کیا پانی میں بہتے ہوئے جانوروں کی یہ ویڈیو بنگلہ دیش کی ہے؟ کیا ہے سچ پڑھیں ہماری تحقیقات

فیس بک پر ایک صارف نے پانی میں بہتے ہوئے جانوروں کی 25 سیکینڈ کی ایک ویڈیو کو بنگلہ دیش میں آئے حالیہ سیلاب سے منسوب کرکے شیئر کیا ہے۔ ویڈیو میں متعدد جانوروں کو سیلاب کے پانی میں بہتے ہوئے صاف طور پر دیکھا جا سکتا ہے۔ آپ کو بتا دوں کہ بنگلہ دیش میں تیز بارش کے سبب سلہٹ میں سیلابی قہر برپا ہے۔ جس کی وجہ سے 50 سے زائد افراد کی موت ہو چکی ہے اور متعد بے گھر ہو گئے ہیں۔

پانی میں بہتے ہوئے جانوروں کی ویڈیو کو ایک دوسرے فیس بک صارف نے بھی شیئر کیا ہے اور کیپشن میں لکھا ہے کہ “استغفرالله۔۔۔۔۔ سیلاب سارے جانور اپنے ساتھ بہا کر لے گئے ہیں”۔

Fact Check/Verification

پانی میں بہتے ہوئے جانوروں کی ویڈیو کی حقیقت جاننے کے لئے سب سے پہلے ہم نے اس ویڈیو کو انوڈ کی مدد سے کیفریم میں تقسیم کیا اور ان میں سے ایک فریم کو ریورس امیج سرچ کیا۔ اس دوران ہمیں 8 اگست 2020 کو شیئر شدہ ایک ٹویٹر پوسٹ ملا۔ جس میں اس ویڈیو کو پاکستان کے سندھ کا بتایا گیا ہے۔

مذکورہ پوسٹ سے پتا چلا کہ ویڈیو کم از کم 2 سال پرانی ہے۔ لیکن ہمیں ٹویٹر پوسٹ تسلی بخش نہیں لگی۔ پھر ہم نے ایک فریم کو ین ڈیکس سرچ کیا۔ جہاں ہمیں آئی کومو سوسیڈیو نامی ویب سائٹس پر اسپینش زبان میں شائع 30 جولائی 2020 کی ایک رپورٹ ملی۔ جس کا ترجمہ کرنے پر پتا چلا کہ پانی میں بہتے ہوئے جانوروں کی یہ ویڈیو میکسیکو کے نایارٹ کی ہے۔ جہاں گائیوں کو سیلاب بہا لے گیا تھا۔

پھر ہم نے یوٹیوب پر نایارٹ میکسیکو سیلاب کیورڈ انگلش میں سرچ کیا تو ہمیں افرین گرانڈے ٹیپک، لا جورناڈا اور امیجن نوٹیسی ایس نامی یوٹیوب چینل پر 28 جولائی 2020 کو اپلوڈ شدہ ہوبہو وائرل ویڈیو ملا۔ ویڈیو کے ساتھ دی گئی جانکاری کے مطابق یہ واقعہ نایارٹ کے زکالپن کا ہے۔جہاں ہنا طوفان کی وجہ سے مویشی ای آئی کانکل ندی میں بہہ گئے تھے۔

Conclusion

نیوزچیکر کی تحقیقات سے پتا چلا کہ پانی میں بہتے ہوئے جانوروں کی وائرل ویڈیو کم از کم 2 سال پرانی ہے اور بنگلہ دیش میں آئے سیلاب کی نہیں ہے، بلکہ میکسیکو کے نایارٹ کی ہے۔

Result: False

نوٹ: کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔9999499044