گائے کا شکار کرتے ہوئے تیندوے کی یہ ویڈیو پاکستان کی نہیں ہے

Claim

فیس بک، ٹویٹر اور یوٹیوب پر گائے کا شکار کرتے ہوئے تیندوے کی ایک ویڈیو کو پاکستان کے اسلام آباد اور نتھیاگلی سے ایبٹ آباد جاتے روڈ کا بتا کر خوب شیئر کیا جا رہا ہے۔ جس میں ایک تیندوا ہائی وے کے کنارے گائے کا شکار کرتے ہوئے نظر آ رہا ہے۔ ویڈیو سے متعلق صارف کا دعویٰ ہے کہ”اسلام آباد مونال رستوراں کے راستے میں گائے کا شکار کرتا ہوا تیندوا”۔

Fact

گائے کا شکار کرتے ہوئے تیندوے والی ویڈیو کو سب سے پہلے ہم نے انوڈ کی مدد سے کیفریم میں تقسیم کیا اور ان میں سے کچھ فریم کو گوگل ریورس امیج کی مدد سے کیورڈ سرچ کیا۔ اس دوران ہمیں رانی کھیت نیوز نامی یوٹیوب چینل پر ہو بہو وائرل ویڈیو ملی۔ جس میں اس ویڈیو کو تعلقہ بسولی کا بتایا گیا ہے۔

تعلقہ بسولی کیورڈ سرچ کیا تو پتا چلا کہ یہ جگہ اتراکھنڈ کا حصہ ہے۔ پھر ہم نے “اتراکھنڈ میں ہائی وے پر تیندوے نے گائے کا کیا شکار” کیورڈ سرچ کیا۔ جہاں ہمیں نو بھارت ٹائمس اور ٹائمس آف انڈیا پر گائے کا شکار کرتے ہوئے تیندوے والی ویڈیو کے ساتھ شائع 16 اگست 2022 کی رپورٹس ملیں۔ جس میں اس ویڈیو کو اتراکھنڈ کے رانی کھیت کا بتایا گیا ہے۔ کہیں بھی میڈیا رپورٹ میں پاکستان کے اسلام آباد کا ذکر نہیں ہے۔

اس طرح نیوز چیکر کی تحقیقات سے پتا چلا کہ گائے کا شکار کرتے ہوئے تیندوے کی وائرل ویڈیو بھارت کے اترا کھنڈ کے رانی کھیت کی ہے۔ جسے سوشل میڈیا پر پاکستان کے اسلام آبا کے مونال رستوران کے راستے میں پیش آئے واقعہ کا بتاکر شیئر کیا گیا ہے۔

Result: Partly False

نوٹ: کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔9999499044