پاکستانی پارلیمنٹ میں گدھے کے داخلے کی یہ ویڈیو دراصل اے آئی سے تیار کردہ ہے

سوشل میڈیا پر ایک ویڈیو گردش کر رہی ہے جس میں ایک پارلیمانی ہال جیسا منظر دکھایا گیا ہے۔ سرخ قالین، لکڑی کے ڈیسک اور دستاویزات سے بھری میزیں واضح نظر آ رہی ہیں۔ انہی نشستوں کے درمیان اچانک ایک گدھا داخل ہوتا دکھائی دیتا ہے۔ دعویٰ کیا جا رہا ہے کہ یہ واقعہ “پاکستانی پارلیمنٹ” میں پیش آیا۔

یہی ویڈیو کا اسکرین شاٹ روزنامہ منصف (حیدرآباد) نے بھی اپنی ویب سائٹ پر خبر کے طور پر شائع کیا ہے۔

آرکائیو لنک یہاں، یہاں اور یہاں دیکھیں۔

Fact Check/Verification

اگر واقعی پاکستانی پارلیمنٹ میں گدھا داخل ہوا ہوتا تو یہ بہت بڑی خبر بنتی، اور ملک و بین الاقوامی میڈیا اسے نمایاں طور پر رپورٹ کرتا۔ تاہم ہمیں کسی بھی مستند پاکستانی نیوز ویب سائٹ پر اس واقعے سے متعلق کوئی رپورٹ نہیں ملی۔

ریورس سرچ اور سورس کی تلاش

ویڈیو کے ایک فریم کو ریورس امیج سرچ کیا۔ اس عمل کے دوران یہی ویڈیو یوٹیوب پر ایک شارٹ کی صورت میں ملی، جس پر “عربین اسپِیڈ1” نامی ٹک ٹاک اکاؤنٹ کا واٹر مارک موجود تھا۔

تب ہم نے مخصوص ٹولز کی مدد سے اس اکاؤنٹ تک رسائی حاصل کی۔ عربین اسپیڈ1 نامی ٹک ٹاک اکاؤنٹ پر موجود ویڈیو کی تفصیل میں واضح کیا گیا ہے کہ یہ ویڈیو اے آئی سے تیار کی گئی ہے۔

مزید ہمیں اکاؤنٹ کا جائزہ لینے پر یہ بھی معلوم ہوا کہ وہاں ایسی کئی ویڈیوز موجود ہیں، جن میں مختلف جانوروں کو پارلیمنٹ جیسے ماحول میں داخل ہوتے ہوئے دکھایا گیا ہے۔

ویڈیو کا تکنیکی تجزیہ

وائرل کلپ کو بغور دیکھنے پر کئی مشکوک عناصر سامنے آتے ہیں، جیسے متعدد افراد کے چہروں میں غیر معمولی بگاڑ، دو افراد کا وہاں بیٹھا دکھائی دینا جہاں کوئی کرسی موجود ہی نہیں ہے، ایک فریم میں گدھے کے سر کا ڈیسک میں ضم ہوجانا۔

مزید یہ کہ نیلا جیکٹ اور سفید کُرتا پہنے ایک شخص شروع کے فریم میں کہیں دکھائی نہیں دیتا، مگر اگلے ہی لمحے اچانک دوسری جگہ پر سامنے آ جاتا ہے۔ ان نکات نے شبہات کو مزید بڑھایا کہ یہ ویڈیو مصنوعی ذہانت سے تیار کردہ ہو سکتی ہے۔

مزید تصدیق کے لئے ہم نے اے آئی کا پتا لگانے والے ٹولز کی مدد لی۔ جن میں ہائیو ماڈریشن ٹول نے اسے 94.7 فیصد امکانات کے ساتھ اے آئی یا ڈیپ فیک ظاہر کیا ہے۔

سائٹ انجن نے بھی وائرل ویڈیو کے تجزیے میں87 فیصد امکان ظاہر کیا کہ ویڈیو مصنوعی ہے۔

 جبکہ از اٹ اے آئی نے ایک فریم کو 88 فیصد واضح طور پر اے آئی سے تیار کردہ بتایا۔

یہ بھی پڑھیں: مندر میں اسدالدین اویسی کے ہنومان جی کی آرتی کرنے کی وائرل ویڈیو اے آئی جنریٹیڈ ہے

Conclusion

اس طرح آن لائن ملنے والے سبھی شواہد سے یہ ثابت ہوا کہ پاکستان کی پارلیمنٹ میں گدھے کے داخل ہونے کی یہ ویڈی مصنوعی ذہانت کی مدد سے تیار کی گئی ہے۔

Sources
Video published by YouTube Magar dada gameing on 5 Dec 2025
TikTok post by @arabianspeed1
Self Analysis
Hive Moderation tool
Was it AI tool
Is it AI tool
Sightengine tool