ماسکو میں پاکستانی پی ایم عمران خان اور روسی صدر ولادیمیر پوتن کی تصویر والا پوسٹر ترمیم شدہ ہے

سوشل میڈیا پر ایک تصویر سے متعلق دعویٰ ہے کہ ماسکو میں پاکستانی پی ایم عمران خان اور روسی صدر ولادیمیر پوتن کی تصویر والے پوسٹر لے کر لوگوں نے مظاہرے میں شرکت کی ہے۔ فیس بک پر ایک صارف نے پوسٹر کے ساتھ کیپشن میں لکھا ہے کہ “4 اپریل کو ماسکو میں امریکہ کے دوسرے ملکوں میں مداخلت کے خلاف مظاہرہ ہوا، جس میں لاکھوں لوگوں نے شرکت کی۔ مظاہرین میں کچھ لوگوں نے عمران خان اور روسی صدر ولادیمیر پوتن کے پوسٹر بھی اٹھا رکھے تھے۔ عمران خان دنیا میں امریکہ کو چیلنج کرنے والے مزاحمتی لیڈر کے طور پر متعارف ہو رہے ہیں”۔

ٹویٹر پر مذکورہ دعوے کے ساتھ پوسٹر کو روس اردو نامی ہینڈل سے 4 اپریل 2022 کو شیئر کیا گیا تھا۔ اس ٹویٹ پر ہمارے آرٹیکل لکھنے تک 5،919 ری ٹویٹ، 17700 لائکس موجود تھے۔

انسٹاگرام پر بھی ایک صارف نے مذکورہ پوسٹر کو ماسکو میں پاکستانی پی ایم عمران خان اور روسی صدر ولادیمیر پوتن سے جوڑ کر شیئر کیا ہے۔

فیس بک پر مذکورہ دعوے کے ساتھ والی تصویر کو کتنے صارفین نے شیئر کیا ہے، یہ جاننے کے لئے ہم نے کراؤڈ ٹینگل پر کیورڈ سرچ کیا تو ہمیں پتا چلا کہ اس موضوع پر پچھلے 3 دنوں میں 73 پوسٹ شیئر کئے گئے ہیں اور 1,521 فیس بک صارفین نے اس موضوع پر تبادلہ خیال کیا ہے۔ جبکہ ٹویٹر پر بھی اسی پوسٹر والی تصویر کو ماسکو میں پاکستانی پی ایم عمران خان اور روسی صدر ولادیمیر پوتن سے جوڑ کر شیئر کیا گیا ہے۔

Fact Check/Verification

ماسکو میں پاکستانی پی ایم عمران خان اور روسی صدر ولادیمیر پوتن سے جوڑ کر شیئر کئے گئے پوسٹر کی سچائی جاننے کے لئے ہم نے سب سے پہلے پوسٹر کو ریورس امیج سرچ کیا۔ اس دوران ہمیں 2021 کی متعدد میڈیا رپورٹس ملیں، جن میں وائرل پوسٹر والی تصویر کے ساتھ خبریں شائع کی گئ تھیں۔

ہم نے جب پولیٹیکو اور منی کنٹرول کی لنک کو کلک کیا تو ہمیں وائرل تصویر اور خبروں میں شائع کی گئی تصویر میں کافی فرق نظر آیا۔ جس سے پتا چلا کہ اصل تصویر کے ساتھ چھیڑ چھاڑ کی گئی ہے۔ درج ذیل میں فوٹو پیا کی مدد سے تیار کئے گئے کولاج میں خبروں کے ساتھ شائع تصویر اور وائرل تصویر میں واضح فرق دیکھا جا سکتا ہے۔

پولیٹیکو ڈاٹ کام نے تصویر کے کیپشن میں ایسوسی ایٹ پریس کے حوالے سے لکھا ہے کہ “بروز سنیچر(23 جنوری 2021) روس کی دارالحکومت ماسکو میں الیگزینڈر پشکن کے مجسمے کے ارد گرد اپوزیشن رہنما الیکسی ناویلنی کو جیل بھیجنے کے خلاف احتجاج کے دوران جمع ہوئے لوگوں کی یہ تصویر ہے”۔ لیک اس رپورٹ میں ماسکو میں پاکستانی پی ایم کا ذکر نہیں ہے۔

ایسوسی ایٹ پریس کی ویب سائٹ پر مذکورہ رپورٹ میں ملی جانکاری سے متعلق کیورڈ سرچ کیا۔ اس دوران ہمیں پوسٹر والی وائرل تصویر کے ساتھ 23 جنوری 2021 کی ایک رپورٹ ملی۔ جس میں پوسٹر پر روسی زبان میں لکھے جملے کا بھی ذکر کیا گیا ہے۔

جس پوسٹر پر وائرل تصویر میں عمران خان اور پوتن کی تصویر دکھائی گئی ہے، دراصل اس پوسٹر میں روس کے اپوزیشن لیڈر الیکسی ناویلنی کی تصویر کے ساتھ روسی زبان میں کچھ لکھا ہے، جس کا انگلش میں ترجمہ ‘ایک کے لئے سب اور سب کے لئے ایک’ ہے۔ ان رپورٹس سے واضح ہو چکا کہ ماسکو میں پاکستانی پی ایم عمران خان اور روسی صدر پوتن کے پوسٹر والی تصویر ترمیم شدہ ہے

Conclusion

نیوز چیکر کی تحقیقات سے یہ ثابت ہوتا ہے کہ سوشل میڈیا پر ماسکو میں پاکستانی پی ایم عمران خان اور روسی صدر ولادیمیر پوتن سے جوڑ کر شیئر کی گئی تصویر ترمیم شدہ ہے۔ دراصل جس پوسٹر پر عمران خان اور پوتن کی تصویر نظر آرہی ہے اس پر روس کے اپوزیشن لیڈر الیکسی ناویلنی کی تصویر لگی تھی، جسے سوفٹ ویئر کی مدد سے ایڈٹ کیا گیا ہے۔

Result: Manipulated Media/ Altered Photo/ Video

نوٹ:کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔

9999499044