جمعہ, جولائی 19, 2024
جمعہ, جولائی 19, 2024

ہومFact Checkپی سی بی چیرمین رمیض راجہ کی پرانی ویڈیو غلط دعوے کے...

پی سی بی چیرمین رمیض راجہ کی پرانی ویڈیو غلط دعوے کے ساتھ وائرل

آئی سی سی ٹی20 ورلڈکپ 2022 میں 27 اکتوبر کو پاکستان اور زمبابوے کے درمیان کھیلے جانے والے میچ میں زمبابوے نے پاکستان کو شکست دی، جس کے بعد سے شائقین پاکستانی ٹیم پر تنقید کررہے ہیں۔

سوشل میڈیا پر پاکستانی ٹیم کے سابق کپتان اور پی سی بی کے چیئرمین رمیض راجہ کی ویڈیو بھی وائرل ہوئی، جس میں انہوں نے پاکسانی ٹیم کی زمبابوے سے ہار کو تاریک لمحہ بتایا ہے اور ملکی ٹیم کو سخت تنقید کا نشانی بنایا۔

متعدد ٹویٹر صارفین نے رمیض راجہ کی ویڈیو کو شیئر کیا ہے۔ ایک ٹویٹر صارف نے یہ ویڈیو شیئر کرتے ہوئے کپشن میں لکها “رمیض راجہ یہ آپ کی منظور شدہ ٹیم ہے۔ آپ نے اس ویڈیو میں ہر ایک الزام دیا ہے سوائے اپنے آپ کو۔ اخلاقی جرات کا مظاہرہ کرتے آپکے آپ استعفیٰ دیں”۔

رمیض راجہ کی ویڈیو

دیگر ٹویٹس کا آرکایئو لنک آپ یہاں، یہاں اور یہاں دیکھ سکتے ہیں۔

اسی طرح سے رمیض راجہ کی ویڈیو کو یوٹیوب پر بھی شیئر کیا جارہا ہے۔ جس کا لنک آپ یہاں، یہاں اور یہاں دیکھ سکتے ہیں۔

Courtesy: Screengrab from Youtube/
jugario sports

Fact Check/ Verification

رمیض راجہ کی ویڈیو کی حقیقت جاننے کے لیے ہم نے سب سے پہلے گوگل پر چند کیورڈ سرچ کیے، اس دوران ہمیں این ڈی ٹی وی کی ایک رپورٹ ملی، جس میں اس ویڈیو کو 2021 کا بتایا گیا ہے۔

Courtesy: Screengrab from NDTV report.

رپورٹ میں واضع کیا گیا ہے کہ رمیض راجہ کی ویڈیو ایک برس قبل ان کے ہی یوٹیوب چینل پر اپلوڈ کی گئی ہے، جب وہ پاکستانی کرکٹ بورڈ کے چیئرمین نہیں تھے۔

اس رپورٹ سے واضع ہوا کہ یہ ویڈیو رمیض راجہ نے اپنے یوٹیوب چینل پر اپلوڈ کی ہے۔ ہم نے یوٹیوب پر رمیض راجہ کے چینل کو سرچ کیا اور دیکھا کہ یہ ویڈیو واقعی ان کے چینل پر موجود ہے، جو 23 اپریل 2021 کو اپلوڈ کی گئی ہے۔  

رمیض راجہ کی ویڈیو کو غور سے سنا تو انہوں نے پاکستانی ٹیم کی زمبابوے سے ہار کو ‘ڈارک مومنٹ’ یعنی تاریک لمحہ قرار دیا ہے۔ ہم نے انگریزی میں رمیض راجہ، تاریک لمحہ، اور دیگر کیورڈ کو گوگل سرچ کیا، تو ہمیں 24 اپرئل 2021 کو شائع شدہ ٹائمز ناؤ کی ایک رپورٹ ملی۔

رپورٹ میں کہا گیا ہے کہ پاکستان کے سابق کپتان رمیض راجہ نے زمبابوے سے ہار کے بعد پاکستانی ٹیم کو کھری کھری سنائی۔ رپورٹ پڑھنے کے بعد معلوم ہوا کہ اس میں رمیض راجہ کی ویڈیو کا ٹرانسکرپٹ لکھا ہوا ہے، جو اسی ویڈیو کا ٹرانسکرپٹ ہے۔سرچ کے دوران ہمیں انڈیا ٹوڈے کی وئب سائٹ پر 24 اپریل 2021 کو شائع شدہ ایک رپورٹ ملی، اس رپورٹ میں بھی کہا گیا ہے کہ رمیض راجہ نے پاکستانی ٹیم کا زمبابوے سے ہار کو تاریک لمحہ قرار دیا۔

Courtesy: Screengrab from India Today report

Conclusion

اس طرح نیوز چیکر کی تحقیقات میں ثابت ہوا کہ رمیض راجہ کی ویڈیو پرانی ہے جو 2021 میں ریکارڈ کی گئی ہے۔ اس ویڈیو کا آئی سی سی ٹی20 ورلڈ کپ 2022 سے کوئی تعلق نہیں ہے۔  

Result: Missing Context

Our Sources


Report by NDTV, Dated October 30, 2022
Report by India Today, Dated April 24, 2021
Report by Times Now, Dated April, 24, 2021
official YouTube channel of Ramiz Raja


کسی بھی مشکوک خبر کی تحقیقات، تصحیح یا دیگر تجاویز کے لیے ہمیں واٹس ایپ کریں: 9999499044 یا ای میل: checkthis@newschecker.in

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں

Most Popular