ഓപ്പറ്റേഷൻ സിന്ദൂർ എന്ന പേരിൽ ഷെയർ ചെയ്യപ്പെടുന്നത് 2023ൽ ഗാസയിൽ നിന്നുള്ള വീഡിയോ

“നെറ്റിയിലെ സിന്ദൂരം മായ്ക്കപ്പെട്ട നമ്മുടെ ഓരോ സഹോദരികൾക്കും വേണ്ടി… ഓപ്പറ്റേഷൻ സിന്ദൂർ,” എന്ന വിവരണത്തിനൊപ്പം ഒരു വിഡിയോ സമൂഹ മാധ്യമങ്ങളിൽ വൈറലാവുന്നുണ്ട്.

ഇവിടെ വായിക്കുക: ഓപ്റേഷൻ സിന്ദൂറിന്റെത് എന്ന പേരിൽ ഷെയർ ചെയ്യുന്നത് 2024ലെ വീഡിയോ

പഹൽഗാം ഭീകരാക്രമണത്തിന് മറുപടിയായി ഇന്ത്യ നടത്തിയ ഓപ്റേഷൻ സിന്ദൂറിന്റെ പശ്ചാത്തലത്തിലാണ് വീഡിയോ പ്രചരിക്കുന്നത്.

വൈറൽ വീഡിയോയുടെ കീഫ്രെയിമുകൾ റിവേഴ്സ് ഇമേജ് സേർച്ച് നടത്തി. അപ്പോൾ, akhbar_fori_khabar എന്ന ഇൻസ്റ്റാഗ്രാം ഐഡി നവംബർ10,2022ൽ ഈ വീഡിയോ പോസ്റ്റ് ചെയ്തിട്ടുണ്ട് എന്ന് കണ്ടെത്തി.

“നവംബർ 9 വ്യാഴാഴ്ച വൈകുന്നേരം ഗാസയിലെ ഇന്തോനേഷ്യൻ ആശുപത്രിയിൽ ഇസ്രായേൽ നടത്തിയ ബോംബാക്രമണത്തിൽ നിരവധി പേർ മരിക്കുകയും പരിക്കേൽക്കുകയും ചെയ്തു,” എന്നാണ് പോസ്റ്റിലെ പേർഷ്യൻ ഭാഷയിലുള്ള വിവരണം.

_laa_ilaaha_illallaah_ എന്ന ഇൻസ്റ്റാഗ്രാം ഐഡി നവംബർ10,2023ൽ ഇതേ വീഡിയോ ഗാസ മുനമ്പിന് വടക്കുള്ള ഇന്തോനേഷ്യൻ ആശുപത്രിക്ക് സമീപം ബോംബാക്രമണം എന്ന കുറിപ്പോടെ ഷെയർ ചെയ്തിട്ടുണ്ട്.

അൽജസിറ നവംബർ 11,2023ൽ ഈ വീഡിയോയിലെ ഒരു കീ ഫ്രെയിം ഒരു വാർത്തയിൽ ഫോട്ടോയായി കൊടുത്തിട്ടുണ്ട്.”2023 നവംബർ 10-ന് വടക്കൻ ഗാസ മുനമ്പിലെ നിരവധി ആശുപത്രികളെ ലക്ഷ്യമിട്ട് ഇസ്രായേലി ബോംബാക്രമണം,” എന്നാണ് ആ ഫോട്ടോയുടെ കാപ്‌ഷൻ.

ഇതിൽ നിന്നെല്ലാം ഓപ്പറേഷൻ സിന്ദൂറിന്റെ വീഡിയോ എന്ന രീതിയിൽ പ്രചരിക്കുന്നത് 2023 നവംബറിൽ ഗാസയിലെ ആശുപത്രിയ്ക്ക് നേരെ നടന്ന ഇസ്രയേലിന്റെ ബോംബാക്രമണമാണ് എന്ന് ഞങ്ങളുടെ അന്വേഷണത്തിൽ ബോധ്യമായി.

ഇവിടെ വായിക്കുക: പാകിസ്ഥാൻ ആർമിയുടെ വെടിക്കോപ്പ് ഡിപ്പോ തീയിട്ടോ?

Sources
Instagram post by akhbar_fori_khabar on November 10,2023
Instagram post by laa_ilaaha_illallaah on November 10,2023
News report by Al Jazeera On November 11,2023