Fact Check: ترکی زلزلے کے بعد چوری کے الزام میں کاٹ دیئے گئے شخص کے کان؟

سوشل میڈیا پر ایک حیران کردینے والی ویڈیو خوب گردش کر رہی ہے، جس میں ہاتھ باندھے ہوئے ایک شخص کے کان کاٹے جارہے ہیں۔ دعویٰ کیا جارہا ہے کہ ویڈیو میں نظر آرہے اس شخص پر ترکی زلزلے کے بعد چوری کا الزام ہے جس کی پاداش میں اس شخص کے دونوں کان کاٹ دیئے گئے۔ 

بتادوں کہ ویڈیو بہت ہی ڈراؤنی ہے، اسے دیکھنے سے پہلے ذہنی اور قلبی صحت کا خیال ضرور رکھیں اور اپنی ذمہ داری پر دیکھیں۔ ویڈیو کے کیپشن میں ایک ٹویٹر صارف نے لکھا ہے کہ “ترکی میں زلزلے کے بعد لوگوں کے گھروں سے سامان چوری کرنے کے جرم میں دونوں کان کاٹ دیے گئے۔ اگر یے قانون پاکستان میں بھی لاگو ہوجائے تو میرے خیال میں کان بہت کم لوگوں کے بچیں گے زیادہ لوگ بغیر کانوں والے ہونگے”۔ درج ذیل میں ہم نے وائرل پوسٹ کا اسکرین شارٹ بلر کرکے لگا یا ہے۔

Fact Check/Verification

ترکی زلزلے کے بعد چوری کرنے کے جرم میں چوری کرنے والے کے کاٹے گئے کان والے دعوے کے ساتھ وائرل ویڈیو کو انوڈ کی مدد سے ہم نے کیفریم میں تقسیم کیا اور ان میں سے ایک فریم کو ریورس امیج سرچ اور ین ڈیکس سرچ کیا۔ اس دوران واچ پیوپل ڈائی ٹی وی نام کی ویب سائٹ پر بہوبہو ویڈیو ملی۔ جسے 16 جنوری 2023 کو اپلوڈ کیا گیا تھا اور ترکی میں 7.8 کی شدت سے زلزلے کا جھٹکا 6فروری 2023 کو محسوس کیا گیا تھا۔ اب یہ واضح ہو گیا کہ ویڈیو کا ترکی زلزلے سے کوئی تعلق نہیں ہے۔

پھر ہم نے ریورس امیج کے ساتھ “تھِف ایئرس کَٹ” انگلش میں کیورڈ سرچ کیا۔ جہاں ہمیں 12 فروری 2023 کو ترکش زبان میں شائع انادولو نیوز ایجنسی کی ایک رپورٹ ملی۔ جس میں مذکورہ وائرل ویڈیو سے متعلق لکھا ہے کہ چوری کے الزام میں نامعلوم افراد کے کان کاٹے جانے والی وائرل ویڈیو ترکی زلزلہ سے پہلے کی ہے۔ انادولو نیوز ایجنسی کے مطابق ویڈیو میکسیکو کی ہے اور جس شخص کا کان کاٹا جا رہا ہے وہ ہسپانوی زبان میں اپنے جان کی بھیک مانگ رہا ہے۔

اس کے علاوہ ہمیں ترکی کے وزیر داخلہ کے آفیشل ٹویٹر ہینڈل سے شیئر شدہ وائرل ویڈیو کے سلسلے میں لکھا ہے کہ یہ ترکی زلزلے کے بعد کی نہیں ہے، بلکہ پرانی ہے۔ البتہ ترک صدر رجب طیب اردوغان نے زلزلہ متاثرہ علاقوں میں لوٹ مار اور دیگر جرائم میں ملوث افراد کے خلاف سخت کاروائی کا انتباہ بھی کیا ہے۔

Conclusion

اس طرح نیوز چیکر کی تحقیقات سے یہ ثابت ہو گیا کہ یہ ویڈیو ترکی زلزلے کے بعد چوری کی نہیں ہے بلکہ جس شخص کے کان کاٹ دئے گئے ہیں وہ ویڈیو دراصل پرانی اور میکسیکو کی ہے۔

Result: False

نوٹ: کسی بھی مشتبہ خبرکی تحقیق، ترمیم یا دیگر تجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کرسکتے ہیں۔ 9999499044