عمارتوں کے ملبے میں نظر آنے والا خانہ کعبے کا نقش قدرتی نہیں بلکہ اے آئی سے تیار کیا گیا ہے

Claim

غزہ میں اسرائیلی جارحیت کا سلسلہ جاری ہے۔ اسی کے پیش نظر سوشل میڈیا پر غزہ کی منہدم عمارتوں پر خانہ کعبے کا قدرتی نقش بنے ہونے کا بتاکر ایک تصویر شیئر کی جا رہی ہے۔ تصویر کے ساتھ صارفین نے کیپشن میں لکھا ہے “غزہ میں عمارات کی تباہی کے بعد بننے والی شاید قدرتی تصویر”۔

آرکائیو لنک یہاں اور یہاں دیکھیں۔

Fact

غزہ میں عمارتوں کے ملبے پرنظر آرہے خانہ کعبے کے قدرتی نقش کا بتاکر شیئر کی گئی تصویر کا ہم نے بغور تجزیہ کیا تو ایسا معلوم ہوا کہ یہ تصویر محض ایک آنکھ کا دھوکہ ہے۔ مزید وائرل پوسٹ کے کمنٹ میں کئی صارفین اس تصویر کومصنوعی بتا رہے ہیں۔

پھر ہم نے اس تصویر کی حقیقت جاننے کے لئے اے آئی کا پتا لگانے والے ٹولز ہائیو ماڈریشن اور واز اٹ اے آئی ٹولز کی مدد لی۔ اس دوران ہائیو ماڈریشن نے اس تصویر کو 90.4 فیصد ڈیپ فیک یا اے آئی سے تیار شدہ بتایا ہے۔ جبکہ واز اٹ اے آئی ٹول نے اس تصویر کے حوالے سے دعویٰ کیا ہے کہ یہ تصویر، یا اس کا اہم حصہ اے آئی ٹول کی مدد سے تیار کیا گیا ہے۔

یہ بھی پڑھیں: تباہ شدہ ایئر کرافٹ کی اے آئی ویڈیو کو بھارت-پاکستان تنازعہ سے جوڑ کر کیا جا رہا ہے شیئر

اس طرح آن لائن ملنے والے شواہد سے یہ ثابت ہوا کہ ملبے میں نظر آرہے خانہ کعبے کے نقش کی تصویر قدرتی نہیں بلکہ مصنوعی ذہانت کی مدد سے تیار کی گئی ہے۔

Sources
Hive Moderation tool
Self Analysis
Was it AI tool