منگل, دسمبر 7, 2021
منگل, دسمبر 7, 2021
HomeFact Checkپی ایم مودی نے خود کو پٹھان کا بچہ نہیں کہا: کانگریس...

پی ایم مودی نے خود کو پٹھان کا بچہ نہیں کہا: کانگریس لیڈر روہن گپتا نے شیئر کیا گمراہ کن دعوی

کانگریس سوشل میڈیا ہیڈ روہن گپتا نے وزیر اعظم نریندر مودی کے خطاب کی ایک ویڈیو کلپ شیئر کرتے ہوئے دعویٰ کیا ہے کہ پی ایم مودی نے خود کو پٹھان کا بچہ کہا۔ روہن نے طنز کرتے ہوئے لکھا ہے کہ یہ پٹھان کا بچہ کشمیر مسئلے پر سچ کیوں نہیں بولتے؟ وائرل ٹویٹ کا آرکائیو لنک یہاں دیکھا جا سکتا ہے۔

 خود کو پٹھان کا بچہ بتانے واے وائرل پوسٹ کا اسکرین شارٹ
وائرل پوسٹ کا اسکرین شارٹ

جموں کشمیر میں ان دنوں ملیٹنٹوں اور فوجی جوانوں میں جھڑپ کے بیچ دہشت گردوں نے کئی غیر کشمیریوں کا قتل کردیا ہے۔اس واقعے کے بعد سیاسی گلیاروں میں ہلچل مچی ہوئی ہے۔ سیاسی پارٹیاں اس معاملے میں اپنے غصے کا اظہار بھی کر رہی ہیں۔دوسری جانب دہشت گردوں کے خلاف بھارتی فوجیوں نے بھی اپنا آپریشن تیز کر دیا ہے۔

وہیں اس ویڈیو کو کانگریس لیڈر روہن گپتا کے علاوہ دیگر صارفین بھی سوشل میڈیا پر بغیر سوچے سمجھے شیئر کر رہے ہیں۔ بتادوں کہ اس ویڈیو کو اردو کیپشن کے ساتھ ایک ستمبر کو ہی فیس بک پر شیئر کیا جا چکا ہے۔ جس میں پاکستانی پی ایم عمران خان کا بھی ویڈیو ہے۔

Fact Check/Verification

کیا پی ایم مودی نے خود کو پٹھان کا بچہ کہا؟ کانگریس لیڈر کی جانب سے کئے گئے اس دعوے کی سچائی جاننے کے لئے ہم نے سب سے پہلے انوڈ کی مدد سے ویڈیو کو کیفریم میں تقسیم کیا اور ان میں سے کچھ فریم کو ریورس امیج سرچ کیا۔ لیکن ہمیں کوئی بھی ایسی رپورٹ نہیں ملی، جس سے واضح ہو سکے کہ پی ایم مودی نے خود کو پٹھان کا بچہ کہا ہو۔

Google reverse image search Screenshot

پھر ہم نے کیفریم کے ساتھ کچھ کیورڈ سرچ کیا۔ اس دوران ہمیں 23 فروری 2019 کو شائع شدہ این ڈی ٹی وی کے آفیشل یوٹیوب چینل پر وائرل ویڈیو سے متعلق ایک رپورٹ ملی۔ ویڈیو کو پورا دیکھنے پر پتا چلا کہ پی ایم مودی نے خود کو پٹھان کا بچہ نہیں بتایا تھا، بلکہ یہ جملہ انہوں نے پاکستان کے وزیراعظم عمران خان کے لئے استعمال کیا تھا۔ دراصل پی ایم مودی نے پلوامہ حادثے کے بعد ایک عوامی جلسے میں خطاب کے دوران یہ بات کہی تھی۔

ویڈیو میں مودی جی یہ کہتے ہوئے نظر آرہے ہیں کہ “جب پاکستان میں عمران خان وزیر اعظم بنیں تو پروٹوکال کے تحت میں نے انہیں فون کر کے مبارک باد دی تھی۔ میں نے کہا تھا کہ بھارت-پاکستان نے بہت لڑ لیا، لیکن پاکستان کو اس سے کچھ حاصل نہیں ہوا۔ اب وقت آگیا ہے کہ دونوں ممالک کو آپس میں ملکر غریبی اور الیٹریسی جیسی چیزوں سے لڑنا ہوگا۔ جس کے جواب میں عمران خان نے کہا تھا کہ “ہم پٹھان کے بچے ہیں، جو کہیں گے وہ کریں گے”۔

تحقیقات کے دوران ہمیں وزیر اعظم نریندر مودی کا مذکورہ خطاب بی جے پی کے آفیشل یوٹیوب چینل پر بھی ملا۔ اس ویڈیو کو 23 فروری 2019 کو اپلوڈ کیا گیا تھا۔ویڈیو کے 59 منٹ 52 سیکینڈ پر صاف طور پر سنا جاسکتا ہے کہ پی ایم مودی راجستھان کے ٹونک کے عوامی جلسے سے خطاب کے دوران خود کو پٹھان کا بچہ نہیں بتا رہے ہیں بلکہ پاکستانی پی ایم عمران خان سے ہوئی بات چیت کا ذکر کر رہے ہیں۔

Conclusion

نیوز چیکر کی تحقیقات میں یہ ثابت ہوتا ہے کہ پی ایم مودی نے خود کو پٹھان کا بچہ نہیں کہا، کانگریس لیڈر روہن گپتا نے ویڈیو کے ایک حصے کو ایڈیٹ کرکے سوشل میڈیا پر گمراہ کن دعوے کے ساتھ شیئر کیا ہے۔

Result: Misplaced Context


Our Sources

NDTV 

BJP YouTube


نوٹ:کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔

9999499044

Mohammed Zakariyahttps://newschecker.in/ur
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his Master in Mass communication and Journalism from Lucknow University.Lucknow
Mohammed Zakariyahttps://newschecker.in/ur
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his Master in Mass communication and Journalism from Lucknow University.Lucknow

LEAVE A REPLY

Please enter your comment!
Please enter your name here

Most Popular