Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
Claim
شمالی غزہ کے الشفا اسپتال میں اسرائیلی فوجیوں نے زخمیوں کو حماسی مجاہدین بتا کر ہلاک کردیا۔
Fact
ویڈیو 10 سال پرانی اور مصر کے رابعہ اسپتال میں ہوئی گولی باری کی ہے۔
واہٹس ایپ اور فیس بک پر اسپتال کی ایک ویڈیو گردش کر رہی ہے۔ دعویٰ کیا جا رہا ہے کہ یہ ویڈیو شمالی غزہ کے الشفا اسپتال میں اسرائیلی فوجیوں کی جانب سے فلسطینی زخمیوں کو حماسی مجاہدین بتا کر شہید کرنے کی ہے۔ صارف نے ویڈیو کے ساتھ لکھا ہے کہ “اللہ اکبر! شمالی غزہ کے الشفا ہسپتال میں اسرائیلی افواج داخل۔ کئی نوجوان اور مرد زخمیوں کو حماس مجاہدین بول کر بیڈ پر گولیاں مار مار کر شہید کردیا”۔
بی بی سی اردو کے لائیو اپڈیٹ کے مطابق غزہ شہر میں واقع الشفا اسپتال کے صحن میں ڈیڑھ سو سے زائد فلسطینیوں کو اجتماعی قبر میں دفنایا گیا ہے۔ الشفا اسپتال و دیگر مقامات پر اسرائیل اور حماس کے جنگجوؤں کے مابین شدید جھڑپیں جاری ہیں۔ اب تک اسرائیلی حملے میں 11 ہزار سے زائد فلسطینیوں کی اموات ہو چکی ہے۔
اب اسی واقعے سے منسوب کرکے اسپتال کی ایک ویڈیو شیئر کی جارہی ہے۔ جس میں مریضوں پر گولیاں چلائی جا رہی ہیں۔ دعویٰ کیا جا رہا ہے کہ یہ ویڈیو اسرائیل کی جانب سے الشفا اسپتال میں کی گئی کاروائی کی ہے۔ جس میں عام زخمیوں کو اسرائیلی افواج حماسی مجاہدین بتاکر گولی مارکر ہلاک کر رہی ہے۔
Fact Check/Verification
الشفا اسپتال میں زخمیوں پر اسرائیل فوج کے حملے کا بتاکر شیئر کی گئی ویڈیو کے ایک فریم کو ہم نے بنگ سرچ کیا۔ جہاں ہمیں 16 اگست 2013 کو شبکۃ رصد نامی یوٹیوب چینل ہوبہو ویڈیو ملی۔ کیپشن میں دی گئی جانکاری کے مطابق یہ ویڈیو رابعہ اسپتال میں ہوئی شدید گولی باری کی ہے۔ پھر ہم نے “مستشفی رابعہ” کیورڈ سرچ کیا تو معلوم ہوا کہ یہ اسپتال مصر کے شہر نصر میں ہے۔ یہاں یہ واضح ہو گیا کہ وائرل ویڈیو غزہ کے الشفا اسپتال میں اسرائیلی فوجیوں کی جانب سے کی گئی حالیہ کاروائی کی نہیں ہے۔
مزید سرچ کے دوران ہمیں مصر کے رابعہ اسپتال کے آفیشل فیس بک پیج (المستشفى الميداني برابعة العدوية – الصفحة الرسمية) پر وائرل ویڈیو سے متعلق 14 اگست 2013 کا ایک بیان ملا۔ جس میں واضح کیا گیا کہ یہ واقعہ 14 اگست 2013 کی شام پانچ بجے رابعہ العدوی کے المیدان اسپتال میں پیش آیا تھا۔ اس حملے سے متعلق میڈیا رپورٹ یہاں پڑھیں۔
Conclusion
لہٰذا نیوز چیکر کی تحقیقات سے یہ ثابت ہوا کہ الشفا اسپتال میں زخمیوں پر اسرائیل فوجی کے حملے کا بتاکر شیئر کی گئی ویڈیو تقریباً 10 سال پرانی اور مصر کے رابعہ اسپتال میں ہوئی گولی باری کی ہے۔
Result: False
Sources
Video published by YouTube Channel شبكة رصد on 16 Aug 2013
Facebook post by Rab3aHospital on 14 Aug 2013
Report published by Al Jazeera on 14 Aug 2013
نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کر سکتے ہیں۔ ساتھ ہی ہمارے واہٹس ایپ چینل کو بھی فالو کریں۔
Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
