چیتے کے پالتو کتے پر حملے کی یہ ویڈیو بالاکوٹ کی نہیں ہے

Claim

چیتے کے پالتو کتے پر حملے کی ایک ویڈیو کو فیس بک، ٹویٹر اور یوٹیوب پر خوب شیئر کیا جارہا ہے۔ دعویٰ ہے کہ یہ سی سی ٹی وی ویڈیو پاکستان کے بالاکوٹ میں ایک گھر کی ہے، جہاں ایک چیتے نے گھر میں موجود پالتو کتے کا شکار کیا۔ ایک فیس بک صارف نے ویڈیو کے کیپشن میں لکھا ہے کہ “بالاکوٹ کے کسی علاقے میں ایک گھر کے پالتو کتے کا چیتے نے شکار کر دیا، سی سی ٹی وی کیمرے کی ریکارڈنگ”۔

Fact

چیتے کے پالتو کتے پر حملی کی ویڈیو کو ہم نے سب سے پہلے انوڈ کی مدد سے کیفریم میں تقسیم کیا اور اس کا ریورس ایمیج سرچ کیا۔ سرچ کے دوران ہمیں متعدد بھارتی نیوز ویب سائٹ پر اس حوالے سے خبریں ملیں۔ نیوز 18 اور دینک بھاسکر میں شائع رپورٹ میں اس ویڈیو کو لکھنؤ کا بتایا گیا ہے۔ جبکہ این ڈی ٹی وی اور دیگر نیوز ویب سائٹس پر شائع رپورٹس میں جگہ کا انکشاف نہیں کیا گیا ہے، تاہم یہ رپورٹس محکمہ جنگلات کے ملازم پروین پاسوان کے 21 دسمبر 2021 کے ایک ٹویٹ کے حوالے سے کی گئیں ہیں۔

سرچ کے دوران ہم نے یوٹیوب پر کچھ کیورڈ سرچ کیے۔ اس دوران ہمیں اینیمل ورلڈ اور نیما گیلبو شرپا نامی یوٹیوب چینل پر 14 دسمبر 2021 کو اپلوڈ شدہ یہی ویڈیو ملی۔ جس میں اس ویڈیو کو کاٹھ مانڈو کا بتایا گیا ہے۔ پھر ہم نے اپنے نیپالی ٹیم کے سنجیو سے رابطہ کیا۔ انہوں نے بتایا کہ نیپال کے مشہور قومی روزنامہ کانتی پور کے لامجنگ نمائندے، آش گرونگ نے ان سے گفتگو کے دوران تصدیق کی کہ یہ واقعہ سندر بازار-7 میں پیش آیا تھا۔

اسی ویڈیو سے متعلق فیکٹ چیک نیوز چیکر نیپالی ٹیم بھی کرچکی ہے، جسے آپ یہاں کلک کر کے پڑھ سکتے ہیں۔

اس طرح نیوز چیکر کی تحقیقات میں یہ ثابت ہوا کہ چیتے کے پالتو کتے پر حملے کی یہ ویڈیو بالاکوٹ کی نہیں ہے، بلکہ نیپال کے سندر بازار7 کی ہے۔

Result: False

کسی بھی مشکوک خبر کی تحقیقات، تصحیح یا دیگر تجاویز کے لیے ہمیں واٹس ایپ کریں: 9999499044 یا ای میل: checkthis@newschecker.in