پیر, جون 17, 2024
پیر, جون 17, 2024

ہومFact Checkکیا ڈانس کی ویڈیو بلدیاتی انتخابات میں عمران خان کی جیت کے...

کیا ڈانس کی ویڈیو بلدیاتی انتخابات میں عمران خان کی جیت کے بعد کی ہے؟

پاکستانی زیر حکومت کشمیر میں بلدیاتی انتخابات میں عمران خان کی اکثریت کے ساتھ جیت کے بعد سوشل میڈیا پر متعدد ویڈیوز وائرل ہورہی ہیں۔

ٹویٹر پر افغانی لباس میں ایک ڈانس کی ویڈیو وائرل ہورہی ہے۔ ڈانس کی ویڈیو سے متعلق صارفین کا دعویٰ ہے کہ عمران خان کی جیت کی خوشی میں کشمیر میں جشن منایا جارہا ہے۔

ویڈیو کا لنک آپ یہاں، یہاں اور یہاں دیکھ سکتے ہیں۔

Fact Check/ Verification

نیوز چیکر نے اس ڈانس کی ویڈیو کی حقیقت جاننے کے لیے ویڈیو کو کیفریم میں تقسیم کیا اور ان میں سے چند کیفریمز کو گوگل ریورس امیج سرچ کیا۔ سرچ کے دوران ہمیں قیصر خان وی لاگس نامی یوٹیوب چینل کا لنک ملا۔ اس چینل کو یوٹیوب پر سرچ کرنے کے بعد ہمیں یہی ڈانس کی ویڈیو ملی جو 10 اپریل 2021 کو اس چینل پر اپلوڈ کی گئی ہے۔

ویڈیو کے ڈسکرپشن میں لکھا گیا ہے کہ یہ طالبانی شادی کی تقریب میں ڈانس کررہے ہیں۔

کشمیر میں بلدیاتی اتخابات دسمبر 2022 کو منعقد ہوئے۔ اس سے واضع ہوا کہ اس ڈانس کی ویڈیو کا کشمیر کے انتخابات سے کوئی تعلق نہیں ہے۔

تحقیقات کو مزید فعال بنانے کے لیے ہم نے اسی ڈسکرپشن کے ساتھ یوٹیوب پر مزید سرچ کیا، تو ہمیں یہی ڈانس کی ویڈیو متعدد یوٹیوب چینلز پر دستیاب ملی۔

پاک افغان پشتو سانگز نامی یوٹیوب چینل پر 31 مئی 2021 سے موجود اس ڈانس کی ویڈیو متعلق کہا گیا ہے کہ یہ بنو نامی علاقے میں شادی کی تقریب کے دوران ڈانس کی ویڈیو ہے۔ واضع رہے کہ بنو خیبرپختونخواہ کا ایک علاقہ ہے۔

ڈانس کی ویڈیو
Courtesy: Screengrab from Pak Afghan Pashto Songs

اسی طرح سے دیگر یوٹیوب چینلز پر بھی یہ ویڈیو گزشتہ برس سے موجود ہے، جس سے متعلق دعویٰ ہے کہ یہ بنو نامی علاقے میں شادی کی تقریب کے دوران ڈانس کی ویڈیو ہے۔

دیگر یوٹیوب چینلز پر اس ویڈیو کا لنک آپ یہاں، یہاں اور یہاں دیکھ سکتے ہیں۔

Conclusion

اس طرح نیوز چیکر کی تحقیات میں ثابت ہوا کہ یہ ڈانس کی ویڈیو 2021 کی ہے اور کشمیر میں بلدیاتی انتخابات دسمبر 2022 کو منعقد ہوئے۔ تحقیقات کرنے کے بعد ہم دعوے سے کہہ سکتے ہیں کہ ویڈیو کا کشمیر میں بلدیاتی انتخابات سے کوئی تعلق نہیں ہے، لہذا ویڈیو سے متعلق کیا جارہا دعویٰ غلط ہے۔

Result: False

Our Sources

Video by YouTube Pak Afghan Pashto Songs, Dated March 31, 2021
Video by Advance TV, Dated April 11, 2021
Video by Zeeshan qadir, Dated August 20, 2021


کسی بھی مشکوک خبر کی تحقیقات، تصحیح یا دیگر تجاویز کے لیے ہمیں واٹس ایپ کریں: 9999499044 یا ای میل: checkthis@newschecker.in

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں

Most Popular