Fact Check: پاکستان کے وزیر دفاع خواجہ آصف کی بیٹی کا بتاکر بھارتی ماڈل کے رقص کی ویڈیو کی جا رہی ہے شیئر

Claim
خواجہ آصف کی بیٹی شراب کے نشے میں کلب میں ڈانس کر رہی ہے۔

Fact
وائرل ویڈیو میں نظر آ رہی خاتون خواجہ آصف کی بیٹی نہیں بلکہ بھارتی ماڈل ورشا راؤ ہیں۔

سوشل میڈیا پر ایک ویڈیو شیئر کی جا رہی ہے، جس میں ایک خاتون کسی کلب یا پارٹی میں رقص کرتی ہوئی نظر آ رہی ہیں۔ اس ویڈیو کو صارفین پاکستان کے وزیر دفاع خواجہ آصف کی بیٹی کا بتا کر شیئر کر رہے ہیں۔

پاکستان کے سپریم کورٹ کے وکیل ایم اظہر صدیق کے نام سے بنے ایک پیروڈی اکاؤنٹ کی جانب سے ویڈیو کو شیئر کر کیپشن میں لکھا گیا ہے کہ “خواجہ آصف کی بیٹی شراب پی کے ڈانس کلب میں ڈانس کر رہی ہے، منظرے عام پے لانا ہمارا کام ریٹویٹ کرنا آپ کا کام”۔

فیس بک پر بھی اس ویڈیو کو اسی دعوے کے ساتھ شیئر کیا گیا ہے۔

Fact Check/Verification

وائرل ویڈیو کی حقیقت جاننے کے لئے ہم نے سب سے پہلے ویڈیو کے ایک کیفریم کو ریورس امیج سرچ کیا۔ اس دوران ہمیں یہی ویڈیو ورشا راؤ نامی مستند انسٹاگرام پیج پر ملی۔ اس پیج پر اس ویڈیو کو 5 اپریل 2023 کو شیئر کیا گیا تھا۔ یہ پیج ورشا راؤ نامی خاتون کا ہے اور اس پر ان کی متعدد مختلف تصاویر و ویڈیوز موجود تھیں۔ انسٹاگرام پیج کے بایو میں فراہم کردہ معلومات کے مطابق ورشا راؤ فیمینا مسز ڈیزلنگ اسٹائلسٹا 2022 اور مسز انڈیا یونیورس 2019 جیسے مقابلوں میں حصہ لے چکی ہیں۔

مزید تحقیقات کے لئے ہم نے “خواجہ آصف کی بیٹی”، کلب میں ڈانس” اردو کیورڈ سرچ کیا۔ جس سے ہمیں پاکستانی معروف نیوز ویب سائٹ جیو نیوز پر اس حوالے سے شائع ایک فیکٹ چیک موصول ہوا۔ اس آرٹیکل میں وزیر مملکت برائے انفارمیشن ٹیکنالوجی اور خواجہ آصف کی بھانجی شزیٰ فاطمہ خواجہ کی جانب سے جیو نیوز کو کی گئی تصدیق کے حوالے سے بتایا گیا ہے کہ ویڈیو میں رقص کرتی ہوئی نظر آ رہی خاتون خواجہ آصف کی بیٹی نہیں ہیں۔

سرچ میں پتا چلا کہ اس سے پہلے بھی ورشا راؤ کی ایک اور ویڈیو کو خواجہ آصف کی بیٹی کا بتا کر مئی 2023 میں شیئر کیا جا چکا ہے، جسے آپ یہاں اور یہاں دیکھ سکتے ہیں۔ وہ ویڈیو بھی ہمیں ورشا راؤ کے انسٹاگرام پیج پر ملی، جسے 12 ستمبر 2023 کو شیئر کیا گیا تھا۔

Conclusion

اس طرح نیوز چیکر کی تحقیقات سے واضح ہوا کہ خواجہ آصف کی بیٹی کے نشے کی حالت میں کلب میں رقص کا بتا کر شیئر کی گئی ویڈیو دراصل بھارتی ماڈل ورشا راؤ کی ہے، جسے 5 اپریل 2023 کو ان کے انسٹاگرام پیج پر شیئر کیا گیا تھا۔

Result: False

Sources
Instagram post by @varsharaoofficial on 05 April 2023

نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واٹس ایپ نمبر 9999499044 پر آپ اپنی رائے ارسال کر سکتے ہیں۔ ساتھ ہی ہمارے واٹس ایپ چینل کو بھی فالو کریں۔