بی ایل اے کے سرمچاروں پر پاکستانی فوج کے حملے کی نہیں ہے یہ ویڈیو

گزشتہ کئی سالوں سے بلوچ لبریشن آرمی (بی ایل اے) پاکستان کی فوج کو لگاتار نشانہ بنا رہی ہے۔ جس کے جواب میں پاکستانی فوج بھی بی ایل اے پر سخت کاروائی کرتی رہتی ہے۔ جس کے پیش نظر صارفین فرضی خبریں بھی خوب شیئر کرتے ہیں۔ اسی تناظر میں 19 سیکنڈ پر مشتمل ایک ویڈیو شیئر کی جا رہی ہے، جس میں پہاڑوں سے تیز دھواں نکلتا ہوا نظر آرہا ہے۔ صارفین کا دعویٰ ہے کہ یہ ویڈیو پاکستانی فوج کی جانب سے بلوچ لبریشن آرمی ( بی ایل اے) کے سرمچاروں پر کی گئی کاروائی کا ہے۔

ویڈیو کے ساتھ ایک فیس بک صارف نے لکھا ہے”اب تمھاری آنے والی نسلیں بھی پہاڑوں پر چڑھنے کا نام نہیں لیں گی۔ بی ایل اے!! پاک فوج زندہ آباد”۔

ایک دوسرے صارف نے لکھا ہے “بی ایل اے کے سرمچاروں کو اب پہاڑوں کی چوٹیوں پر بھی پناہ نہیں ملے گی”۔

Fact Check/Verification

پاکستان آرمی کی جانب سے بی ایل اے کے سرمچاروں پر کی گئی کاروائی کا بتاکر شیئر کی جا رہی ویڈیو کے ایک فریم کو ہم نے ین ڈیکس ٹول کی مدد سے تلاش کیا۔ اس دوران ہمیں یہی ویڈِیو ویدر مونیٹر نامی ایکس ہینڈل پر 7 اپریل 2025 کو شیئر شدہ موصول ہوئی۔ جس کے ساتھ فراہم کردہ معلومات کے مطابق یہ ویڈیو ساکوراجیما کے مینامی ڈیک کی چوٹی پر ہونے والے تیز دھماکے کی ہے۔ یہ واقعہ 7 اپریل کو صبح 11 بجے پیش آیا تھا۔

پھر ہم نے گوگل پر مذکورہ کیوڑ تلاش کیا۔ اس دوران ہمیں 4 منٹ 6 سکینڈ پر مشتمل وائرل ویڈیو سے ملتے جلتے کلپ کا طویل ورژن شٹر اسٹاک کی ویب سائٹ پر 13 اکتوبر 2024 کو شائع شدہ موصول ہوا۔ جس کے ایک منٹ 25 سیکنڈ پر ہوبہو مناظر دیکھے جا سکتے ہیں۔ شٹر اسٹاک کے مطابق بھی یہ ویڈیو جاپان کے ساکوراجیما آتش فشاں پھٹنے کا ہے، جس کی 1,400 میٹر بلندی سے دھواں نکلتا ہوا دکھائی دے رہا ہے۔ یہ کاگوشیما، جاپان میں موجود ہے۔ اس حوالے سے مزید تفصیلات یہاں اور یہاں پڑھی جا سکتی ہیں۔

یہ بھی پڑھیں: یمن کے حوثی باغیوں کی فوجی مشق کی ویڈیو کو پاکستانی فوج پر بی ایل اے کے حملے کا بتاکر کیا گیا شیئر

Conclusion

اس طرح نیوز چیکر کی تحقیقات سے یہ ثابت ہوا کہ یہ مناظر پہاڑوں میں چھپے بلوچ لبریشن آرمی کے سرمچاروں پر پاکستانی فوج کی جانب سے کئے گئے حملے کے نہیں ہیں بلکہ یہ ویڈیو پرانی اور جاپان کے سکوراجیما میں آتش فشاں پھٹنے کی ہے۔