गृहमंत्र्यांनी CAB आंदोलकांना गोळ्या चालवण्याचे आदेश दिले? वाचा पोलिस अधिका-याच्या व्हायरल व्हिडिओचे सत्य

जलता हिंदुस्तान, जलता संविधान नावाच्या टविटर हॅंडलवर एक पोलिस अधिका-याचा व्हिडिओ शेयर करण्यात आला आहे. अधिकारी व्हिडिओमध्ये सांगत आहे की दगडफेक करणा-या सीएबी आंदोलकांवर गृहमंत्र्यांनी गोळ्या चालवण्याचे आदेश दिले आहेत. ट्विटमध्ये म्हटले आहे की रक्षकच भक्षक बनले आहेत सीएबी आंदोलकांवर थेट शूट एट साइट चे आदेश पोलिसांना दिले आहेत. देशाचे गृहमंत्रीच जर देशात गृहयुद्धासाठी आग्रही असतील तर काय बोलणार.

आम्हाला हाच दावा करणारे अनेक ट्विट्स आढळून आले.

रक्षक ही भक्षक बन गए है.. #CAB प्रदर्शनकारी पर #No FIR सीधी शूट एट साइट।

पुलिस अधिकारी का दावा है, उन्होंने CAB प्रदर्शनकारी को गोली मारने के लिए #गृह_मंत्री के आदेश का पालन किया। अफसोस देश मे ग्रहयुद्ध देश का ग्रहमन्त्री ही चाहता है pic.twitter.com/EvtRaAauNT

— Sahiba Malik (@sahiba__2) December 28, 2019

यह राकेश त्यागी कौन
रक्षक ही भक्षक बन गए है. #CAB प्रदर्शनकारी पर #No FIR सीधी शूट एट साइट

पुलिस अधिकारी का दावा है, उन्होंने CAB प्रदर्शनकारी को गोली मारने के लिए #गृह_मंत्री के आदेश का पालन किया। अफसोस देश मे ग्रहयुद्ध देश का ग्रहमन्त्री ही चाहता है ।
pic.twitter.com/JwIOf6v1yx

— bilal sunasra بلال (@BiSunasra) December 29, 2019

मात्र या शोधादरम्यान आम्हाला आणखी एक ट्विट आढळून आले मात्र यात केलेला दावा हा वेगळा होता यात म्हटले आहे की, व्हिडीओमध्ये दिसणार्‍या व्यक्तीला दोन दिवसांपूर्वीच दिल्ली पोलिसांनी अटक केली आहे. तो पोलिस नव्हता. त्याने 2014 साली दिल्ली पोलिसा दलातून ऐच्छिक सेवानिवृत्ती घेतली. पोलिसांचा गणवेश परिधान करणारा प्रत्येकजण पोलिस कर्मचारी नसतो.

The man seen in the video has been arrested by Delhi Police two days back. He was not a policeman. He took voluntary retirement in the year 2014 from Delhi Police. Not every person wearing police uniform is a ‘policeman’. @DelhiPolice https://t.co/LpmLJjZyk8

— Saurabh Trivedi (@saurabh3vedi) December 29, 2019

यानंतर आम्ही राकेश त्यागी नावाने शोध सुरु केला असता आम्हाला त्याच्या संबंधीच्या अनेक बातम्या आढळून आल्या.

याशिवाय आम्हाला झी न्यूज च्या वेबसाईटवर बातमी आढळून आली. यात म्हटले आहे की

नागरिकता सुधारणा अधिनियम (एनसीआर) च्या कारणावरुन दिल्लीत उफाळून आलेल्या हिंसाचारानंतर एका माजी हवालदाराने अत्यंत आक्षेपार्ह व्हिडिओ बनविला आणि तो सोशल मीडियावर व्हायरल झाला. त्याने दिल्ली पोलिस उपनिरीक्षकाचा गणवेश परिधान करुन गाडीत व्हिडिओ बनविला होता.
या व्हिडिओत त्याने  गृहमंत्रालयाच्या आदेशानुसार आंदोलकर्त्या लोकांना गोळ्या घालण्याची धमकी दिली. हा व्हिडिओ व्हायरल झाल्यानंतर दिल्ली पोलिसांनी तातडीने कारवाई करत सायबर सेल युनिटमध्ये गुन्हा दाखल केला आणि शुक्रवारी राकेश त्यागी (( 54) याला अटक केली. मात्र, नंतर जामिनावर त्यांची सुटका करण्यात आली. तो दिल्ली पोलिसात उपनिरीक्षक नाही, तर तो दिल्ली पोलिसात हवालदार होता, परंतु 2014 मध्ये काही कारणास्तव त्याने व्हीआरएस घेतली. त्यानंतर वेगवेगळ्या विषयांवर असे व्हिडिओ बनवत राहतो. जामियामधील हिंसाचारानंतर त्याने आपल्या गाडीत बसून असा व्हिडिओ बनविला व व्हायरल केला

यावरुन हेच स्पष्ट होते की गृहमंत्रालयाने किंवा गृहमंत्र्यांनी सीएबी आंदोलकांवर गोळीबार करण्याचे आदेश दिलेले नाहीत. पोलिसांनी हा खोटा व्हिडिओ तयार करणा-या माजी पोलिस कर्मचा-याला अटक सुद्धा केली होती. सोशल मिडियात हाच व्हिडिओ अजूनही व्हायरल होत आहे.