مظاہرین پر پولس تشدد کی یہ ویڈیو توہین رسالتؐ کے خلاف احتجاج کی نہیں ہے

Claim

مظاہرین پر پولس تشدد کی ایک ویڈیو سوشل میڈیا پر گردش کر رہی ہے۔ جس میں مرد و خواتین اپنے ہاتھوں میں بینر لے کر سڑک پر بیٹھے ہوئے نظر آ رہے ہیں۔ صارف کا دعویٰ ہے کہ “بھارت میں نبی پاک صلی اللہ علیہ وسلم کی شان میں گستاخی کے خلاف مسلمانوں کی طرف سے پرامن احتجاج پر بھارتی پولس تشدد کر رہی ہے”۔

Fact

مظاہرین پر پولس تشدد والی وائرل ویڈیو کی تحقیقات کے دوران ہمیں ساحل آن لائن ٹی وی نیوز نامی یوٹیوب چینل پر 14 ستمبر 2021 کو اپلوڈ وہی ویڈیو ملا جو ٹویٹر پر صارف نے شیئر کیا ہے۔ اس میں صاف طور پر وائرل ویڈیو جیسا منظر دیکھا جا سکتا ہے۔ ویڈیو کے ساتھ دی گئی جانکاری کے مطابق یہ ویڈیو بنگلورو میں نیشنل ایجوکیشن پالیسی کے خلاف احتجاج کر رہے طالب علموں پر پولس کی جانب سے کئے گئے لاٹھی چارج کی ہے۔

بتادوں کہ مظاہرین پر پولس تشدد والی اس ویڈیو کو رواں سال کے فروری ماہ میں کرناٹک حجاب معاملے سے جوڑ کر شیئر کیا گیا تھا۔ جسے نیوز چیکر اردو کی ٹیم نے فیکٹ چیک کیا تھا۔ جسے آپ یہاں پڑھ سکتے ہیں۔

Result: False Context/ False

آپ کو اگر ہمارا یہ فیکٹ چیک اچھا لگا ہو تو یہاں آپ دیگر فیکٹ چیک پڑھ سکتے ہیں۔

نوٹ: کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔9999499044