوج کے کمک، یوکرین کی جانب روانہ ہونے کا بتاکر شیئر کی گئی تصویر کم از کم 14 سال پرانی ہے اور شمالی اوسیتیا کی جانب روانہ ہورہے اسلحہ بردار روسی گاڑیوں کے جھنڈ کی ہے۔

Result: False

کسی بھی مشکوک خبر کی تحقیقات، تصحیح یا دیگر تجاویز کے لیے ہمیں واٹس ایپ کریں: 9999499044 یا ای میل: checkthis@newschecker.in