Newchecker.in is an independent fact-checking initiative of NC Media Networks Pvt. Ltd. We welcome our readers to send us claims to fact check. If you believe a story or statement deserves a fact check, or an error has been made with a published fact check
Contact Us: checkthis@newschecker.in
Fact Check
پاکستان کے سابق وزیر اعظم عمران خان پر جلسے میں گولی لگنے سے زخمی ہونے کے بعد سوشل میڈیا پر کافی مواد وائرل ہورہا ہے۔ متعدد صارفین نے اُن کی ایک ویڈیو شیئر کی ہے، ویڈیو سے متعلق دعویٰ ہے کہ عمران خان گولی لگنے کے بعد بھی خود آرام سے چلکر گاڑی میں بیٹھے۔
ایک ٹویٹر صارف نے عمران خان پر جلسے میں گولی لگنے کے سلسلے میں ویڈیو شیئر کرتے ہوئے لکھا ‘پی ٹی آئی کے لڑکے نے گولی چلانے والے کو پکڑا وہ کہتا ہے ایک گولی چلی تو اُس نے پکڑ لیا۔ باقی فائر زمین کی طرف ہوئے حیرانگی ہے۔ گولی کنٹینر پر کھڑے خان صاحب کی ٹانگ پر لگی اور وہ آرام سے چلتے گاڑی میں جا بیٹھے؟
متعدد صارفین نے عمران خان پر جلسے میں گولی لگنے کے تناظر میں یہی ویڈیو شیئر کی ہے۔ جس کا آرکائیو لنک آپ یہاں، یہاں اور یہاں دیکھ سکتے ہیں۔
فیس بُک پر بھی متعدد صارفین نے اس ویڈیو کو شیئر کیا ہے۔ ایک فیس بکُ صارف نے ویڈیو کے کیپشن میں لکھا: ‘مبینہ گولی لگنے کے بعد عمران خان چل کر گاڑی تک آئے’۔
فیس بُک پر مذکورہ ویڈیو کو یہاں، یہاں، یہاں اور یہاں دیکھا جاسکتا ہے۔
نیوز چیکر نے عمران خان پر جلسے میں گولی کا بتاکر شیئر کی گئی ویڈیو کی حقیقت جاننے کے لیے سب سے پہلے شیئر شدہ پوسٹس کے کمنٹس چیک کیے، جہاں کئی صارفین نے لکھا تھا کہ یہ پرانی ویڈیو ہے۔ ایک صارف نے کمنٹ کیا جواب دیا ‘جھوٹے انسان، یہ کراچی ہے، جب خان کراچی میں مزارِ قائد میں جلسے کے لیے آئے تھے، میں انکے ساتھ تھا’۔
اس سے پتہ چلا کہ وائرل ویڈیو عمران خان پر جلسے میں گولی چلنے کے بعد کی نہیں ہے۔ اس کے بعد ہم نے ویڈیو کو غور سے دیکھا تو پتہ چلا کہ ویڈیو کے بیک گراونڈ میں ‘پاکستان شول اویشن اتھارٹی’ صاف صاف نظر آرہا ہے جس سے صاف ہوا کہ یہ ویڈیو ائیر پورٹ پر ریکارڈ کی گئی ہے، جبکہ عمران خان پر فائرنک پنجاب میں جسلے کے دوران ہوئی اور گولی ان کی ٹانگ میں لگی، جس سے وہ زخمی ہوگئے۔
مزید غور کرنے کے بعد دیکھا کہ مذکورہ ویڈیو میں عمران خان نے سرمئی رنگ کا قمیض شلوار پہنا ہے، جبکہ جلسے زخمی ہونے کے وقت انہوں نے کالے رنگ کا قمیض شلوار پہنا ہوا تھا۔
موازنہ کی گئی تصویرں میں آپ خود فرق دیکھ سکتے ہیں۔
اس کے علاوہ عمران خان پر جلسے میں گولی چلائے جانے سے زخمی ہونے کے بعد انہیں جسلے میں موجود ان کے کارکنان نے اٹھاکر گاڑی میں رکھا، جبکہ وائرل ویڈیو میں وہ ایئرپورٹ کے اندر سے چلکر اچھی طرح سے گاڑی میں بیٹھتے ہیں۔
نیوز چیکر کی تحقیقات سے صاف واضع ہوا کہ وائرل ویڈیو عمران خان پر جلسے میں گولی چلائے جانے کی نہیں ہے، ہم دعوے کے ساتھ یہ نہیں بتاسکتے کہ ویڈیو کہاں کی ہے، تاہم ہماری تحقیقات میں ثابت ہوا کہ ویڈیو پرانی ہے، اور اس کا عمران خان پر پنجاب میں ہونے والے حملے سے کوئی تعلق نہیں ہے۔
کسی بھی مشکوک خبر کی تحقیقات، تصحیح یا دیگر تجاویز کے لیے ہمیں واٹس ایپ کریں: 9999499044 یا ای میل: checkthis@newschecker.in
Mohammed Zakariya
March 12, 2025
Mohammed Zakariya
February 18, 2025
Mohammed Zakariya
December 17, 2024