Weekly Wrap: ബിഹാറിലെ രാഹുൽ ഗാന്ധിയുടെ യാത്രയും മറ്റ് സമൂഹ മാധ്യമ പ്രചരണങ്ങളും

ബിഹാറിൽ രാഹുൽ ഗാന്ധിയുടെ വോട്ട് അധികാർ യാത്രയിലെ ആൾകൂട്ടമല്ലിത്

രാഹുൽ ഗാന്ധി ബീഹാറിൽ നടത്തുന്ന വോട്ട് അധികാർ യാത്രയിലെ ആൾക്കൂട്ടത്തിന്റേത് ദൃശ്യങ്ങൾ എന്ന തരത്തിൽ പ്രചരിപ്പിക്കുന്നത് മഹാരാഷ്ട്രയിൽ നടന്ന കാള വണ്ടി മത്സരത്തിന്റെ ദൃശ്യങ്ങളാണ് എന്ന് അന്വേഷണത്തിൽ നിന്ന് ലഭിക്കുന്ന സൂചന. വോട്ട് അധികാർ യാത്ര തുടങ്ങും മുമ്പുള്ള ദൃശ്യങ്ങളാണിത്. 

മുഴുവൻ ഫാക്ട് ചെക്ക് ഇവിടെ വായിക്കാം

ബിജെപിക്കാർക്ക് മർദ്ദനം ഏൽക്കുന്ന വീഡിയോ ബിഹാറിൽ നിന്നല്ല

ബിജെപിക്കാർക്ക് മർദ്ദനം ഏൽക്കുന്ന വീഡിയോ ബിഹാറിൽ നിന്നല്ല, 2022ൽ തെലങ്കാനയിൽ നിന്നുമാണ് എന്ന് ഞങ്ങളുടെ അന്വേഷണത്തിൽ കണ്ടെത്തി.

മുഴുവൻ ഫാക്ട് ചെക്ക് ഇവിടെ വായിക്കാം

സൗജന്യ ഓണ കിറ്റ് അന്ത്യോദയ അന്നയോജന റേഷൻ കാർഡുടമകൾക്ക് മാത്രം, മറിച്ചുള്ള പ്രചരണം വ്യാജം

എല്ലാ റേഷൻ കാർഡ് ഉടമകൾക്കും ഓണത്തിന് സൗജന്യ ഭക്ഷ്യ കിറ്റ് കിട്ടുമെന്ന വാദം തെറ്റാണെന്ന് ഞങ്ങളുടെ അന്വേഷണത്തിൽ തെളിഞ്ഞു. അന്ത്യോദയ അന്ന യോജന റേഷൻ കാർഡ് ഉടമകൾക്ക് മാത്രമാണ് സൗജന്യ ഭക്ഷ്യ കിറ്റ്. ഇപ്പോൾ പ്രചരിക്കുന്നത് 2022-ലെ കിറ്റ് വിതരണവുമായി ബന്ധപ്പെട്ട വിവരങ്ങളാണ് എന്നും മനസ്സിലായി.

മുഴുവൻ ഫാക്ട് ചെക്ക് ഇവിടെ വായിക്കാം

ഗുരുവായൂർ റെയിൽവേ സ്റ്റേഷനിലെ എയർ കണ്ടീഷൻ വിശ്രമ മുറിയല്ലിത്

പ്രചരിക്കുന്ന വീഡിയോ ഗുരുവായൂർ എസി വിശ്രമമുറിയുടേതല്ല, സിറ്റി ലൈവ്‌ലി ഹുഡ് സെന്ററിന്റെതാണ് എന്ന് ഞങ്ങളുടെ അന്വേഷണത്തിൽതെളിഞ്ഞു. അവിടെ ഓണലൈൻ ബുക്കിംഗ് സൗകര്യമില്ല. എന്നാൽ ഫോണിലൂടെ മുറി ബുക്ക് ചെയ്യാം.

മുഴുവൻ ഫാക്ട് ചെക്ക് ഇവിടെ വായിക്കാം

ശാസ്താംകോട്ട ക്ഷേത്രത്തിലെ പരമ്പരാഗത ‘വാനര സദ്യ’ എന്ന പേരിൽ പ്രചരിക്കുന്ന പടം എഐ നിർമ്മിതമാണ്

ശാസ്താംകോട്ട ക്ഷേത്രത്തിലെ പരമ്പരാഗത ‘വാനര സദ്യ’ എന്ന പേരിൽ പ്രചരിക്കുന്ന പടം എഐ ഉപയോഗിച്ച് നിർമ്മിച്ചതാണെന്ന് ഞങ്ങളുടെ അന്വേഷണത്തിൽ തെളിഞ്ഞു.

മുഴുവൻ ഫാക്ട് ചെക്ക് ഇവിടെ വായിക്കാം