ಜನ್ಮಾಷ್ಟಮಿ ಪ್ರಯುಕ್ತ ಉತ್ತರ ಪ್ರದೇಶ ಸರ್ಕಾರ ವಾನರ ಭೋಜನ ಏರ್ಪಡಿಸಿದೆಯೇ?

Claim

ಶ್ರೀಕೃಷ್ಣ ಜನ್ಮಾಷ್ಟಮಿ ಪ್ರಯುಕ್ತ ಉತ್ತರ ಪ್ರದೇಶದ ಯೋಗಿ ಆದಿತ್ಯನಾಥ್ ಸರ್ಕಾರ ವಾನರಗಳಿಗೆ ಭೋಜನ ಏರ್ಪಡಿಸಿದೆ ಎಂದು ವೀಡಿಯೋ ಒಂದನ್ನು ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಳ್ಳಲಾಗುತ್ತಿದೆ.

ವಾಟ್ಸಾಪ್ ಮತ್ತು ಫೇಸ್‌ಬುಕ್ ಪೋಸ್ಟ್ ಗಳಲ್ಲಿ ಕಂಡುಬಂದ ಈ ವೀಡಿಯೋದಲ್ಲಿ ಹೇಳಿಕೆಯೂ ಇದ್ದು, ಅದರಲ್ಲಿ “ಬಹಳ ಅದ್ಬುತವಾದ ದೃಶ್ಯ ವಾರಣಾಸಿಯ ಗಂಗಾತಟದಲ್ಲಿ ಶ್ರೀ ಕೃಷ್ಣ ಜನ್ಮಾಷ್ಟಮಿ ಪ್ರಯುಕ್ತ ವಾನರ ಸೇನೆಗೆ ಸಕಲ ಸರಕಾರಿ ಗೌರವಗಳೊಂದಿಗೆ ಯೋಗಿಜೀ ಸರಕಾರದಿಂದ ವಿಶೇಷವಾದ ಭೋಜನ ಕೂಟ. ಇದಲ್ಲವೇ ಸನಾತನ ಸಂಸ್ಕೃತಿಯ ಅನಾವರಣ” ಎಂದಿದೆ. ಈ ಪೋಸ್ಟ್ ಗಳನ್ನು ಇಲ್ಲಿ, ಇಲ್ಲಿ ನೋಡಬಹುದು.

Also Read: ಕರ್ನಾಟಕದಲ್ಲಿ ಪತ್ನಿಯನ್ನು ಜೀವಂತ ಸಮಾಧಿ ಮಾಡುತ್ತಿರುವ ಮುಸ್ಲಿಂ ವ್ಯಕ್ತಿ ಎಂದು ಬಾಂಗ್ಲಾದೇಶದ ವೀಡಿಯೋ ವೈರಲ್

Fact

ಈ ವೀಡಿಯೋ ಬಗ್ಗೆ ನ್ಯೂಸ್ ಚೆಕರ್ ಸತ್ಯಶೋಧನೆ ನಡೆಸಿದ್ದು, ಇದು ಕೃತಕ ಬುದ್ಧಿಮತ್ತೆ (ಎಐ-ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್) ನಿಂದ ಮಾಡಲಾದ ವೀಡಿಯೋವಾಗಿದ್ದು ವಾನರ ಭೋಜನ ನೀಡಲಾಗಿದೆ ಎನ್ನುವುದು ಸುಳ್ಳು ಎಂದು ಗೊತ್ತಾಗಿದೆ.

ಸತ್ಯಶೋಧನೆಗಾಗಿ ನಾವು ಮೊದಲು ವೀಡಿಯೋವನ್ನು ಕೂಲಂಕಷವಾಗಿ ಪರಿಶೀಲಿಸಿದ್ದೇವೆ. ಈ ವೇಳೆ ವೀಡಿಯೋದಲ್ಲಿ ಕೆಲವು ಅಸಹಜತೆಗಳಿರುವುದು ಕಂಡುಬಂದಿದೆ.

ಇದು ವೀಡಿಯೋವನ್ನು ಎಐನಿಂದ ರಚಿಸಿದ್ದಿರಬಹುದು ಎಂಬ ಸಂಶಯಕ್ಕೆ ಕಾರಣವಾಗಿದೆ. ಅದರಂತೆ ನಾವು ವೀಡಿಯೋವನ್ನು ಎಐ-ಪತ್ತೆ ಪರಿಕರಗಳನ್ನು ಬಳಸಿ ಪರಿಶೀಲಿಸಿದ್ದೇವೆ ಮತ್ತು ಅದು ಎಐನಿಂದ ರಚಿಸಿರುವುದು ಹೌದು ಎಂಬುದನ್ನು ಕಂಡುಕೊಂಡಿದ್ದೇವೆ.

ವಾಸ್‌ ಇಟ್ ಎಐ ಮೂಲಕ ವೀಡಿಯೋದ ಕೀಫ್ರೇಂಗಳನ್ನು ತೆಗೆದು ಸರ್ಚ್ ಮಾಡಿದಾಗ, ಅದು ಈ ಫೋಟೋ ಅಥವಾ ಅದರ ಗಮನಾರ್ಹ ಭಾಗವು ಎಐನಿಂದ ರಚಿಸಿದ್ದಾಗಿದೆ ಎಂದು ಹೇಳಿದೆ.

ನಾವು ಇನ್ನೊಂದು ಎಐ- ಪತ್ತೆ ಸಾಧನವಾದ ಸೈಟ್ ಎಂಜಿನ್ ಅನ್ನು ಬಳಸಿಕೊಂಡು ಚಿತ್ರವನ್ನು ಪರಿಶೀಲಿಸಿದ್ದೇವೆ , ಇದು 92% ರಷ್ಟು ಎಐ-ರಚಿತವಾಗಿರುವ ಸಾಧ್ಯತೆಯನ್ನು ಕಂಡುಹಿಡಿದಿದೆ.

ಮತ್ತೊಂದು AI-ಪತ್ತೆ ಸಾಧನ, ಹೈವ್ ಮಾಡರೇಶನ್, ಎಐ-ರಚಿತ ಅಥವಾ ಡೀಪ್‌ಫೇಕ್ ವಿಷಯವನ್ನು ವನ್ನು ಇದರಲ್ಲಿ ಪತ್ತೆ ಮಾಡಿದ್ದು ಶೇ. 94.8ರಷ್ಟು ಸಾಧ್ಯತೆಯನ್ನು ಕಂಡುಹಿಡಿದಿದೆ.

ಆದ್ದರಿಂದ ಈ ಶೋಧನೆಯ ಪ್ರಕಾರ, ಶ್ರೀಕೃಷ್ಣ ಜನ್ಮಾಷ್ಟಮಿ ಪ್ರಯುಕ್ತ ಉತ್ತರ ಪ್ರದೇಶದ ಯೋಗಿ ಆದಿತ್ಯನಾಥ್ ಸರ್ಕಾರ ವಾನರಗಳಿಗೆ ಭೋಜನ ಏರ್ಪಡಿಸಿದೆ ಎನ್ನುವ ಹೇಳಿಕೆ ಸುಳ್ಳಾಗಿದ್ದು ಈ ವೀಡಿಯೋ ಎಐನಿಂದ ರಚಿಸಿದ್ದಾಗಿದೆ ಎಂದು ತಿಳಿದುಬಂದಿದೆ.

Also Read: ಉತ್ತರಕಾಶಿ ಮೇಘಸ್ಫೋಟ ದುರಂತ ವೇಳೆ ರಕ್ಷಣಾ ಕಾರ್ಯಾಚರಣೆಗಾಗಿ ಐಎಎಫ್ ಚಿನೂಕ್ ಹೆಲಿಕಾಪ್ಟರ್ ಜೆಸಿಬಿ ಎಕ್ಸ್ಕವೇಟರ್ ಏರ್ ಲಿಫ್ಟ್ ಮಾಡಿತ್ತೇ?

Our Sources

Hive Moderation Website

WasitAI Website

Sightengine Website

(ಈ ಲೇಖನವನ್ನು ಮೊದಲು ನ್ಯೂಸ್‌ಚೆಕರ್ ಮಲಯಾಳದಲ್ಲಿ ಪ್ರಕಟಿಸಲಾಗಿದ್ದು, ಇದು ಇಲ್ಲಿದೆ)