مکہ میں منہدم عمارت کو ترکی زلزلے سے منسوب کرکے شیئر کیا جارہا ہے

Authors

Abrar Bhat

سوشل میڈیا پر عمارت کی ویڈیو وائرل ہورہی ہے، جس میں ایک اونچی عمارت کو گرتے ہوئے دیکھا جاسکتا ہے۔ اس ویڈیو سے متعلق دعویٰ ہے کہ یہ حال ہی میں ترکی اور شام میں زلزلے کے دوران منہدم ہونے والی عمارت ہے۔

متعدد صارفین نے اس عمارت کی ویڈیو کو شیئر کیا اور کچھ نے اس عمارت ترکی اور کچھ نے شام کا بتایا ہے۔

پوسٹس کا لنک آپ یہاں، یہاں، یہاں اور یہاں دیکھ سکتے ہیں۔

اس عمارت کی ویڈیو کو متعدد میڈیا اداروں نے بھی ترکی میں ہونے والے زلزلے کا بتاکر شیئر کیا ہے۔ معروف میڈیا ادارہ ڈیلی موش نے بھی اس کو ترکی میں حالیہ زلزلے کا بتاکر شیئر کیا ہے۔

Fact Check/ Verification

نیوز چیکر نے اس عمارت کی ویڈیو کی حقیقت جاننے کے لیے اس ویڈیو کو انوڈِ ٹول کی مدد سے کیفریمز میں تقسیم کیا اور ان میں سے چند کیفریمنز کو گوگل ریورس امیج سرچ کیا، لیکن ہمیں اطمنان بخش نتائج نہیں ملے۔

اس کے بعد ہم نے یوٹیوب پر سرچ کیا اس دوران ہمیں ایک 11 اپریل 2022 کو اپلوڈ شدہ ایک ویڈیو ملی، جس میں ایک گاڑی میں لگے کیمرے میں اس جگہ کی تصاویر قید ہوئی ہیں، جہاں یہ عمارت تھی، لیکن یہاں معلوم ہوا کہ مذکورہ عمارت پہلے ہی منہدم ہوچکی ہے۔ ویڈیو کے کیپشن میں عربی میں ‘قدیم مکہ کی تجدید’ لکھا ہے۔

قدیم مکہ کی تجدید گوگل پر سرچ کیا تو ہمیں ایک رپورٹ ملی جس میں کہا گیا ہےکہ مکہ حکومت نے سیاحت کو فروغ اور قدیم مکہ کو جاذب نظر بنانے کے لیے متعدد قدیم عمارتیں منہدم کردی ہیں۔ یہاں معلوم ہوا کہ یہ عمارت دراصل مکہ کی ہے۔

 اس کے باوجود گوگل کے ذرئعے ہم اس عمارت تک پہنچ گئے، جس سے صاف ہوا کہ واقعی یہ عمارت مکہ میں موجود تھی جو کہ چند ماہ قبل منہدم کردی گئی ہے۔    

Conclusion

اس طرح سے نیوز چیکر کی تحقیقات سے واضع ہوا کہ عمارت کی ویڈیو ترکی اور شام میں زلزلے کی نہیں بلکہ مکہ کی ہے جہاں سیاحت کے فروغ کے لیے اس عمارت کو چند ماہ قبل منہدم کیا گیا تھا۔

Result: False

نوٹ: کسی بھی مشتبہ خبرکی تحقیق، ترمیم یا دیگر تجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کرسکتے ہیں۔ 9999499044

Authors

Abrar Bhat