മൊസ്സാദ് ചാരനെ മിസൈലിൽ കയറ്റി വിടുന്ന ദൃശ്യമാണോ ഇത്?

മൊസ്സാദ് ചാരനെ മിസൈലിൽ കയറ്റി വിടുന്ന ദൃശ്യം എന്ന പേരിൽ ഒരു പോസ്റ്റ് വൈറലാവുന്നുണ്ട്. ‘ഇറാനിൽ രക്തച്ചൊരിച്ചിൽ ഉണ്ടാക്കിയ ചാരനെ വധിച്ചു,’ എന്ന പേരിൽ അഞ്ച് ചിത്രങ്ങൾ അടങ്ങിയ ഒരു പോസ്റ്റർ വൈറലാവുന്നുണ്ട്.

“ചരിത്രത്തിലെ ഏറ്റവും വിചിത്രമായ വധശിക്ഷയും മറക്കാനാവാത്ത ഒരു അന്ത്യവും,” എന്നാണ് പോസ്റ്റിന്റെ തലക്കെട്ട്.

“ഇറാനിലെ ഏറ്റവും പ്രധാനപ്പെട്ട മൊസ്സാദ് ചാരനായി കണക്കാക്കപ്പെടുന്ന  ഇസ്മായിൽ ഫക്രിയെതിരെയുള്ള വധശിക്ഷ ഇറാൻ അധികൃതർ ശരിവച്ചു. യുദ്ധത്തിന്റെ ആദ്യ ദിവസങ്ങളിൽ നടന്ന ഇറാനിയൻ നേതാക്കളുടെ കൊലപാതകങ്ങൾക്ക് പ്രധാനമായും ഉത്തരവാദിയാണ് ഫിക്രി. സ്ഥാപനത്തിന്റെ രഹസ്യാന്വേഷണ സേവനങ്ങളുമായുള്ള സഹകരണം കാരണം ഇറാൻ ആ കൊലപാതകത്തിന് ഇരയായി,” എന്നാണ് പോസ്റ്റിൽ പറയുന്നത്.

“ചാരനായ ഇസ്മായിൽ ഫിക്രി തുർക്കി വംശജനാണ്, മൊസ്സാദ് റിക്രൂട്ട് ചെയ്ത പതിനായിരക്കണക്കിന് തുർക്കി, അസർബൈജാനി അഭയാർത്ഥികളിൽ നിന്ന് ഇറാനിയൻ പൗരത്വം നേടിയെടുത്തതും മിശ്രവിവാഹത്തിലൂടെ ഇറാനിലേക്ക് നുഴഞ്ഞുകയറിയതുമാണ്,” പോസ്റ്റ് തുടരുന്നു.

“750 കിലോഗ്രാം സ്ഫോടകവസ്തുക്കൾ ഘടിപ്പിച്ച ഹൈപ്പർസോണിക് ബാലിസ്റ്റിക് മിസൈലിലാണ് ചാരൻ ഘടിപ്പിച്ചിരുന്നത്,” പോസ്റ്റ് പറയുന്നു.

“അയാളുടെ ജീവിതം അവസാനിപ്പിക്കുക മാത്രമായിരുന്നില്ല ലക്ഷ്യം, മറിച്ച് എല്ലാ രാജ്യദ്രോഹികൾക്കും ഏജന്റുമാർക്കും കൂലിപ്പടയാളികൾക്കും രാജ്യദ്രോഹം പൊറുക്കാനാവാത്തതാണെന്നും, അതിന്റെ വില ഭാരമേറിയതാണെന്നും, അയാളുടെ പ്രവൃത്തിയുടെ അതേ തരത്തിലുള്ളതാണെന്നും, വഞ്ചകന്റെ വിധി മരണമാണെന്നും ഒരു ശക്തമായ സന്ദേശം നൽകുക കൂടിയായിരുന്നു ലക്ഷ്യം,” പോസ്റ്റ് കൂട്ടിച്ചേർക്കുന്നു. 
“ഏതൊരു രാജ്യദ്രോഹിയെയും ഇന്നുവരെ അറിയപ്പെടുന്ന ഏറ്റവും വേഗതയേറിയ ഗതാഗത മാർഗ്ഗത്തിലൂടെ, ഒരു ഹൈപ്പർസോണിക് മിസൈലിന് മുകളിൽ, അയാൾ ആശയവിനിമയം നടത്തുന്ന രാജ്യത്തേക്ക്,” പോസ്റ്റ് വ്യക്തമാക്കുന്നു.

ആർകൈവ് ചെയ്ത ലിങ്ക്

മൊസ്സാദ്  ചാരനെ ഇറാൻ വധിച്ചോ ?

ജൂൺ 12ന്  ഇറാന്റെ ആണവ പദ്ധതിയെയും നേതൃത്വത്തെയും ലക്ഷ്യമിട്ട് ഇസ്രായേൽ വ്യോമാക്രമണത്തിന്റെ ആദ്യ ആക്രമണം നടത്തി. തുടർന്ന് ഇറാനും ഇസ്രയേലും തമ്മിൽ സംഘർഷം ആരംഭിച്ചു. ഈ പശ്ചാത്തലത്തിലാണ് ഇസ്രായേൽ ചാരസംഘടനയായ മൊസാദിനെ സഹായിച്ച ഇസ്മായിൽ ഫക്രിയെ മിസ്സൈലിൽ കയറ്റി അയച്ചുവെന്ന തരത്തിലുള്ള പ്രചരണം നടക്കുന്നത്.

മൊസ്സാദ്  ചാരനെ  മുൻപ് ഇറാൻ വധിച്ചതായി വാർത്തയുണ്ടായിരുന്നു. മൊഹ്‌സെൻ ലങ്കാർനെഷിൻ എന്ന ആളെ ഏപ്രിലിലും, പോസ്റ്റിൽ സൂചിപ്പിക്കുന്ന ഇസ്മായിൽ ഫക്രിയെ നിലവിലെ സംഘർഷം ആരംഭിച്ച ശേഷം ഈ മാസം 16നും വധിച്ചിരുന്നു. എന്നാൽ മിസ്സൈലിൽ കയറ്റി ഇസ്രേയലിലേക്ക് അയച്ചല്ല അവരെ വധിച്ചത്. മറിച്ച് ഇസ്മായിൽ ഫക്രിയെയും മൊഹ്‌സെൻ ലങ്കാർനെഷിനെയും തൂക്കി കൊല്ലുകയായിരുന്നുവെന്നാണ് വാർത്തകൾ പറയുന്നത്.

ഇവിടെ വായിക്കുക:നിലമ്പൂർ ഇടത് മുന്നണിയിൽ നിന്ന് കോൺഗ്രസിൽ വന്നവരല്ലിത്

Fact Check/ Verification

ചിത്രങ്ങൾ  കണ്ടപ്പോൾ അതിൽ ചില കൃത്രികമത്വങ്ങൾ ഞങ്ങൾക്ക് തോന്നി. അതിനാൽ ഞങ്ങൾ ചിത്രങ്ങൾ വിവിധ  എഐ ഇമേജ് ഡിറ്റക്ഷൻ ടൂളുകളിൽ പരിശോധിച്ചു. 

Image 1

 ഹൈവ് മോഡറേഷൻ ടൂൾ  ചിത്രത്തിൽ 99.9% എഐ ജനറേറ്റഡ് അല്ലെങ്കിൽ ഡീപ്ഫേക്ക് ഉള്ളടക്കം അടങ്ങിയിരിക്കാൻ സാധ്യതയുണ്ടെന്ന് കണ്ടെത്തി.

 ഫേക്ക് ഇമേജ് ഡിറ്റക്ടർ ടൂൾ  ഫോട്ടോ കമ്പ്യൂട്ടർ സൃഷ്ടിച്ചതോ പരിഷ്കരിച്ചതോ പോലെ തോന്നിക്കുന്നുവെന്ന് കണ്ടെത്തി.

വാസ്ഇറ്റ് എഐ ടൂൾ പറഞ്ഞത്, ഇമേജ് അല്ലെങ്കിൽ അതിന്റെ ഒരു പ്രധാന ഭാഗം എഐ ആണ് സൃഷ്ടിച്ചതെന്ന് തികച്ചും ആത്മവിശ്വാസത്തോടെ പറയാൻ കഴിയുമെന്നാണ്.

Image 2

ഹൈവ് മോഡറേഷൻ ടൂൾ ചിത്രത്തിൽ  77.3% എഐ ജനറേറ്റഡ് അല്ലെങ്കിൽ ഡീപ്ഫേക്ക് ഉള്ളടക്കം കണ്ടെത്തി. 

ആദ്യ ഫോട്ടോ പോലെ  ഈ ചിത്രത്തിന്റെയും ഒരു പ്രധാന ഭാഗം എഐ ആണ് സൃഷ്ടിച്ചതെന്ന് തികച്ചും ആത്മവിശ്വാസത്തോടെ പറയാൻ കഴിയുമെന്നാണ്. വാസ്ഇറ്റ് എഐ ടൂൾ പറഞ്ഞത്.

Image 3

 ഹൈവ് മോഡറേഷൻ എന്ന എഐ ഇമേജ് ഡിറ്റക്ഷൻ ടൂളിൽ പരിശോധിച്ചപ്പോൾ ചിത്രത്തിൽ 99.7% എഐ ജനറേറ്റഡ് അല്ലെങ്കിൽ ഡീപ്ഫേക്ക് ഉള്ളടക്കം അടങ്ങിയിരിക്കാൻ സാധ്യതയുണ്ടെന്ന് കണ്ടെത്തി.

ചിത്രം ഫേക്ക് ഇമേജ് ഡിറ്റക്ടർ ടൂൾ ഉപയോഗിച്ചും പരിശോധിച്ചു. ടൂൾ ഫോട്ടോ കമ്പ്യൂട്ടർ സൃഷ്ടിച്ചതോ പരിഷ്കരിച്ചതോ പോലെ തോന്നിക്കുന്നുവെന്ന് കണ്ടെത്തി.

വാസ്ഇറ്റ് എഐ ടൂൾ പറഞ്ഞത്, ഇമേജ് അല്ലെങ്കിൽ അതിന്റെ ഒരു പ്രധാന ഭാഗം എഐ ആണ് സൃഷ്ടിച്ചതെന്ന് തികച്ചും ആത്മവിശ്വാസത്തോടെ പറയാൻ കഴിയുമെന്നാണ്.

Image 4 

 ഫേക്ക് ഇമേജ് ഡിറ്റക്ടർ ടൂൾ   വാസ്ഇറ്റ് എഐ ടൂൾ  എന്നിവ  ഫോട്ടോ കമ്പ്യൂട്ടർ സൃഷ്ടിച്ചതോ പരിഷ്കരിച്ചതോ പോലെ തോന്നിക്കുന്നുവെന്ന് കണ്ടെത്തി.

Image 5

വാസ്ഇറ്റ് എഐ ടൂൾ ഇമേജ് അല്ലെങ്കിൽ അതിന്റെ ഒരു പ്രധാന ഭാഗം എഐ ആണ് സൃഷ്ടിച്ചതെന്ന് തികച്ചും ആത്മവിശ്വാസത്തോടെ പറയാൻ കഴിയുമെന്നാണ് ഈ ചിത്രത്തെ കുറിച്ച് പറഞ്ഞത്.

എന്നാൽ മറ്റ് ടൂളുകൾ ഈ ചിത്രം യഥാർഥത്തിൽ ഉള്ളത് എന്നാണ് പറഞ്ഞത്. എന്നാൽ ചിത്രത്തിന്റെ ഉറവിടം ഞങ്ങൾക്ക് റിവേഴ്‌സ് ഇമേജ് സെർച്ചിൽ കണ്ടെത്താനായില്ല.

Conclusion

ഇറാനിൽ രക്തച്ചൊരിച്ചിൽ ഉണ്ടാക്കിയ ചാരനെ മിസൈലിൽ കയറ്റി വിടുന്ന ദൃശ്യങ്ങൾ എന്ന പേരിൽ പ്രചരിക്കുന്ന ചിത്രങ്ങൾ എഐ ഉപയോഗിച്ച് നിർമ്മിച്ചതാണെന്ന് ഞങ്ങളുടെ അന്വേഷണത്തിൽ തെളിഞ്ഞു.

ഇവിടെ വായിക്കുക:അപകടത്തിൽപ്പെട്ട AI171 വിമാനത്തിന്റെ ടേക്ക് ഓഫ് ദൃശ്യമല്ലിത്

Sources
Hive Moderation Website
FakeImageDetector tool
WasitAI Website