پرانی ویڈیو کو حالیہ نیوزی لینڈ زلزلے کا بتاکر کیا جارہا ہے شیئر

Claim

پندرہ جنوری کو نیوزی لینڈ میں 6.1 شدت سے زلزلے کے جھٹکے محسوس کیے گئے۔ جس کے بعد سوشل میڈیا پر مختلف تصاویر اور ویڈیوز کو نیوزی لینڈ زلزلے سے منسوب کرکے شیئر کیا جارہا ہے۔ اسی سلسلے میں ایک دکان کی ویڈیو وائرل ہورہی ہے، جس میں دکان کے اندر سےلوگ بھاگتے ہوئے نظر آرہے ہیں اور ریک میں رکھا سامان گرتا ہوا نظر آرہا ہے۔ ویڈیو کے کیپشن میں ایک ٹویٹر صارف نے لکھا ہے کہ “نیوزی لینڈ میں 6.1 کا زلزلہ”۔

Fact

نیوزی لینڈ زلزلے کا بتاکر شیئر کی گئی ویڈیو کے ایک فریم کو گوگل ریورس سرچ کیا۔ جہاں ہمیں انجینئر سیموئیل مونگی نام کے فیس بک پیج پر 22 اگست 2021 کو شیئر شدہ ہوبہو ویڈیو ملی۔ جس میں اس ویڈیو کو ہیتی میں آئے زلزلے کا بتایا گیا ہے۔

اس کے علاوہ جب ہم نے یوٹیوب پر “ہیتی ارتھ کوئیک 6.1 اور 7،1 “کیوڑد سرچ کیا۔ جہاں ہمیں22/27 اگست 2021 کو ڈیزاسٹر کمپائلیشنز اور ویڈیوز دی ٹیرموٹوز نام کے یوٹیوب چینل پر اپلوڈ شدہ ہوبہو ویڈیو ملی۔ جس میں اس ویڈیو کو 14 اگست 2021 کو ہیتی میں 7.2 کی شدت سے آئے زلزلے کا بتایا گیا ہے۔ ہم نے اس سلسلے میں مزید کیورڈ سرچ کیے، لیکن اطمینان بخش نتائج نہیں ملے، جس میں واضح ہوسکے کی یہ ویڈیو ہیتی زلزلے کی ہے۔ البتہ مذکورہ معلومات سے پتہ چلا کہ ویڈیو پرانی ہے۔

اس طرح ہماری تحقیقات سے یہ ثابت ہوتا ہے کہ یہ ویڈیو حالیہ نیوزی لینڈ زلزلے کی نہیں ہے۔ بلکہ یہ ویڈیو انٹرنیٹ پر کم از کم دو سالوں سے موجود ہے۔

Result: False

نوٹ: کسی بھی مشتبہ خبرکی تحقیق، ترمیم یا دیگر تجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کرسکتے ہیں۔ 9999499044