ಬಿಹಾರ ಚುನಾವಣೆಯಲ್ಲಿ ಕಾಂಗ್ರೆಸ್ ಪಕ್ಷವು ಮಹಿಳೆಯರಿಗೆ ಉಚಿತ ಸ್ಯಾನಿಟರಿ ನ್ಯಾಪ್ಕಿನ್ಗಳನ್ನು ವಿತರಿಸುತ್ತಿದೆ ಎಂಬ ಹೇಳಿಕೆಯೊಂದಿಗೆ ವೀಡಿಯೋವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗುತ್ತಿದೆ.
ಆದಾಗ್ಯೂ, ನಮ್ಮ ತನಿಖೆಯಲ್ಲಿ, ಈ ವೀಡಿಯೋವನ್ನು ರತನ್ ರಂಜನ್ ಎಂಬ ಹಾಸ್ಯನಟ ಮಾಡಿದ್ದಾರೆ ಎಂದು ಗೊತ್ತಾಗಿದೆ. ರತನ್ ರಂಜನ್ ಅವರು ಮಾರುಕಟ್ಟೆಯಿಂದ ಸ್ಯಾನಿಟರಿ ಪ್ಯಾಡ್ಗಳ ಪ್ಯಾಕೆಟ್ ಖರೀದಿಸಿ ಅದರ ಮೇಲೆ ಕಾಂಗ್ರೆಸ್ ನ ಮೈ ಬೆಹಿನ್ ಮಾನ್ ಯೋಜನೆಯ ಪೋಸ್ಟರ್ ಅಂಟಿಸಿದ್ದರು ಮತ್ತು ಅದರೊಳಗಿನ ಸ್ಯಾನಿಟರಿ ಪ್ಯಾಡ್ ನಲ್ಲಿ ರಾಹುಲ್ ಗಾಂಧಿ ಅವರ ಫೋಟೋವನ್ನು ಅಂಟಿಸಿದ್ದರು.
19 ಸೆಕೆಂಡುಗಳ ವೈರಲ್ ವೀಡಿಯೋದಲ್ಲಿ, ಬಿಹಾರ ವಿಧಾನಸಭಾ ಚುನಾವಣೆ ಹಿನ್ನೆಲೆಯಲ್ಲಿ ಕಾಂಗ್ರೆಸ್ ಪಕ್ಷ ಆರಂಭಿಸಿದ ‘ಮೈ ಬೆಹಿನ್ ಮಾನ್’ ಯೋಜನೆಯ ಪೋಸ್ಟರ್ ಹೊಂದಿರುವ ಸ್ಯಾನಿಟರಿ ಪ್ಯಾಡ್ ಗಳ ಪ್ಯಾಕೆಟ್ ಅನ್ನು ವ್ಯಕ್ತಿಯೊಬ್ಬ ತೆರೆಯುತ್ತಿರುವುದನ್ನು ಕಾಣಬಹುದು. ಅದೇ ಸಮಯದಲ್ಲಿ, ಸ್ಯಾನಿಟರಿ ಪ್ಯಾಡ್ ಮೇಲೆ ರಾಹುಲ್ ಗಾಂಧಿ ಅವರ ಫೋಟೋ ಕಾಣುತ್ತದೆ.
ಈ ವೀಡಿಯೋವನ್ನು ಎಕ್ಸ್ ನಲ್ಲಿ ಹಂಚಿಕೊಳ್ಳಲಾಗಿದ್ದು, ವೈರಲ್ ಹೇಳಿಕೆಯೊಂದಿಗೆ ವೀಡಿಯೋವನ್ನು ಹಂಚಿಕೊಳ್ಳಲಾಗಿದೆ, “ಕಾಂಗ್ರೆಸ್ ಜನರು ಹುಚ್ಚರಾಗಿದ್ದಾರೆ. ಬಿಹಾರ ಚುನಾವಣೆಯಲ್ಲಿ, ಪ್ರಚಾರಕ್ಕಾಗಿ ಉಚಿತ ಸ್ಯಾನಿಟರಿ ನ್ಯಾಪ್ಕಿನ್ಗಳನ್ನು ವಿತರಿಸಲಾಯಿತು, ಆದರೆ ಪ್ಯಾಕೆಟ್ನಲ್ಲಿ ರಾಹುಲ್ ಗಾಂಧಿಯವರ ಫೋಟೋವನ್ನು ಮುದ್ರಿಸುವುದರ ಜೊತೆಗೆ, ನೇತಾಜಿ ಅವರ ಫೋಟೋವನ್ನು ಸಹ ಪ್ಯಾಡ್ ಒಳಗೆ ಹಾಕಲಾಯಿತು. ಇದು ಭಯಾನಕ ಕೃತ್ಯ!” ಎಂದಿದೆ.
Fact Check/Verification
ಸ್ಯಾನಿಟರಿ ಪ್ಯಾಡ್ ಮೇಲೆ ರಾಹುಲ್ ಗಾಂಧಿ ಅವರ ಫೋಟೋ ಇದೆ ಎಂಬ ಹೇಳಿಕೆಯೊಂದಿಗೆ ವೈರಲ್ ಆಗುತ್ತಿರುವ ಈ ವೀಡಿಯೋ ಬಗ್ಗೆ ತನಿಖೆ ಮಾಡುವ ವೇಳೆ ನಾವು ಎಕ್ಸ್ ನಲ್ಲಿ ಹಲವಾರು ಪೋಸ್ಟ್ಗಳನ್ನು ಕಂಡುಕೊಂಡಿದ್ದೇವೆ, ಅದರಲ್ಲಿ ಈ ವೀಡಿಯೋವನ್ನು ರತನ್ ರಂಜನ್ ಮಾಡಿದ್ದಾರೆ ಎಂದು ಹೇಳಲಾಗಿದೆ.
ನಾವು ರತನ್ ರಂಜನ್ ಅವರ ಎಕ್ಸ್ ಖಾತೆಯನ್ನು ಹುಡುಕಿದಾಗ, ನಾವು ಈ ವೀಡಿಯೋ ಅಲ್ಲಿ ಕಂಡುಬರಲಿಲ್ಲ. ಆದರೆ ಅವರ ಖಾತೆಯಿಂದ ಮಾಡಿದ ಎಕ್ಸ್ ಪೋಸ್ಟ್ ನ ವೀಡಿಯೊದಲ್ಲಿ, ಅವರು ಆ ವೀಡಿಯೋವನ್ನು ಮಾಡಿದ್ದಾರೆ ಎಂದು ಒಪ್ಪಿಕೊಂಡಿದ್ದರು.
ಆದಾಗ್ಯೂ, ರತನ್ ರಂಜನ್ ಅವರ ಎಕ್ಸ್ ಖಾತೆಯ ಆರ್ಕೈವ್ ಅನ್ನು ಹುಡುಕಿದಾಗ, ಅವರ ಖಾತೆಯಿಂದ ಜುಲೈ 5, 2025 ರಂದು ಮಾಡಿದ ಈ ವೀಡಿಯೋವನ್ನು ನಾವು ಪತ್ತೆ ಮಾಡಿದ್ದೇವೆ. ಆದರೆ ಅದನ್ನು ಈಗ ಅಳಿಸಲಾಗಿದೆ.
ನಾವು ರತನ್ ರಂಜನ್ ಅವರನ್ನು ಸಂಪರ್ಕಿಸಿದಾಗ, ಈ ವೀಡಿಯೋವನ್ನು ರಾಜಕೀಯ ವಿಡಂಬನೆಗಾಗಿ ಮಾಡಲಾಗಿದೆ ಎಂದು ಅವರು ಸ್ಪಷ್ಟಪಡಿಸಿದರು. ವೀಡಿಯೋದಲ್ಲಿ ತೋರಿಸಿರುವ ಪ್ಯಾಕೆಟ್ ಅನ್ನು ಅವರು ಕಾಂಗ್ರೆಸ್ ಪಕ್ಷದಿಂದ ಸ್ವೀಕರಿಸಿದ್ದಲ್ಲ. ಬದಲಾಗಿ, ಅವರು ಮಾರುಕಟ್ಟೆಯಿಂದ ಸ್ಯಾನಿಟರಿ ಪ್ಯಾಡ್ ಖರೀದಿಸಿ, ಮೊದಲು ಕಾಂಗ್ರೆಸ್ನ ಮೈ ಬೆಹಿನ್ ಮಾನ್ ಯೋಜನೆಯ ಪೋಸ್ಟರ್ ಅನ್ನು ಅದರ ಮೇಲೆ ಹಾಕಿದರು. ಅನಂತರ ಅವರು ಪ್ಯಾಕೆಟ್ ಒಳಗಿದ್ದ ಸ್ಯಾನಿಟರಿ ಪ್ಯಾಡ್ ಮೇಲೆ ರಾಹುಲ್ ಗಾಂಧಿ ಅವರ ಚಿತ್ರವನ್ನು ಹಾಕುವ ಮೂಲಕ ವೀಡಿಯೋವನ್ನು ಮಾಡಿದರು.
ತನಿಖೆಯ ಸಂದರ್ಭದಲ್ಲಿ ನಾವು ಕಾಂಗ್ರೆಸ್ ನಾಯಕಿ ಅಲ್ಕಾ ಲಂಬಾ ಅವರನ್ನು ಸಂಪರ್ಕಿಸಿದ್ದೇವೆ, ಅವರು ವೈರಲ್ ಹೇಳಿಕೆಯನ್ನು ನಿರಾಕರಿಸಿದರು ಮತ್ತು ಸ್ಯಾನಿಟರಿ ಪ್ಯಾಡ್ ಹೊಂದಿರುವ ಪ್ಯಾಕೆಟ್ ನಲ್ಲಿ ರಾಹುಲ್ ಗಾಂಧಿಯವರ ಫೋಟೋ ಇದೆ ಮತ್ತು ಒಳಗೆ ಸ್ಯಾನಿಟರಿ ಪ್ಯಾಡ್ ನಲ್ಲಿ ಯಾವುದೇ ಫೋಟೋ ಇಲ್ಲ ಎಂದು ಸ್ಪಷ್ಟವಾಗಿ ಹೇಳಿದರು. ಮಹಿಳಾ ಕಾಂಗ್ರೆಸ್ ಕಾರ್ಯಕರ್ತೆಯೊಬ್ಬರು ಸ್ಯಾನಿಟರಿ ಪ್ಯಾಡ್ ಗಳನ್ನು ಪ್ಯಾಕ್ ಮಾಡುವ ವೀಡಿಯೋವನ್ನು ಅವರು ನಮಗೆ ಕಳುಹಿಸಿದ್ದಾರೆ. ವೈರಲ್ ವೀಡಿಯೋದಲ್ಲಿ ಕಂಡುಬರುವ ಪ್ಯಾಕೆಟ್, ವೈರಲ್ ವೀಡಿಯೋದಲ್ಲಿರುವ ಪ್ಯಾಕೆಟ್ ಗಿಂತ ಸಂಪೂರ್ಣವಾಗಿ ಭಿನ್ನವಾಗಿದೆ. ಈ ವೀಡಿಯೋದಲ್ಲಿ ಕಂಡುಬರುವ ಪ್ಯಾಕೆಟ್ ರಾಹುಲ್ ಗಾಂಧಿಯವರ ಫೋಟೋವನ್ನು ಹೊಂದಿದೆ ಆದರೆ ಅದರೊಳಗಿನ ಸ್ಯಾನಿಟರಿ ಪ್ಯಾಡ್ ನಲ್ಲಿ ಯಾವುದೇ ರೀತಿಯ ಫೋಟೋ ಇಲ್ಲ.
ವೈರಲ್ ವೀಡಿಯೋದಲ್ಲಿ ಕಂಡುಬರುವ ಪ್ಯಾಡ್ ವಿಸ್ಪರ್ ಕಂಪನಿಯ ಪ್ಯಾಡ್ ಎಂದು ನಾವು ನಮ್ಮ ತನಿಖೆಯಲ್ಲಿ ಕಂಡುಕೊಂಡಿದ್ದೇವೆ. ವೀಡಿಯೋ ಮಾಡಲು ವಿಸ್ಪರ್ ಕಂಪನಿಯ ಪ್ಯಾಡ್ ತೆಗೆದುಕೊಂಡಿದ್ದೇನೆ ಎಂದು ರತನ್ ರಂಜನ್ ಕೂಡ ದೃಢಪಡಿಸಿದ್ದಾರೆ.
ಆದಾಗ್ಯೂ, ಕಾಂಗ್ರೆಸ್ ನಡೆಸುತ್ತಿರುವ ಯೋಜನೆಯಲ್ಲಿ ಯಾವುದೇ ಬ್ರಾಂಡೆಡ್ ಪ್ಯಾಡ್ ಅನ್ನು ಬಳಸಲಾಗುತ್ತಿಲ್ಲ. ಕಾಂಗ್ರೆಸ್ ನಾಯಕಿ ಅಲ್ಕಾ ಲಂಬಾ ಅವರ ಪ್ರಕಾರ, ಬಿಹಾರದಲ್ಲಿ ನಡೆಸಲಾಗುತ್ತಿರುವ ಮೈ ಬೆಹಿನ್ ಮಾನ್ ಯೋಜನೆಯಡಿ ವಿತರಿಸಲಾಗುತ್ತಿರುವ ಕಿಟ್ಗಳಲ್ಲಿ ಇರುವ ಸ್ಯಾನಿಟರಿ ಪ್ಯಾಡ್ಗಳನ್ನು ಬೇಗುಸರಾಯ್ ಮತ್ತು ವೈಶಾಲಿ ಜಿಲ್ಲೆಗಳಲ್ಲಿ ತಯಾರಿಸಲಾಗುತ್ತಿದೆ ಮತ್ತು ಇದೆಲ್ಲವನ್ನೂ ಕಾಂಗ್ರೆಸ್ ಪಕ್ಷವೇ ಸಿದ್ಧಪಡಿಸುತ್ತಿದೆ. ಇದರಲ್ಲಿ ಯಾವುದೇ ದೊಡ್ಡ ಬ್ರಾಂಡ್ ಒಳಗೊಂಡಿಲ್ಲ ಎಂದಿದ್ದಾರೆ.
ವೈರಲ್ ಹೇಳಿಕೆಯ ತನಿಖೆಯ ಸಮಯದಲ್ಲಿ, ನ್ಯೂಸ್ಚೆಕರ್ ಕಾಂಗ್ರೆಸ್ ಪಕ್ಷದ ದೆಹಲಿ ಕಚೇರಿಯಿಂದ ಸ್ಯಾನಿಟರಿ ಪ್ಯಾಡ್ಗಳನ್ನು ಹೊಂದಿರುವ ಕಿಟ್ ಅನ್ನು ಸಹ ಪಡೆದುಕೊಂಡಿದೆ, ಇದನ್ನು ಬಿಹಾರ ವಿಧಾನಸಭಾ ಚುನಾವಣೆಯ ಹಿನ್ನೆಲೆಯಲ್ಲಿ ನಡೆಸಲಾಗುತ್ತಿರುವ ‘ಮೈ ಬೆಹಿನ್ ಮಾನ್’ ಯೋಜನೆಯಡಿ ಮಹಿಳೆಯರಿಗೆ ವಿತರಿಸಲಾಗುತ್ತಿದೆ.
ಕಿಟ್ ನ ಒಂದು ಬದಿಯಲ್ಲಿ ರಾಹುಲ್ ಗಾಂಧಿ ಅವರ ಫೋಟೋ ಮತ್ತು ಇನ್ನೊಂದು ಬದಿಯಲ್ಲಿ ಪ್ರಿಯಾಂಕಾ ಗಾಂಧಿ ಅವರ ಫೋಟೋ ಇದೆ ಎಂದು ನಾವು ಕಂಡುಕೊಂಡಿದ್ದೇವೆ. ಕಿಟ್ ಮೇಲೆ ಕಾಂಗ್ರೆಸ್ ನ ‘ಮೈ ಬೆಹಿನ್ ಮಾನ್’ ಯೋಜನೆಯ ಹೆಸರನ್ನು ಬರೆಯಲಾಗಿದೆ ಮತ್ತು ಅದರ ಮೇಲೆ ಫೋನ್ ಸಂಖ್ಯೆಯೂ ಇದೆ. ಆದಾಗ್ಯೂ, ಕಿಟ್ ನಲ್ಲಿ ಯಾವುದೇ ಕಂಪನಿ ಅಥವಾ ಬ್ರಾಂಡ್ ಹೆಸರು ಅಥವಾ ಲೋಗೋ ಇರುವುದಿಲ್ಲ. ಅದೇ ಸಮಯದಲ್ಲಿ, ಪ್ಯಾಕೆಟ್ನಲ್ಲಿ ಐದು ಸ್ಯಾನಿಟರಿ ಪ್ಯಾಡ್ಗಳಿವೆ ಮತ್ತು ಆ ಸ್ಯಾನಿಟರಿ ಪ್ಯಾಡ್ ಗಳಲ್ಲಿ ಯಾವುದೇ ರೀತಿಯ ಫೋಟೋಗಳಿಲ್ಲ. ಈ ಕಿಟ್ ನ ಪೂರ್ಣ ವೀಡಿಯೋವನ್ನು ನೀವು ಕೆಳಗೆ ವೀಕ್ಷಿಸಬಹುದು.
ವೈರಲ್ ಹೇಳಿಕೆ ಬಗ್ಗೆ ನಾವು ತನಿಖೆ ನಡೆಸುತ್ತಿರುವಾಗ, ಕಾಂಗ್ರೆಸ್ ಯೋಜನೆಯ ಕೆಲವು ಫಲಾನುಭವಿಗಳನ್ನು ಸಂಪರ್ಕಿಸಲು ಪ್ರಯತ್ನಿಸಿದ್ದೇವೆ, ಅವರ ಪ್ರತಿಕ್ರಿಯೆ ಬಂದಾಗ ಈ ಲೇಖನವನ್ನು ಪರಿಷ್ಕರಿಸಲಾಗುವುದು.
Conclusion
ನಮ್ಮ ತನಿಖೆಯಲ್ಲಿ ದೊರೆತ ಸಾಕ್ಷ್ಯಗಳ ಪ್ರಕಾರ, ಕಾಂಗ್ರೆಸ್ ವಿತರಿಸುತ್ತಿರುವ ಸ್ಯಾನಿಟರಿ ಪ್ಯಾಡ್ ಗಳ ಮೇಲೆ ರಾಹುಲ್ ಗಾಂಧಿ ಅವರ ಫೋಟೋ ಇದೆ ಎಂಬ ವೈರಲ್ ಹೇಳಿಕೆ ಸುಳ್ಳು ಎಂಬುದು ಸ್ಪಷ್ಟವಾಗಿದೆ. ರತನ್ ರಂಜನ್ ಎಂಬ ಹಾಸ್ಯನಟ ಈ ವಿಡಿಯೋವನ್ನು ಮಾಡಿದ್ದು, ಈ ಸಮಯದಲ್ಲಿ ಅವರು ರಾಹುಲ್ ಗಾಂಧಿ ಅವರ ಪ್ರತ್ಯೇಕ ಫೋಟೋವನ್ನು ಮಾರುಕಟ್ಟೆಯಲ್ಲಿ ಮಾರಾಟವಾಗುವ ಪ್ಯಾಡ್ ಮೇಲೆ ಹಾಕಿದ್ದರು ಎಂದು ಕಂಡುಬಂದಿದೆ.
Our Sources
Archive of X post by Ratan Ranjan, Dated July 5, 2025
Telephonic Conversation with Ratan Ranjan
Telephonic Conversation with Congress leader Alka Lamba
(ಈ ಲೇಖನವನ್ನು ಮೊದಲು ನ್ಯೂಸ್ ಚೆಕರ್ ಹಿಂದಿಯಲ್ಲಿ ಪ್ರಕಟಿಸಲಾಗಿದ್ದು, ಅದು ಇಲ್ಲಿದೆ)
