سعودی عرب کی جانب سے غزہ کو بھیجی گئی مدد کی نہیں ہے یہ ویڈیو

ایکس پر 26 سیکنڈ کی ایک ویڈیو شیئر کی جا رہی ہے، جسے سعودی عرب کی جانب سے غزہ کو بھیجی گئی مدد کی تازہ ترین ویڈیو بتایا جا رہا ہے۔ ویڈیو میں متعدد پیراشوٹس زمین پر اترتے ہوئے نظر آ رہے ہیں اور لوگ ان کے پیچھے بھاگتے ہوئے بھی دکھائی دے رہے ہیں۔

ویڈیو کے ساتھ ایکس صارف نے کیپشن میں لکھا ہے کہ “سعودیہ عمل سے ثابت کرتی ہے صرف قول سے نہیں سعودیہ ہمیشہ سے ہی فلسطینی عوام کا پہلا سہارا رہی ہے اور فلسطینی قضیہ کی سب سے بڑی حامی اور مددگار ہے۔ سعودیہ کی غزہ والوں کی مدد کی تازہ ترین ویڈیو”۔

Fact Check/Verification

سعودی کی جانب سے حالیہ دنوں غزہ کو بھیجی گئی مدد کا بتاکر شیئر کی گئی ویڈیو کی حقیقت جاننے کے لئے ہم نے سب سے پہلے ویڈیو کے ایک فریم کو گوگل لینس کی مدد سے تلاش کیا۔ اس دوران ہمیں دی فورین کاریسپونڈینٹ کلب آف جاپان کی ویب سائٹ پر فلسطینی فلمساز اور فوٹوگرافر عامر ناصر کی تصاویر کی نمائش ملی۔ ان تصاویر میں ایک تصویر وائرل ویڈیو سے ملتی جلتی تھی۔

مزید سرچ کے دوران ہمیں محمد سفا کے مستند ایکس ہینڈل پر 22 اپریل 2024 کو شیئر شدہ وہی تصویر ملی۔ تصویر کے ساتھ کیپشن میں لکھا ہے کہ “غزہ میں جبری فاقہ کشی نسل کشی ہے”۔

اس کے علاوہ ہیما الخلیلی کے انسٹاگرام پیج پر بھی ہمیں 20 اپریل 2024 کو شیئر شدہ ہوبہو ویڈیو موصول ہوئی۔ اس کے ساتھ انگریزی زبان میں کیپشن موجود تھا، جس کا ترجمہ ہے “بدقسمتی سے آج ہوا سے گرائے گئے 90 فیصد پیراشوٹ سمندر میں گر گئے اور یہ امداد پہنچانے کا سب سے خطرناک طریقہ بن گیا”۔

مزید سرچ میں ہمیں مڈل ایسٹ آبزرور کے مستند ایکس ہینڈل پر 3 مارچ 2024 کو شیئر شدہ ایک پوسٹ موصول ہوئی۔ جس میں وائرل ویڈیو کے ساتھ 2 اور ویڈیوز موجود تھیں اور کیپشن میں لکھا تھا کہ “امریکہ غزہ کو امداد فراہم کر رہا ہے”۔

اس کے علاوہ ہمیں سعودی عرب کی وزارت خارجہ کے آفیشل ایکس اکاؤنٹ پر 22 جولائی 2025 کو شیئر کردہ ایک بیان ملا۔ جس میں لکھا ہے کہ “سعودی عرب 26 بین الاقوامی شراکت داروں کی طرف سے جاری کردہ بیان کا خیرمقدم کرتا ہے، جس میں غزہ پٹی پر جنگ کو فوری طور پر ختم کرنے، انسانی امداد پر سے تمام پابندیاں ہٹانے اور غزہ کے لوگوں کو انسانی امداد کی تیز اور محفوظ ترسیل کا مطالبہ کیا گیا ہے۔ بیان میں مقبوضہ علاقوں میں آبادیاتی تبدیلی اور بستیوں کی توسیع کو بھی مسترد کیا گیا ہے”۔

کیا حالیہ دنوں سعودی کی جانب سے غزہ کو بھیجی گئی مدد؟

ہم نے یہ بھی سرچ کرنے کی کوشش کی کہ آیا حالیہ دنوں سعودی عرب کی جانب سے غزہ کو کوئی مدد بھیجی گئی ہے یا نہیں؟ سرچ کے دوران ہمیں وفا اور عرب نیوز کی 26 جون 2025 کو شائع رورٹس موصول ہوئیں۔ ان رپورٹس کے مطابق سعودی عرب نے فلسطینی اتھارٹی کو 30 ملین ڈالر کی مدد فراہم کی ہے۔ مزید تفصیل کے لئے رپورٹس یہاں اور یہاں پڑھی جا سکتی ہیں۔

Conclusion

لہٰذا نیوز چیکر کی تحقیقات سے واضح ہوتا ہے کہ سعودی کی جانب سے غزہ کو بھیجی گئی مدد کا بتاکر شیئر کی گئی ویڈیو در حقیقت پرانی ہے اور امریکا کی جانب سے بھیجی گئی مدد کی ہے۔

Sourcres
Report published by The Foreign Correspondents’ Club of Japan on 31 March 2025
X post by @mhdksafa on 22 April 2024
Instagram post by @hema.alkhalili on 20 April 2024
X post by @ME_Observer_ on 03 March 2024