ಹೆರಿಗೆಯ ಸಮಯದಲ್ಲಿ ತಾಯಿ ಸಾವನ್ನಪ್ಪಿದಾಗ ವೈದ್ಯರು ದುಃಖಿತರಾದರು ಎಂಬ ವೈರಲ್ ಪೋಸ್ಟ್ ಕಟ್ಟುಕಥೆ!

ಹೆರಿಗೆಯ ಸಂದರ್ಭದಲ್ಲಿ ತಾಯಿ ಸಾವನ್ನಪ್ಪಿದಾಗ, ಅದರಿಂದಾಗಿ ವೈದ್ಯರು ದುಃಖಿತರಾದರು ಎಂದು ಹೇಳಿ ಪೋಸ್ಟ್ ಒಂದನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗುತ್ತಿದೆ.

ಫೇಸ್‌ಬುಕ್ ನಲ್ಲಿ ಕಂಡುಬಂದ ಈ ಪೋಸ್ಟ್ ನಲ್ಲಿ, “…. ಮದುವೆಯಾದ ಹದಿನಾಲ್ಕು ವರ್ಷಗಳ ಬಳಿಕ ಮಗುವಿಗೆ ಜನ್ಮ ನೀಡಿ ತಾನು ಕೊನೆಯುಸಿರೆಳೆದ ಮಗುವಿನ ತಾಯಿ,ಅವ್ವನ ಕೊರಳಿಗೆ ಆತು ಅಳುವ ಕುಡಿ.ಅಸಹಾಯಕತೆಯಿಂದ ದುಃಖಿಸುತ್ತಿರುವ ವೈದ್ಯರು.” ಎಂದಿದೆ.

ಈ ಕುರಿತು ನ್ಯೂಸ್‌ಚೆಕರ್ ಸತ್ಯಶೋಧನೆ ನಡೆಸಿದ್ದು, ಇದು ನಿಜವಲ್ಲ, ಫೋಟೋದೊಂದಿಗೆ ಸುಳ್ಳು ಹೇಳಿಕೆ ಹಂಚಿಕೊಳ್ಳಲಾಗುತ್ತಿದೆ ಎಂದು ಕಂಡುಬಂದಿದೆ.

Also Read: ಕಥುವಾದಲ್ಲಿ ಮುಸ್ಲಿಮರು ಸಿಹಿತಿಂಡಿಗೆ ಉಚ್ಚೆ ಸಿಂಪಡಿಸಿ ಗ್ರಾಹಕರಿಗೆ ಕೊಡುತ್ತಿದ್ದರೇ?

Facebook/Verification

ಸತ್ಯಶೋಧನೆಯ ಭಾಗವಾಗಿ ನಾವು ವೈರಲ್ ಫೋಟೋವನ್ನು ಕೂಲಂಕಷವಾಗಿ ಪರಿಶೀಲಿಸಿದ್ದೇವೆ. ಈ ವೇಳೆ ನವಜಾತ ಶಿಶುವಿನೊಂದಿಗೆ ಮಹಿಳೆಯ ಚಿತ್ರದ ಮೇಲೆ ವಾಟರ್‌ಮಾರ್ಕ್ ಅನ್ನು ನ್ಯೂಸ್‌ಚೆಕರ್ ಗುರುತಿಸಿದೆ.

ಗೂಗಲ್ ರಿವರ್ಸ್ ಇಮೇಜ್ ಹುಡುಕಾಟವನ್ನು ನಡೆಸಿದ ನಂತರ, Merve Tiritoğlu Şengünler Photography ಎಂಬ ಫೇಸ್‌ಬುಕ್ ಪುಟದಲ್ಲಿ ಈ ವೈರಲ್ ಫೋಟೋವನ್ನು ನಾವು ನೋಡಿದ್ದೇವೆ. ಈ ಫೋಟೋವನ್ನು ಡಿಸೆಂಬರ್ 14, 2015 ರಂದು ‘ಅತ್ಯಂತ ಸುಂದರವಾದ ಪುನರ್ಮಿಲನ’ ಎಂಬ ಶೀರ್ಷಿಕೆಯೊಂದಿಗೆ ಪೋಸ್ಟ್ ಮಾಡಲಾಗಿದೆ. 

ಆ ನಂತರ ಫೋಟೋದಲ್ಲಿರುವ ವ್ಯಕ್ತಿಯ ಬಗ್ಗೆ ಗೂಗಲ್‌ನಲ್ಲಿ ರಿವರ್ಸ್ ಇಮೇಜ್ ಸರ್ಚ್ ಮಾಡಿದ್ದೇವೆ. ಅದು ozgemetinphotography ಎಂಬ ಇನ್‌ಸ್ಟಾಗ್ರಾಮ್ ಪುಟದಲ್ಲಿ ಪತ್ತೆಯಾಗಿದೆ. ಈ ಚಿತ್ರವನ್ನು ಸೆಪ್ಟೆಂಬರ್ 5, 2017 ರಂದು ‘azı babalar o kadar güzel yaşıyor ki bu anları. ..Icimden iyi ki baba olmuş diyorum’ ಎಂಬ ಶೀರ್ಷಿಕೆಯೊಂದಿಗೆ ಪೋಸ್ಟ್ ಮಾಡಲಾಗಿದೆ, ಇದರರ್ಥ ‘ಕೆಲವು ತಂದೆಯಂದಿರು ಈ ಕ್ಷಣಗಳಲ್ಲಿ ತುಂಬಾ ಸುಂದರವಾಗಿ ಬದುಕುತ್ತಾರೆ. .. ಅವರು ತಂದೆಯಾದರು ಎಂದು ಹೇಳಲು ನನಗೆ ಸಂತೋಷವಾಗಿದೆ.’ ಎಂದಿದೆ.

Conclusion

ಈ ಸತ್ಯಶೋಧನೆಯ ಪ್ರಕಾರ, ಹೆರಿಗೆಯ ಸಮಯದಲ್ಲಿ ತಾಯಿಯ ಮರಣದಿಂದ ವೈದ್ಯರು ದುಃಖಿತರಾದರು ಎಂದು ಹೇಳುವ ವೈರಲ್ ಪೋಸ್ಟ್ ಸುಳ್ಳು. ಚಿತ್ರದಲ್ಲಿರುವ ಮಹಿಳೆ ಸಾಯಲಿಲ್ಲ, ಮತ್ತು ಫೋಟೋದಲ್ಲಿರುವ ವ್ಯಕ್ತಿ ವೈದ್ಯನೂ ಅಲ್ಲ. ಈ ಫೋಟೋಗಳನ್ನು ವಿಭಿನ್ನ ಸಮಯದಲ್ಲಿ ಬೇರೆಯದ್ದೇ ಆದ ಸ್ಥಳಗಳಲ್ಲಿ ತೆಗೆಯಲಾಗಿದೆ ಮತ್ತು ಅದನ್ನು ಒಂದು ಕಟ್ಟುಕಥೆಯ ಮೂಲಕ ಚಿತ್ರಿಸಲಾಗಿದೆ ಎಂದು ತಿಳಿದುಬಂದಿದೆ.   

Also Read: ಗಣೇಶ ಮೆರವಣಿಗೆ ವೇಳೆ ಮುಸ್ಲಿಮರು ಕಲ್ಲುತೂರಿದ್ದಾರೆಯೇ? ಈ ವೈರಲ್ ವೀಡಿಯೋ ಹಿಂದಿನ ಸತ್ಯ ಇಲ್ಲಿದೆ

Our Sources
Facebook Post by Merve Tiritoğlu Şengünler Photography, Dated: September 11, 2015

Instagram Post by ozgemetinphotography, Dated: September 5, 2017

(ಈ ಲೇಖನವನ್ನು ಮೊದಲು ನ್ಯೂಸ್‌ಚೆಕರ್ ಇಂಗ್ಲಿಷ್ ನಲ್ಲಿ ಪ್ರಕಟಿಸಲಾಗಿದ್ದು, ಅದು ಇಲ್ಲಿದೆ)