ಹೊಸ 500 ಮತ್ತು 1000 ರೂ. ನೋಟುಗಳು ಜನವರಿ 1ರಿಂದ ಜಾರಿಗೆ?

Claim

ಭಾರತದ ಹೊಸ 500 ಮತ್ತು 1000 ರೂ. ನೋಟುಗಳು ಜನವರಿ 1 2026ರಿಂದ ಜಾರಿಗೆ ಬರಲಿವೆ ನೋಟುಗಳಿಂದ ಮಹಾತ್ಮ ಗಾಂಧಿಯವರ ಹೆಸರು ಮತ್ತು ಫೋಟೋವನ್ನು ತೆಗೆದು ಹಾಕಲಾಗಿದೆ ಎಂದು ಹೇಳಿಕೆಯೊಂದು ಸಾಮಾಜಿಕ ಮಾಧ್ಯಮದಲ್ಲಿ ಹರಿದಾಡುತ್ತಿದೆ.

ನ್ಯೂಸ್‌ ಚೆಕರ್ ಇದರ ಬಗ್ಗೆ ಸತ್ಯಶೋಧನೆ ನಡೆಸಿದ್ದು ಹೊಸ ನೋಟು ಚಲಾವಣೆಗೆ ಬರಲಿದೆ ಎನ್ನುವುದು ಸುಳ್ಳು ಎಂದು ಗೊತ್ತಾಗಿದೆ.

Also Read:ಬಾಂಗ್ಲಾದೇಶ ವಿವಾದಕ್ಕೆ ಸಂಬಂಧಿಸಿದಂತೆ ಪ್ರಧಾನಿ ಮೋದಿ ರಾಜೀನಾಮೆ ನೀಡುವಂತೆ ಉತ್ತರ ಪ್ರದೇಶ ಸಿಎಂ ಯೋಗಿ ಆದಿತ್ಯನಾಥ್ ಆಗ್ರಹ, ನಿಜವೇ?

Fact

ಸತ್ಯಶೋಧನೆಗಾಗಿ ನಾವು ಮೊದಲು ಗೂಗಲ್ ನಲ್ಲಿ ಹೊಸ ₹500, ₹1000 ನೋಟುಗಳ ಬಗ್ಗೆ ಸರ್ಚ್ ಮಾಡಿದ್ದೇವೆ. ಆದರೆ ಯಾವುದೇ ವಿಶ್ವಾಸಾರ್ಹ ಸುದ್ದಿಗಳು ಕಂಡುಬಂದಿಲ್ಲ.

ಆ ಬಳಿಕ  ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾದ ವೆಬ್ ಸೈಟ್ ಪರಿಶೀಲಿಸಿದ್ದೇವೆ. ಇಲ್ಲೂ ಹೊಸ ನೋಟುಗಳ ಬಗ್ಗೆ ಯಾವುದೇ ಇತ್ತೀಚಿನ ಪತ್ರಿಕಾ ಹೇಳಿಕೆಗಳು ಕಂಡುಬಂದಿಲ್ಲ ಎಂಬುದನ್ನು ಖಚಿತಪಡಿಸಿದ್ದೇವೆ.

ಈ ಬಗ್ಗೆ ಇನ್ನಷ್ಟು ಹುಡುಕಾಟ ನಡೆಸಿದಾಗ, ನವೆಂಬರ್ 8, 2016ರಂದು ಆರ್ ಬಿಐ ₹500, ₹1000 ನೋಟುಗಳ ನ್ನು ಚಲಾವಣೆಯಿಂದ ಹಿಂತೆಗೆದ ಕುರಿತ ಪತ್ರಿಕಾ ಹೇಳಿಕೆ ಕಂಡುಬಂದಿದೆ. ಭಯೋತ್ಪಾದನಾ ಕೃತ್ಯಗಳಿಗೆ ಹಣವನ್ನು ಬಳಸುವುದು, ನಕಲಿ ನೋಟುಗಳ ಹಾವಳಿ ತಡೆಗಟ್ಟಲು ನೋಟುಗಳನ್ನು ಅಮಾನ್ಯ ಮಾಡಿದ್ದಾಗಿ ಹೇಳಿಕೆಯಲ್ಲಿ ಅದು ತಿಳಿಸಿತ್ತು.

ಈ ಸತ್ಯಶೋಧನೆಯ ಪ್ರಕಾರ ಹೊಸ 500 ಮತ್ತು 1000 ರೂ. ನೋಟುಗಳ ಮರು ಜಾರಿ, ಗಾಂಧೀಜಿ ಫೋಟೋವನ್ನು ತೆಗೆದು ಸರ್ದಾರ್ ವಲ್ಲಭ ಭಾಯಿ ಪಟೇಲ್ ಮತ್ತು ನೇತಾಜಿ ಸುಭಾಶ್ ಚಂದ್ರ ಬೋಸ್‌ ಅವರ ಫೋಟೋ ಇರುವ ನೋಟುಗಳನ್ನು ಚಲಾವಣೆಗೆ ತರುವ ಕುರಿತು ಯಾವುದೇ ಮಾಹಿತಿಗಳು ಕಂಡುಬಂದಿಲ್ಲ. ಇದು ಸುಳ್ಳು ಎಂದು ಗೊತ್ತಾಗಿದೆ.

Also Read: ರಾಜಸ್ಥಾನದಲ್ಲಿ ‘ಅರಾವಳಿ ರಕ್ಷಿಸಿ’ ಬೃಹತ್ ಪ್ರತಿಭಟನೆ ಎಂದು ಹೇಳಲು ಹಳೆಯ, ಸಂಬಂಧವಿಲ್ಲದ ವೀಡಿಯೋ ಹಂಚಿಕೆ

Our Sources

Reserve Bank Of India

Press Release by Reserve Bank of India, Dated: November 8, 2015