મોરબી બ્રિજ તૂટવાની ઘટના સાથે જોડાયેલ હોસ્પિટલ રીનોવેશનની તસ્વીર ઓડિશા ટ્રેન અકસ્માતના નામે વાયરલ, જાણો સત્ય

Claim : વડા પ્રધાન મોદીની મુલાકાત માટે ઓડિશાની કટક હોસ્પિટલનું રીનોવેશન

Fact : વાયરલ તસ્વીર મોરબી સિવિલ હોસ્પિટલ ખાતે વર્ષ 2022માં લેવામાં આવેલ છે.

ઓડિશામાં બનેલ ટ્રેન દુર્ઘટનાને લઈને વડા પ્રધાન મોદીની મુલાકાત માટે ઓડિશાની કટક હોસ્પિટલને રિનોવેટ કરવામાં આવી રહી હોવાની તસ્વીરો સોશિયલ મીડિયા પર વાયરલ થઈ રહી છે.

“વડાપ્રધાન મોદીએ બાલાસોર ટ્રેન દુર્ઘટના સ્થળની મુલાકાત લીધી હતી. પછી તે કટકની એક હોસ્પિટલમાં ઈજાગ્રસ્ત લોકોને મળવા ગયા હતા. આ ક્રમમાં હોસ્પિટલના રીનોવેશન કામગીરીની કેટલીક તસ્વીર શેર કરતા યુઝર્સ દાવો કરી રહ્યા છે કે પીએમ મોદીની મુલાકાત પહેલાં હૉસ્પિટલમાં રંગકામ, સફાઈ કરીને હકીકતો છુપાવવાનો પ્રયાસ કરવામાં આવી રહ્યો છે.

આ પણ વાંચો : ઓડિશા ટ્રેન દુર્ઘટનાને લઈને 2009ની જૂની તસ્વીરો વાયરલ

Fact Check / Verification

વડા પ્રધાન મોદીની મુલાકાત માટે ઓડિશાની કટક હોસ્પિટલનું રીનોવેશન કરવામાં આવી રહ્યું હોવાના દાવા સાથે વાયરલ થયેલ તસ્વીર અંગે રિવર્સ સર્ચ કરતા અમને આઉટલુક ઇન્ડિયાના પેજ પર નવેમ્બર 01, 2022 ના રોજ પ્રકાશિત થયેલ અહેવાલ જોવા મળે છે.

અહેવાલ અનુસાર, ગુજરાતના મોરબીમાં પુલ તૂટી પડવાની ઘટનામાં 100થી વધુ લોકોના મોત થયા હતા. આ અકસ્માતમાં સારવાર લઈ રહેલા લોકોની મુલાકાતે આવેલા વડાપ્રધાન મોદી માટે મોરબી સિવિલ હોસ્પિટલને રંગ રોગાન સહિતના કામો કરવામાં આવ્યા હતા જે બાદ વિવાદ સર્જાયો હતો. કોંગ્રેસ અને આમ આદમી પાર્ટી સહિતની પાર્ટીઓએ આ ઘટના પર ભાજપ સરકાર પર આરોપ લગાવ્યા હતા.

ઈન્ડિયા ટુડે, નેશનલ હેરાલ્ડ ઈન્ડિયા અને અન્ય મીડિયા સંસ્થાનોએ પણ વર્ષ 2022માં મોરબી હોસ્પિટલના નવીનીકરણ અંગે પ્રકાશિત કરેલા અહેવાલ જોઈ શકાય છે. આ ઉપરાંત આમ આદમી પાર્ટીએ એક વીડિયો પણ જાહેર કર્યો છે. નોંધનીય છે કે, વીડિયોના ભાગો વાયરલ તસ્વીર સાથે સરખાવી શકાય છે.

Conclusion

વડા પ્રધાન મોદીની મુલાકાત માટે ઓડિશાની કટક હોસ્પિટલનું રીનોવેશન કરવામાં આવ્યું હોવાનો ભ્રામક દાવો શેર કરવામાં આવેલ છે. વાયરલ તસ્વીર મોરબી સિવિલ હોસ્પિટલ ખાતે વર્ષ 2022માં લેવામાં આવેલ છે. મોરબીમાં પુલ તૂટી પડવાની ઘટનામાં સારવાર લઈ રહેલા લોકોની મુલાકાતે આવેલા વડાપ્રધાન મોદી માટે સિવિલ હોસ્પિટલને રિનોવેટ કરવામાં આવી હતી, જે ઘટનાને હાલમાં બાલાસોર ટ્રેન અકસ્માત સાથે જોડીને ભ્રામક દાવા સાથે શેર કરવામાં આવેલ છે.

Result : False

Our Source
News Report From, Outlook India, Dated November 01, 2022
News Report From, India Today, Dated November 01, 2022
Twitter Post From, Congress, Dated October 31, 2022

કોઈપણ શંકાસ્પદ, વાયરલ ખબર ચકાસવા અથવા કોઈ અન્ય સૂચન માટે મેઈલ કરો checkthis@newschecker.in અથવા વોટ્સએપ કરો 9999499044