کیا ملک بھر میں منگل کے دن گوشت کی دکانیں بند رکھی جائے گی؟

بڑے اور چھوٹے جانوروں کے گوشت کو لے کر سوشل میڈیا پر اکثر و بیشتر بحث چھڑی رہتی ہے۔ ان دنوں ایک بار پھر چھوٹے جانوروں سے متعلق ایک ایسی ہی پوسٹ سوشل میڈیا پر خوب گردش کررہی ہے۔ جس میں دعویٰ کیا جا رہا ہے کہ ملک بھر میں منگل کے دن گوشت کی دکانیں بند رہیں گی۔ یوزر نے مزید لکھا ہے کہ سرکار نے اچھا فیصلہ لیا ہے۔ ہم سرکار کے اس فیصلے کی پوری حمایت کرتے ہیں۔

https://twitter.com/bhawarkharol191/status/1373835963361804290

بھور کھارول کے پوسٹ کا آرکائیو لنک۔

کراؤڈٹینگل پر ملے ڈیٹا کے مطابق پچھلے 7 دنوں میں 6,590 یوزرس اس پوسٹ کو فیس بک پر شیئر کرچکے ہیں۔ فیس بک پر دیش دروہی بھارت چھوڑو نامی پیج پر مذکورہ پوسٹ کو سب سے زیادہ لائک اور شیئر کیا گیا ہے۔ ٹویٹر پر بھی ہزاروں لوگ اس پوسٹ کو شیئر کر چکے ہیں۔ پوسٹ کے آرکائیو لنک یہاں اور یہاں دیکھے جا سکتے ہیں۔

کراؤڈٹیگل پر منگل کے دن گوشت کی دوکانیں بند ہونے کے حوالے سے ملے ڈیٹا کا اسکرین شارٹ

ٹویٹر پر منگل کے دن گوشت کی دوکانیں بند ہونے کے حوالے سے ملے ڈیٹا کا اسکرین شارٹا — ٹویٹر پر *منگل کے دن گوشت کی دوکانیں بند ہونے کے حوالے سے ملے ڈیٹا کا اسکرین شارٹ*ا

SUPER EXCLUSIVE:

अब हर मंगलवार को देशभर में मीट की दुकान बंद रहेंगी…
— सनातनी (हिंदू समाज पार्टी) (@krishna_sudaama) March 22, 2021

Fact Check/Verification

وائرل دعوے کی سچائی جاننے کےلیے ہم نے سب سے پہلے گوگل کیورڈ سرچ کیا۔ اس دوران ہمیں وائرل دعوے سے متعلق انڈیا ٹی وی اور ہندوستان ٹائمس سمیت کئی میڈیا رپورٹس ملیں۔ جو 19 مارچ 2021 کو شائع کی گئی تھیں۔ ان سبھی رپورٹس کے مطابق گروگرام میں ہر منگل کے دن چھوٹے جانوروں کے گوشت کی دکانیں بند رکھنے کا حکم جاری کیا گیا ہے۔

گوشت کی دوکان کے حوالے سے ملی رپورٹ کا اسکرین شارٹ — گوشت کی دکان کے حوالے سے ملی رپورٹ کا اسکرین شارٹ

تحقیقات کے دوران ہمیں وائرل دعوے کے حوالے سے اے این آئی کا ایک ٹویٹ ملا۔ جو 19 مارچ 2021 کو شیئر کیا گیا تھا۔ اے این آئی کے مطابق گروگرام کی میئر مدھو آزاد نے گروگرام میں منگل کے دن میٹ(چھوٹے جانور کا گوشت) کی دکانیں بند رکھنے کا حکم جاری کیا ہے۔ ساتھ ہی میئر مدھو نے میڈیا سے بات چیت میں کہا کہ گروگرام میں میٹ شاپ کےلیے جاری ہونے والے لائسنس کی فیس بڑھا دی گئی ہے۔غیرقانونی طریقے سے میٹ شاپ کھولنے پر جرمانے کو بھی بڑھا دیا گیا ہے۔

All meat shops in Gurugram will be closed on Tuesdays. The licence fee for meat shops has been increased from Rs 5,000 to Rs 10,000. The penalty for illegally run shops has also been increased 10 times from Rs 500 to Rs 5,000: Gurugram Mayor Madhu Azad #Haryana pic.twitter.com/sKVyUBO9Gu
— ANI (@ANI) March 19, 2021

اے این آئی کے آفیشل یوٹیوب چینل پر گروگرام کی میئر مدھو آزاد کا ایک ویڈیو ملا۔ جس میں مدھو آزاد صاف طور پر اپنے بیان میں کہہ رہی ہیں کہ شہر کے لوگوں کی شکایتوں کے بعد منگل کے دن گروگرام میں گوشت کی دکانیں بند کرنے کا فیصلہ لیا گیا ہے۔ مدھو نے میڈیا کے سامنے یہ بھی کہا ہے کہ ہم نے منگل کا دن اس لیے منتخب کیا کیونکہ اس دن اکثریت طبقہ کے لوگ بہت کم گوشت کھاتے ہیں۔

سرچ کے دوران ہمیں ایم آئی ایم کے صدر اسدالدین اویسی کا ایک ٹویٹ ملا۔ جس میں انہوں نے گروگرام میں منگل کے دن گوشت کی دکانیں بند کروانے کے فیصلے کو غلط بتایا ہے۔ انہوں نے اپنے ٹویٹ میں لکھا ہے کہ ایک شخص اپنی نجی زندگی میں کیا کررہا ہے اس سے کسی کے بھی مذہبی جذبات کو کیسے چوٹ پہنچ سکتی ہے۔

How can beliefs get hurt by what other people are doing in their private lives? People are buying, selling or eating meat, they’re not forcing you to partake

By this logic, close alcohol shops on Friday?

Meat is food for millions of Indians. Cannot treat it as something impure https://t.co/oY0eh0ZknT
— Asaduddin Owaisi (@asadowaisi) March 19, 2021

مذکورہ سبھی تحقیقات کے باوجود ہم نے مزید کیورڈ سرچ کیا اور یہ جاننے کی کوشش کی کہ “کیا واقعی ملک بھر میں چھوٹے جانوروں کے گوشت کی دکانوں کو منگل کے دن بند کرنے کا حکم دیا گیا ہے؟” لیکن ہمیں کہیں بھی اس حوالے سے کوئی بھی میڈیا رپورٹس نہیں ملیں۔ اس کے بعد ہم نے سرکاری ویب سائٹ کو کھنگالا پر وہاں بھی کوِئی جانکاری نہیں ملی۔ پھر ہم نے وزیر داخلہ امت شاہ کے ٹویٹر ہینڈل پر مذکورہ دعوے کو سرچ کیا۔ وہاں بھی ہمیں پورے ملک میں گوشت کی دکانیں منگل کے دن بند کرنے جیسی معلومات نہیں ملی۔

Conclusion

نیوزچیکر کی تحقیقات میں یہ ثابت ہوتا ہے کہ ملک بھر میں منگل کے دن چھوٹے جانوروں کے گوشت کی دکانیں بند کرنے والا دعویٰ گمراہ کن ہے۔ دراصل گروگرام کی میئر مدھو آزاد نے صرف گروگرام میں منگل کے دن گوشت کی دکانیں بند کرنے کا فرمان جاری کیا ہے۔