کیا راہل گاندھی نے امبیڈکر کو نظر انداز کر کہا آئین گاندھی نے بنایا ہے؟ پوری حقیقت یہاں پڑھیں

کانگریس لیڈر و لوک سبھا میں اپوزیشن لیڈر راہل گاندھی کی ایک ویڈیو سوشل میڈیا پر شیئر کی جا رہی ہے، جس میں وہ آئین بنانے کے لئے مہاتما گاندھی کا نام لیتے ہوئے سنائی دے رہے ہیں۔ دعویٰ کیا جا رہا ہے کہ راہل گاندھی نے کہا ہے کہ مہاتما گاندھی نے آئین بنایا اور انہوں نے امبیڈکر اور دستور ساز اسمبلی کے کردار کو نظر انداز کر دیا۔

وائرل ویڈیو کلپ میں راہل گاندھی کو یہ کہتے ہوئے سنا جا سکتا ہے کہ “آئین کس نے بنایا؟ گاندھی جی نے جان دی، آئین بنایا۔” اس ویڈیو کے ذریعے سوشل میڈیا صارفین راہل گاندھی کا مذاق اڑا رہے ہیں اور ان کے بیان پر کانگریس کو نشانہ بھی  بنا رہے ہیں۔

دیپک شرما نامی صارف نے ایکس پر ویڈیو کلپ پوسٹ کرتے ہوئے لکھا، “آئین گاندھی جی نے بنایا- راہل گاندھی۔ سن لیا نا کانگی بھیمٹو… دوبارہ مت پوچھنا، تمہارے مالک نے بتا دیا ہے”۔ پوسٹ کا آرکائیو یہاں دیکھیں۔

ایکس کے علاوہ اس ویڈیو کو فیس بک پر بھی بڑے پیمانے پر شیئر کیا جا رہا ہے۔ ان پوسٹس کے آرکائیو لنکس یہاں، یہاں، یہاں اور یہاں دیکھے جا سکتے ہیں۔

Fact Check/Verification

آئین سازی پر کانگریس لیڈر راہل گاندھی کے وائرل بیان کہ ‘آئین گاندھی نے بنایا‘ کی تصدیق کے لئے ہم نے متعلقہ کیورڈ کی مدد سے ان کی پوری ویڈیو تلاش کی۔ اس دوران ہمیں یہ ویڈیو راہل گاندھی کے آفیشل یوٹیوب چینل پر 21 اگست 2025 کو لائیو سٹریم کے طور پر اپلوڈشدہ ملی۔ یہ بہار کے مونگیر میں منعقد ’ووٹر ادھیکار یاترا‘ کی ویڈیو ہے۔

ویڈیو دیکھنے پر، ہم نے پایا کہ وائرل کلپ تقریباً 20 منٹ پر شروع ہوتی ہے۔ یہاں راہل گاندھی یاترا میں موجود لوگوں سے خطاب کرتے ہوئے کہتے ہیں: “سنویدھان کس نے بنایا؟ نہیں، سنویدھان کس نے بنایا؟ امبیڈکر جی نے اپنی زندگی دی، زندگی دی، آئین بنایا، گاندھی جی نے زندگی دی، سنویدھان بنایا، یہ ووٹ چوری آئین پر حملہ ہے”۔

واضح رہے کہ اپنے پورے بیان میں راہل گاندھی نے آئین بنانے میں ڈاکٹر بھیم راؤ امبیڈکر اور مہاتما گاندھی دونوں کا نام لیا ہے۔ لیکن سوشل میڈیا پر وائرل ہونے والی ویڈیو کو دراصل ایک طویل تقریر سے ایڈٹ کیا گیا ہے۔ اس میں راہل گاندھی کا وہ حصہ ہٹا دیا گیا ہے، جس میں انہوں نے ڈاکٹر امبیڈکر کا نام لیا تھا۔

Conclusion

اس طرح نیوز چیکر کی تحقیقات سے یہ ثابت ہوا کہ راہل گاندھی کی ویڈیو کو گمراہ کن دعوے کے ساتھ ایڈٹ کرکے شیئر کیا جا رہا ہے۔ اصل ویڈیو میں انہوں نے ڈاکٹر بھیم راؤ امبیڈکر اور مہاتما گاندھی دونوں کا ہی ذکر کیا ہے۔

Sources
Rahul Gandhi YouTube Video, August 21, 2025

(اس آرٹیکل کو ہندی سے اردو میں ترجمہ کیا گیا ہے، جسے سلمان نے لکھا ہے۔)