Fact Check: कथावाचक देवी चित्रलेखाचा पती मुस्लिम नाही, खोटा दावा व्हायरल

Claim
कथावाचक देवी चित्रलेखाचा पती मुस्लिम आहे.
Fact
व्हायरल दावा खोटा आहे. त्यांच्या पतीचे नाव माधव तिवारी असून ते हिंदू आहेत.

हिंदू कथावाचक देवी चित्रलेखा यांचा एक फोटो सोशल मीडियावर व्हायरल झाला आहे. त्यांचे पती मुस्लिम असून ती त्याच्यासोबत अमेरिकेत फिरत असल्याचा दावा या पोस्टद्वारे करण्यात आला आहे. याशिवाय, आज तकचा लोगो देखील चित्रात आहे आणि त्याखालील मजकूर आहे, “कथावाचक देवी चित्रलेखा, आपल्या पतीसोबत अमेरिकेला भेट देऊन या खास जागेचा आनंद लुटला”.

हा फोटो कॅप्शनसह शेअर करण्यात आला आहे, ज्यामध्ये लिहिले आहे, “देवी चित्रलेखा, जिने तिच्या कथेसाठी 25 लाख रुपये घेते. ती आम्हाला पैसा, धन आणि संपत्तीची आसक्ती सोडून देण्यास सांगते. याच पैशातून देवीजी स्वतः आपल्या मुस्लिम पतीसोबत अमेरिकेत फिरत आहेत.”

आम्हाला हा दावा व्हाट्सअपवर मोठ्याप्रमाणात पसरविला जात असल्याचे आढळले.

Fact Check/ Verification

जेव्हा Newschecker ने व्हायरल फोटोचा रिव्हर्स इमेज सर्च केला, तेव्हा आम्हाला आज तकच्या वेबसाइटवर 25 जुलै 2024 रोजी प्रकाशित झालेली इमेज स्टोरी आढळली, ज्यामध्ये हा फोटो होता.

या इमेज स्टोरीमध्ये कथावाचक देवी चित्रलेखा तिचे पती माधव तिवारीसह मँचेस्टरमधील लेक डिस्ट्रिक्टमध्ये फिरत असल्याचे सांगण्यात आले आहे.

याशिवाय माधव तिवारी नावाच्या इन्स्टाग्राम अकाऊंटवरही आम्हाला असा फोटो सापडला आहे. हे फोटो 15 जुलै 2024 रोजी अपलोड करण्यात आले होते. याशिवाय या अकाऊंटवर इतरही अनेक छायाचित्रे आहेत, ज्यामध्ये देवी चित्रलेखा माधव तिवारी नावाच्या व्यक्तीसोबत दिसत आहेत. देवी चित्रलेखाच्या अधिकृत इंस्टाग्राम अकाऊंटला जवळपास अशाच चित्रांमध्ये टॅग करण्यात आले होते.

दरम्यान, आम्हाला देवी चित्रलेखाच्या अधिकृत फेसबुक अकाउंटवरून 2 जून 2020 रोजी केलेली एक फेसबुक पोस्ट सापडली, ज्यामध्ये त्यांनी लिहिले आहे की, त्यांचा विवाह 23 मे 2017 रोजी गौसेवा धाम हॉस्पिटलच्या पवित्र प्रांगणात झाला होता. कश्यप गोत्रिय छत्तीसगडच्या कन्याकुब्ज ब्राह्मण कुटुंबातील अरुण तिवारी यांचा मुलगा माधव तिवारी यांच्याशी त्यांचा विवाह हिंदू रितीरिवाजाप्रमाणे झाला.

महत्वाचे म्हणजे, या पोस्टमध्ये स्पष्टपणे लिहिलं आहे की, त्यांनी ना मुस्लिमाशी लग्न केले आहे, ना तो ड्रायव्हर आहे, ना तो तबला वादक आहे.

Conclusion

आमच्या तपासात सापडलेल्या पुराव्यांवरून हे स्पष्ट झाले आहे की कथावाचक देवी चित्रलेखाचा पती मुस्लिम नसून हिंदू आहे आणि त्याचे नाव माधव तिवारी आहे.

Result: False

Our Sources
Image story by AAJ TAK on 25th July 2024
Instagram Post by account madhavprabhuji
Facebook post by Devi Chitralekha ji on 2nd June 2020

(हे आर्टिकल सर्वप्रथम न्यूजचेकर हिंदीसाठी रुंजय कुमार यांनी केले असून, ते इथे वाचता येईल.)

कोणत्याही संशयास्पद बातम्यांवरील तपास, दुरुस्ती किंवा इतर सूचनांसाठी, आम्हाला व्हाट्सएप करा: 9999499044 किंवा ईमेल करा: checkthis@newschecker.in. फॅक्टचेक्स आणि ताज्या अपडेटसाठी आमच्या WhatsApp चॅनेलला फॉलो करा