اسرائیلی صحافی کے سائرن بجتے ہی رپورٹنگ چھوڑکر بھاگنے کی یہ ویڈیو اسرائیل-ایران کے حالیہ تنازعہ سے پہلے کی ہے

اسرائیل و ایران کے مابین تنازعہ دن بدن بڑھتا جا رہا ہے اور اسی بیچ سوشل میڈیا پر فرضی خبریں بھی رفتار پکڑتی جا رہی ہیں۔ اسی تناظر میں ایک ویڈیو ان دنوں خوب شیئر کی جا رہی ہے، جس میں ایک اسرائیلی صحافی سائرن بجتے ہی رپورٹنگ بیچ میں چھوڑ کر دوڑتے ہوئے جاتا ہے اور ایک عمارت کے اندر پناہ لیتا ہے۔ اس ویڈیو کو صارفین حالیہ اسرائیل-ایران تنازعہ سے جوڑکر شیئر کر ہیں اور صحافی پر طنز کس رہے ہیں۔

ایک فیس بک صارف نے ویڈیو کے ساتھ کیپشن میں لکھا ہے کہ “اسرائیلی صحافی کی ریس چیک کریں تل ابیب میں جونہی حملے کا سائرن بجا کمال بہادری سے دوڑ کر بنکر میں جا گھسا”۔

ایک دیگر صارف نے لکھا ہے کہ “ارے بھائ انٹر ویو تو پوری کر کے جاؤ”۔

وائرل پوسٹ کے آرکائیو لنک یہاں، یہاں اور یہاں دیکھیں۔

Fact Check/Verification

اسرائیلی صحافی کے سائرن بجتے ہی بھاگنے کی اس ویڈیو کی تحقیق کے لئے ہم نے سب سے پہلے ویڈیو کو کیفریم میں تقسیم کیا اور اسے گوگل لینس کی مدد سے تلاش کیا۔ اس دوران ہمیں جیڈ جابر نامی یوٹیوب چینل پر 9 اگست 2024 کو اپلوڈ شدہ ہوبہو ویڈیو ملی۔ اس ویڈیو کے ساتھ عربی زبان میں کیپشن موجود تھا، جس کا ترجمہ ہے “ویڈیو: کریات شمونہ کے ترجمان سائرن سن کر لائیو آن ایئر فرار!”۔

پھر ہم نے کچھ کیورڈ کے ساتھ تلاش کیا تو ہمیں الحدث الفلسطيني کے فیس بک پیج پر ہوبہو ویڈیو موصول ہوئی۔ اس کے ساتھ بھی عربی زبان میں کیپشن موجود تھا، جس کا ترجمہ تھا “لائیو: کریات شمونہ کے ترجمان آج سہ پہر لبنان سے فائر کئے گئے راکٹوں کے بعد سائرن کی آواز سنتے ہی فرار ہو گئے”۔

مزید سرچ کے دوران ہمیں اسی ویڈیو کے ایک فریم کے ساتھ 9 اگست 2024 کو شائع شدہ النھار کا ایک آرٹیکل ملا۔ جس میں بھی بتایا گیا ہے کہ کریات شمونہ کے ترجمان فضائی حملے کے سائرن بجتے ہی فرار ہو گئے۔

Conclusion

اس طرح نیوز چیکر کی تحقیقات میں واضح ہوا کہ اسرائیل و ایران کے مابین چل رہے حالیہ تنازعہ کے درمیان اسرائیلی صحافی کے سائرن سنتے ہی بھاگنے کا بتاکر شیئر کی گئی ویڈیو پرانی ہے۔

Sources
Video uploaded by YouTube channel Jad Jaber on 09 Aug 2024
Facebook post by Al Hadath Palestine on 09 Aug 2024
Report published by Annahar on 09 Aug 2024