ಮೋದಿ ನನ್ನ ಗೆಳೆಯ, ಪಾಕಿಸ್ತಾನಕ್ಕೆ ಎಚ್ಚರಿಕೆ ಎನ್ನುವ ಟ್ರಂಪ್ ವೀಡಿಯೋ ನಕಲಿ!

ಜಮ್ಮು ಮತ್ತು ಕಾಶ್ಮೀರದ ಪಹಲ್ಗಾಮ್‌ನಲ್ಲಿ ಇತ್ತೀಚೆಗೆ ನಡೆದ ಭಯೋತ್ಪಾದಕ ದಾಳಿಯ ನಂತರ ಉಭಯ ದೇಶಗಳ ನಡುವಿನ ಸಂಬಂಧಗಳು ಕುಸಿದಿರುವ ನಡುವೆ, ಭಾರತದ ಮೇಲೆ ದಾಳಿ ಮಾಡದಂತೆ ಪಾಕಿಸ್ತಾನಕ್ಕೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಎಚ್ಚರಿಕೆ ನೀಡುತ್ತಿದ್ದಾರೆ ಎನ್ನಲಾದ ವೀಡಿಯೊ ಆನ್‌ಲೈನ್‌ನಲ್ಲಿ ವೈರಲ್ ಆಗಿದೆ. 

9 ಸೆಕೆಂಡುಗಳ ಈ ವೀಡಿಯೋದಲ್ಲಿ, ಟ್ರಂಪ್ “ಪಾಕಿಸ್ತಾನ ಭಾರತದ ಮೇಲೆ ದಾಳಿ ಮಾಡಿದರೆ ನಾನು ಸುಮ್ಮನೆ ಕುಳಿತುಕೊಳ್ಳುವುದಿಲ್ಲ. ನಾನು ಪಾಕಿಸ್ತಾನವನ್ನು ನಾಶಮಾಡುತ್ತೇನೆ. ಮೋದಿ ನನ್ನ ಸ್ನೇಹಿತ ಮತ್ತು ನಾನು ಭಾರತದ ಜನರನ್ನು ಪ್ರೀತಿಸುತ್ತೇನೆ” ಎಂದು ಹೇಳುತ್ತಿರುವುದು ಕೇಳಿಬರುತ್ತಿದೆ. ನ್ಯೂಸ್‌ಚೆಕರ್ ಈ ವೀಡಿಯೋವನ್ನು ಪರಿಶೀಲಿಸಿದ್ದು, ಕೃತಕ ಬುದ್ಧಿಮತ್ತೆಯನ್ನು ಬಳಸಿ ಇದನ್ನು ಮಾಡಲಾಗಿದೆ ಎಂದು ಕಂಡುಹಿಡಿದಿದೆ.

Fact Check/Verification

ಗೂಗಲ್‌ನಲ್ಲಿ “ಡೊನಾಲ್ಡ್ ಟ್ರಂಪ್”, “ಎಚ್ಚರಿಕೆ” ಮತ್ತು “ಪಾಕಿಸ್ತಾನ” ಎಂಬ ಕೀವರ್ಡ್‌ ಗಳನ್ನು ಬಳಸಿ ನಾವು ಸರ್ಚ್ ಮಾಡಿದ್ದ,  ಭಾರತದ ಮೇಲೆ ದಾಳಿ ಮಾಡಿದರೆ ಅಮೆರಿಕ ಅಧ್ಯಕ್ಷರು “ಪಾಕಿಸ್ತಾನವನ್ನು ನಾಶಮಾಡುವುದಾಗಿ” ಬೆದರಿಕೆ ಹಾಕಿದ್ದಾರೆ ಎಂದು ಹೇಳುವ ಯಾವುದೇ ವರದಿಗಳು ಬಂದಿಲ್ಲ. 

Also Read: ಪಾಕಿಸ್ತಾನದ ಕ್ಷಿಪಣಿ ಪರೀಕ್ಷೆ ವೇಳೆ ಉಡಾವಣೆ ಸ್ಥಳದಲ್ಲೇ ಸ್ಫೋಟ, ವೈರಲ್ ವೀಡಿಯೋ ಹಿಂದಿನ ಸತ್ಯ ಏನು?

ಈ ವೀಡಿಯೋವನ್ನು ಎಚ್ಚರಿಕೆಯಿಂದ ನೋಡಿದಾಗ ವೀಡಿಯೋ ಹಿಂಭಾಗ “ದಿ ಎಕನಾಮಿಕ್ ಕ್ಲಬ್ ನ್ಯೂಯಾರ್ಕ್” ಎಂದು ಬರೆದಿರುವುದನ್ನು ನಾವು ಗಮನಿಸಿದ್ದೇವೆ. 

ಈ ಸುಳಿವು ಪಡೆದು, ನಾವು ಸಿ-ಸ್ಪ್ಯಾನ್ ವೆಬ್‌ಸೈಟ್‌ನಲ್ಲಿ “ಎಕನಾಮಿಕ್ ಕ್ಲಬ್ ಆಫ್ ನ್ಯೂಯಾರ್ಕ್” ಮತ್ತು “ಡೊನಾಲ್ಡ್ ಟ್ರಂಪ್” ಅನ್ನು ಹುಡುಕಿದೆವು , ಅದು ಸೆಪ್ಟೆಂಬರ್ 15, 2016 ರ ದಿನಾಂಕದ ವೀಡಿಯೋವನ್ನು ನಮಗೆ ತೋರಿಸಿತು , ಇದು ವೈರಲ್ ಕ್ಲಿಪ್‌ನಲ್ಲಿ ಕಂಡುಬರುವ ಅದೇ ಉಡುಗೆ ಮತ್ತು ಅಮೆರಿಕ ಅಧ್ಯಕ್ಷರನ್ನು ತೋರಿಸುತ್ತದೆ. “ರಿಪಬ್ಲಿಕನ್ ಅಧ್ಯಕ್ಷೀಯ ಅಭ್ಯರ್ಥಿ ಡೊನಾಲ್ಡ್ ಟ್ರಂಪ್ ನ್ಯೂಯಾರ್ಕ್‌ನ ಎಕನಾಮಿಕ್ ಕ್ಲಬ್‌ನಲ್ಲಿ ಮಾತನಾಡುತ್ತ ತಮ್ಮ ಆರ್ಥಿಕ ಯೋಜನೆಯನ್ನು ವಿವರಿಸಿದರು ಮತ್ತು ಅವರ ಸಹವರ್ತಿ ಗವರ್ನರ್ ಮೈಕ್ ಪೆನ್ಸ್ ಅವರನ್ನು ಪರಿಚಯಿಸಿದರು” ಎಂದು ಅದು ಹೇಳಿದೆ. 

ವೈರಲ್ ಕ್ಲಿಪ್‌ನ ಕೀಫ್ರೇಮ್‌ಗಳು ಮತ್ತು ಟ್ರಂಪ್‌ರ ಸಿ-ಸ್ಪ್ಯಾನ್ ವೀಡಿಯೋ ನಡುವಿನ ಹೋಲಿಕೆಯನ್ನು ಕೆಳಗೆ ನೋಡಬಹುದು. 

ಈ ವೀಡಿಯೋವನ್ನು ನ್ಯೂಯಾರ್ಕ್‌ನ ಎಕನಾಮಿಕ್ ಕ್ಲಬ್‌ನ ಅಧಿಕೃತ ವೆಬ್‌ಸೈಟ್‌ನಲ್ಲಿ ಅವರ ಭಾಷಣದ ಪ್ರತಿಲಿಪಿಯೊಂದಿಗೆ  ಹಂಚಿಕೊಳ್ಳಲಾಗಿದೆ . ನಾವು ಅದನ್ನು ಪರಿಶೀಲಿಸಿದಾಗ ಟ್ರಂಪ್ ಪಾಕಿಸ್ತಾನದ ವಿರುದ್ಧ ಅಂತಹ ಯಾವುದೇ ಎಚ್ಚರಿಕೆಯನ್ನು ನೀಡಿದ್ದು ಕಂಡುಬಂದಿಲ್ಲ, ಇದು ವೈರಲ್ ವೀಡಿಯೋವನ್ನು ತಿರುಚಲಾಗಿದೆ ಎಂಬುದನ್ನು ದೃಢಪಡಿಸುತ್ತದೆ. 

ಇದಲ್ಲದೆ, ವೈರಲ್ ವೀಡಿಯೊದಲ್ಲಿ ಟ್ರಂಪ್ ಅವರ ತುಟಿಗಳ ಚಲನೆ ಅಸ್ಪಷ್ಟವಾಗಿರುವುದನ್ನು ನಾವು ಗಮನಿಸಿದ್ದೇವೆ, ಇದು  AI ಬಳಸಿ ಬದಲಾಯಿಸಿರಬಹುದು ಎಂದು ಸೂಚಿಸುತ್ತದೆ. 

ನಂತರ ನಾವು AI ಪತ್ತೆ ವೇದಿಕೆ ಹೈವ್ ಮಾಡರೇಶನ್‌ನಲ್ಲಿ ವೀಡಿಯೊವನ್ನು ಪರಿಶೀಲಿಸಿದ್ದೇವೆ, ಇದು AI ರಚಿಸಿದ ಅಥವಾ ಡೀಪ್‌ಫೇಕ್ ವಿಷಯವನ್ನು ಹೊಂದಿರುವ ಮಾಧ್ಯಮದ ಒಟ್ಟಾರೆ 99.9% ಸಾಧ್ಯತೆಯನ್ನು ಕಂಡುಹಿಡಿದಿದೆ.

ಮತ್ತೊಂದು AI ಪತ್ತೆ ಸಾಧನವಾದ Resemble.ai , ವೈರಲ್ ಕ್ಲಿಪ್‌ನಲ್ಲಿ ಕೇಳಿದ ಆಡಿಯೊವನ್ನು “ನಕಲಿ” ಎಂದು ಕಂಡುಹಿಡಿದಿದೆ. 

ನಾವು ಯುಬಿ ಮೀಡಿಯಾ ಫೋರೆನ್ಸಿಕ್ಸ್ ಲ್ಯಾಬ್‌ನ ಡೀಪ್‌ಫೇಕ್-ಒ-ಮೀಟರ್‌ನಲ್ಲಿನ ಆಡಿಯೊವನ್ನು ಸಹ ಪರಿಶೀಲಿಸಿದ್ದೇವೆ. ಇದು ಬಹು ಪತ್ತೆ ಮಾದರಿಗಳಲ್ಲಿನ ಆಡಿಯೋವನ್ನು ಪರಿಶೀಲಿಸಿದೆ, ಅವುಗಳಲ್ಲಿ ಹೆಚ್ಚಿನವು ಆಡಿಯೋ ಎಐ ನಿಂದ ಉತ್ಪತ್ತಿಯಾಗುವ ಹೆಚ್ಚಿನ ಸಂಭವನೀಯತೆಯನ್ನು ಹೇಳಿದೆ.

ಪಹಲ್ಗಾಮ್ ಭಯೋತ್ಪಾದಕ ದಾಳಿಯ ಬಗ್ಗೆ ಪ್ರತಿಕ್ರಿಯಿಸಿದ ಟ್ರಂಪ್ ಇತ್ತೀಚೆಗೆ, “ನಾನು ಭಾರತಕ್ಕೆ ತುಂಬಾ ಹತ್ತಿರವಾಗಿದ್ದೇನೆ ಮತ್ತು ನಾನು ಪಾಕಿಸ್ತಾನಕ್ಕೆ ತುಂಬಾ ಹತ್ತಿರವಾಗಿದ್ದೇನೆ ಮತ್ತು ಅವರು ಕಾಶ್ಮೀರದಲ್ಲಿ ಸಾವಿರ ವರ್ಷಗಳಿಂದ ಆ ಹೋರಾಟವನ್ನು ನಡೆಸುತ್ತಿದ್ದಾರೆ. ಕಾಶ್ಮೀರ ಸಾವಿರ ವರ್ಷಗಳಿಂದ ನಡೆಯುತ್ತಿದೆ, ಬಹುಶಃ ಅದಕ್ಕಿಂತಲೂ ಹೆಚ್ಚು ಕಾಲ. ಅದು ಕೆಟ್ಟ ದಾಳಿ (ಭಯೋತ್ಪಾದಕ ದಾಳಿ). ಅವರು ಒಂದಲ್ಲ ಒಂದು ರೀತಿಯಲ್ಲಿ ಅದನ್ನು ಲೆಕ್ಕಾಚಾರ ಮಾಡುತ್ತಾರೆ ಎಂದು ನನಗೆ ಖಚಿತವಾಗಿದೆ. ನನಗೆ ಇಬ್ಬರೂ ನಾಯಕರು ಗೊತ್ತು. ಪಾಕಿಸ್ತಾನ ಮತ್ತು ಭಾರತದ ನಡುವೆ ದೊಡ್ಡ ಉದ್ವಿಗ್ನತೆ ಇದೆ, ಆದರೆ ಯಾವಾಗಲೂ ಇದೆ.” ಎಂದು ಹೇಳಿದ್ದರು.

Conclusion

ಆದ್ದರಿಂದ, ಭಾರತದ ಮೇಲೆ ದಾಳಿ ಮಾಡದಂತೆ ಡೊನಾಲ್ಡ್ ಟ್ರಂಪ್ ಪಾಕಿಸ್ತಾನಕ್ಕೆ ಎಚ್ಚರಿಕೆ ನೀಡುತ್ತಿರುವ, ಮೋದಿ ನನ್ನ ಗೆಳೆಯ ಎಂದು ಹೇಳುತ್ತಿರುವ ವೈರಲ್ ವೀಡಿಯೋವನ್ನು ಕೃತಕ ಬುದ್ಧಿಮತ್ತೆ ಬಳಸಿ ಕುಶಲತೆಯಿಂದ ರಚಿಸಲಾಗಿದೆ ಎಂದು ಕಂಡುಬಂದಿದೆ.

Also Read: ಸಿಂಧೂ ನದಿ ವಿಚಾರದಲ್ಲಿ ಪಾಕಿಸ್ತಾನ ಅಮೆರಿಕದ ಬಳಿ ಬೇಡಿಕೊಂಡಿದ್ದನ್ನು ಡೊನಾಲ್ಡ್ ಟ್ರಂಪ್ ಅಣಕಿಸಿದರೇ?

Our Sources
Video By C-SPAN, Dated: September 15, 2016

DAU Analysis

Resemble.ai Website

Hive Moderation Website

Deepfake-O-Meter Tool

(ಈ ಲೇಖನವನ್ನು ಮೊದಲು ನ್ಯೂಸ್‌ಚೆಕರ್ ಇಂಗ್ಲಿಷ್ ನಲ್ಲಿ ಪ್ರಕಟಿಸಲಾಗಿದ್ದು ಅದು ಇಲ್ಲಿದೆ)