Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
کھانے کی میز پر بیٹھے لوگوں کی ایک تصویر کے ساتھ دعویٰ کیا جا رہا ہے کہ آزاد ہندوستان کی پہلی دعوت افطار ہے، اس افطار پارٹی کا اہتمام اس وقت کے وزیر تعلیم مولانا ابوالکلام آزاد کی جانب سے کیا گیا تھا، جن میں ان کے ساتھ سابق وزیر اعظم جواہر لال نہرو، ڈاکٹر بی آر امبیڈکر اور ڈاکٹر راجیندر پرساد شریک ہوئے تھے۔
وائرل تصویر کو انگلش کیپشن کے ساتھ آزاد ہندوستان کی پہلی دعوت افطار کا بتاکر خوب شیئر کیا جا رہا ہے۔
Fact Check/Verification
آزاد ہندوستان کی پہلی دعوت افطار کا بتاکر شیئر کی گئی وائرل تصویر کی سچائی جاننے کے لئے تصویر کو گوگل ریورس امیج سرچ کیا۔ اس دوران ہمیں لائیو ہسٹری انڈیا اور 15 اگست 2021 کو امر اجالا پر شائع ہوبہو وائرل تصویر ملی، تصویر کے کیپشن میں ویکی میڈیا کومنس کے حوالے سے لکھا ہے کہ پہلے منتری منڈل پر ہونے والے کھانے کی تصویر۔ تصویر کے حوالے سے مزید لکھا ہے کہ وزیر اعظم جواہر لال نہرو نے اپنی کیبنٹ کے ساتھیوں کو کھانے پر مدعو کیا، جس میں اس وقت کے وزیر قانون بی آر امبیڈکر سمیت کابینہ کے دیگر ممبران شامل ہوئے تھے۔
سرچ کے دوران ہمیں یہی تصویر عالمی ڈاٹ کام نامی ویب سائٹ پر ملی۔ جس کے ساتھ دی گئی جانکاری کے مطابق بھارت کے سابق وزیر اعظم جواہر لال نہرو اپنی کابینہ کے ممبران کے ساتھ کھانے کے لئے بیٹھے ہوئے ہیں۔ اس موقع پر اس وقت کے وزیر قانون ڈاکٹر امبیڈکر بھی شریک ہوئے تھے۔
مزید سرچ کے دوران ہمیں زورو ایسٹرینس نامی ویب سائٹ پر پی ڈی ایف فارمیٹ میں مذکورہ تصویر ملی۔ پی ڈی ایف کے نویں پیج پر وائرل تصویر کو دیکھا جا سکتا ہے ۔ تصویر کے ساتھ انگریزی کیپشن میں لکھا گیا ہے کہ 1948 میں سی راج گوپالا چاری کے گورنر جنرل بننے کے بعد سردار بلبھ بھائی پٹیل کی جانب سے دوپہر کے کھانے کا پروگرام منعقد کیا گیا تھا، اس پروگرام میں سابق وزیراعظم جواہر لال نہرو اور ان کی کابینہ کے ممبران شریک ہوئے تھے۔ تصویر میں رفیع قدوائی، بلدیو سنگھ، مولانا ابول کلام آزاد، جواہر لال نہرو، سی راج گوپالاچاری، سردار بلبھ بھائی پٹیل، راج کماری امرت کور، جان متھئی، جگجیون رام، مسٹر گڈگل، مسٹر نیوگی، ڈاکٹر امبیڈکر، شیام پرساد مکھرجی، گوپال سوامی ایانگر اور جے رام داس دولت رام بیٹھے نظر آ رہے ہیں۔
مذکورہ میں ملی جانکاری سے واضح ہو گیا کہ یہ تصویر آزاد ہندوستان کی پہلی دعوت افطار کی نہیں ہے، بلکہ 1948 میں سی راج گوپالاچاری کے گورنر جنرل بننے کے بعد سردار بلبھ بھائی پٹیل کی جانب سے دوپہر کے کھانے پر بلائے گئے مہمانوں کی ہیں۔
Conclusion
اس طرح ہماری تحقیقات سے واضح ہوا کہ آزاد ہندوستان کی پہلی دعوت افطار کا بتاکر شیئر کی گئی تصویر گمراہ کن دعوے کے ساتھ وائرل ہو رہی ہے۔ در اصل یہ تصویر 1948 میں سی راج گوپالا چاری کے گورنر جنرل بننے کے بعد سردار بلبھ بھائی پٹیل کی جانب سے دوپہر کے کھانے پر بلائے گئے مہمانوں کی ہیں۔
Result: False Context/False
Our Sources
Media Report Published by Amar Ujala
Image Published by Livehistoryindia.com
Image Published by Alamy
Image Published by Zoroastrians.net
نوٹ:کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔
۔9999499044
Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
