جاپان میں فلسطین کی حمایت میں نکالی گئی ریلی کا بتاکر اے آئی ویڈیو کی گئی شیئر

فلسطین میں اسرائیلی جارحیت عروج پر ہے۔ اسی کے پیش نظر سوشل میڈیا پر 12 سیکنڈ کی ایک ویڈیو شیئر کی جا رہی ہے اور دعویٰ کیا جا رہا ہے کہ یہ ویڈیو جاپان میں فلسطین کی حمایت میں نکالی گئی ریلی کی ہے۔

آرکائیو لنک یہاں اور یہاں دیکھیں۔

Fact Check/Verification

ہم نے سب سے پہلے وائرل ویڈیو کے ایک فریم کو گوگل لینس کی مدد سے تلاش کیا۔ اس دوران ہمیں 12 اگست 2025 کو شیئر شدہ یہی ویڈیو اليابان بالعربي نامی ایکس ہینڈل پر موصول ہوئی۔ جس کے ساتھ فراہم کردہ معلومات کے مطابق اس ویڈیو کو اے آئی کی مدد سے تیار کیا گیا ہے۔

پھر ہم نے اپنی تحقیقات میں اضافہ کرتے ہوئے چند کیورڈ تلاش کئے تو وائرل ویڈیو کا الگ الگ کلپ حسن مورننگ اسٹار نامی ٹک ٹاک ہینڈل پر موصول ہوا۔ ہینڈل تک وی پی این کی مدد سے رسائی کی۔ جہاں معلوم ہوا اس ہینڈل سے محض اے آئی سے تیار کردہ ویڈیوز ہی شیئر کی جاتی ہیں۔

مزید تصدیق کے لئے ہم نے اے آئی کا پتا لگانے والے ٹولز ہائیو ماڈریشن کی مدد لی۔ جہاں ہائیو ماڈریشن نے اپنے تجزیہ میں اس ویڈیو میں 94.3 فیصد اے آئی یا ڈیپ فیک سے تیار کردہ مواد ہونے کا امکان ظاہر کیا ہے۔

وہیں اے آئی کا پتا لگانے والے ٹول کینٹ لیکس نے اس ویڈیو میں 61 فیصد اے آئی سے تیار کردہ مواد ہونے کا امکان ظاہر کیا ہے۔

کیا جاپان میں فلسطین کی حمایت میں واقعی ہوا مظاہرہ؟

ہم نے یہ بھی پتا لگانے کی کوشش کی کہ آیا جاپان میں واقعی فلسطین کے حق میں مظاہرہ کیا گیا ہے یا نہیں؟اس دوران ہمیں رواں ماہ کی 4 تاریخ کو شائع ہونے والی عرب نیوز کی ایک رپورٹ ملی۔ جس کے مطابق جاپان کے ٹوکیو میں ایک مظاہرہ کیا گیا تھا، جس میں غزہ میں اسرائیل کی جانب سے مسلط کردہ غذا کی شدید قلت کے خاطمے کا مطالبہ کیا گیا تھا۔ اس مظاہرے میں “فلسطین کو آزاد کرو” اور “بچوں کا قتل بند کرو” جیسے نعرے بھی لگائے گئے تھے۔

Conclusion

لہٰذا نیوز چیکر کی تحقیقات سے یہ ثابت ہوا کہ جاپان میں فلسطین کی حمایت میں نکالی گئی ریلی کے مناظر کا بتاکر شیئرکی گئی ویڈیو اے آئی کی مدد سے تیار کی گئی ہے۔

Our Sources
X post by @nippon_ar on 12 Aug 2025
TikTok post by @hassan_morningstar
Hive Moderation tool