ਸ਼ੁੱਕਰਵਾਰ, ਜੂਨ 21, 2024
ਸ਼ੁੱਕਰਵਾਰ, ਜੂਨ 21, 2024

HomeCoronavirusਕਰੋਨਾ ਵਾਇਰਸ ਨਾਲ ਨਹੀਂ ਹੋਈ ਕਿਸੀ ਡਾ. ਆਇਸ਼ਾ ਦੀ ਮੌਤ, ਤਸਵੀਰ ਦੇ...

ਕਰੋਨਾ ਵਾਇਰਸ ਨਾਲ ਨਹੀਂ ਹੋਈ ਕਿਸੀ ਡਾ. ਆਇਸ਼ਾ ਦੀ ਮੌਤ, ਤਸਵੀਰ ਦੇ ਨਾਲ ਵਾਇਰਲ ਹੋਇਆ ਫਰਜ਼ੀ ਦਾਅਵਾ

Authors

Shaminder started off his career as a freelance journalist for a consulting and research firm. He has been a Political Strategist and Media Manager. Before joining Newschecker, he worked with various reputed media agencies like Daily Post India, PTC News.

ਸੋਸ਼ਲ ਮੀਡੀਆ ਤੇ ਹਸਪਤਾਲ ਵਿੱਚ ਭਰਤੀ ਹੋਈ ਇੱਕ ਲੜਕੀ ਦੀ ਤਸਵੀਰ ਵਾਇਰਲ ਹੋ ਰਹੀ ਹੈ।ਤਸਵੀਰ ਤੇ ਵਿੱਚ ਲੜਕੀ ਨੂੰ ਬਿਸਤਰ ਉੱਤੇ ਲੇਟਿਆ ਹੋਇਆ ਹੱਸਦੇ ਹੋਏ ਦੇਖਿਆ ਜਾ ਸਕਦਾ ਹੈ।ਤਸਵੀਰ ਨੂੰ ਸ਼ੇਅਰ ਕਰਨ ਵਾਲੇ ਸੋਸ਼ਲ ਮੀਡੀਆ ਯੂਜ਼ਰ ਦਾਅਵਾ ਕਰ ਰਹੇ ਹਨ ਕਿ ਇਹ ਲੜਕੀ ਡਾਕਟਰ ਆਇਸ਼ਾ ਹੈ ਜਿਸਦੀ ਕਰੋਨਾ ਵਾਇਰਸ ਦੇ ਚੱਲਦਿਆਂ ਮੌਤ ਹੋ ਗਈ।

ਅਸੀਂ ਪਾਇਆ ਕਿ ਸੋਸ਼ਲ ਮੀਡੀਆ ਦੇ ਵੱਖ ਵੱਖ ਪਲੇਟਫਾਰਮਾਂ ਤੇ ਇਸ ਤਸਵੀਰ ਨੂੰ ਖੂਬ ਸ਼ੇਅਰ ਕੀਤਾ ਜਾ ਰਿਹਾ ਹੈ।

ਇਸ ਦੇ ਨਾਲ ਹੀ ਪੰਜਾਬ ਦੀਆਂ ਨਾਮਵਰ ਮੀਡੀਆ ਏਜੰਸੀਆਂ ਜਿਨ੍ਹਾਂ ਵਿੱਚ ‘ਨਿਊਜ਼ 18 ਪੰਜਾਬੀ‘ ਅਤੇ ‘ਪ੍ਰਾਈਮ ਏਸ਼ੀਆ ਟੀ ਵੀ‘ ਨੇ ਵੀ ਡਾਕਟਰ ਆਇਸ਼ਾ ਨੂੰ ਲੈ ਕੇ ਲੇਖ ਪ੍ਰਕਾਸ਼ਿਤ ਕੀਤੇ।

Fact check/Verification 

ਅਸੀਂ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋ ਰਹੀ ਤਸਵੀਰ ਦੀ ਜਾਂਚ ਸ਼ੁਰੂ ਕੀਤੀ। ਜਾਂਚ ਦੇ ਦੌਰਾਨ ਸਾਨੂੰ ਇੱਕ ਇਸ ਤਰ੍ਹਾਂ ਦਾ ਦਾਅਵਾ ਵੀ ਮਿਲਿਆ ਜਿਸ ਵਿੱਚ ਦੱਸਿਆ ਗਿਆ ਕਿ ਡਾਕਟਰ ਆਇਸ਼ਾ ਨੇ ਦੁਨੀਆਂ ਨੂੰ ਅਲਵਿਦਾ ਕਹਿਣ ਤੋਂ ਪਹਿਲਾਂ ਆਪਣੀ ਮੁਸਕਰਾਉਂਦੀ ਹੋਈ ਤਸਵੀਰ ਨੂੰ ਖੁਦ ਸ਼ੇਅਰ ਕਰਕੇ ਕਿਹਾ ਸੀ ਕਿ ਕੁਝ ਹੀ ਦੇਰ ਤੇ ਵਿੱਚ ਉਹ ਵੈਂਟੀਲੇਟਰ ਉੱਤੇ ਜਾਣ ਵਾਲੀ ਹੈ ਅਤੇ ਉਸ ਨੇ ਲੋਕਾਂ ਨੂੰ ਕਿਹਾ ਕਿ ਉਨ੍ਹਾਂ ਦੀ ਹਸੀ ਨੂੰ ਹਮੇਸ਼ਾ ਯਾਦ ਰੱਖਿਓ।

ਇਸ ਦੇ ਨਾਲ ਹੀ ਡਾ ਆਇਸ਼ਾ ਨਾਮ ਦੇ ਟਵਿੱਟਰ ਅਕਾਊਂਟ ਤੋਂ ਇਕ ਹੋਰ ਤਸਵੀਰ ਸਾਂਝੀ ਕੀਤੀ ਗਈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਤਸਵੀਰ ਵਿੱਚ ਡਾਕਟਰ ਆਇਸ਼ਾ ਹੈ ਜਿਸ ਨੂੰ ਵੈਂਟੀਲੇਟਰ ਉੱਤੇ ਰੱਖਿਆ ਹੋਇਆ ਹੈ।

ਇਸ ਤੋਂ ਬਾਅਦ ਅਸੀਂ ਟਵਿੱਟਰ ਤੇ ਡਾਕਟਰ ਆਇਸ਼ਾ ਦੇ ਟਵਿੱਟਰ ਅਕਾਊਂਟ ਨੂੰ ਖੋਜਣਾ  ਸ਼ੁਰੂ ਕੀਤਾ ਪਰ ਸਾਨੂੰ ਟਵਿੱਟਰ ਤੇ ਮਿਲੇ ਪਾਰਿਨਾਮ ਦੇ ਮੁਤਾਬਕ ਇਹ ਅਕਾਊਂਟ ਟਵਿੱਟਰ ਤੇ ਮੌਜੂਦ ਨਹੀਂ ਹੈ।

ਅਸੀਂ ਵਾਇਰਲ ਤਸਵੀਰ ਦੀ ਸਟੀਕ ਜਾਣਕਾਰੀ ਪ੍ਰਾਪਤ ਕਰਨ ਦੇ ਲਈ ਗੂਗਲ ਤੇ ਬਾਰੀਕੀ ਦੇ ਨਾਲ ਖੋਜਣਾ ਸ਼ੁਰੂ ਕੀਤਾ। ਅਸੀਂ ਵਾਇਰਲ ਹੋ ਰਹੀ ਤਸਵੀਰ ਨੂੰ ਗੌਰ ਨਾਲ ਦੇਖਿਆ ਅਸੀਂ ਪਾਇਆ ਕਿ ਸਿਰ ਦੇ ਨੀਚੇ ਰੱਖੇ ਤੱਕੀਏ ਉੱਤੇ ਕੁਝ ਲਿਖਿਆ ਹੋਇਆ ਹੈ। ਗੌਰ ਕਰਨ ਤੇ ਅਸੀਂ ਪਾਇਆ ਕਿ ਤੱਕੀਏ ਦੇ ਉੱਤੇ ਲਾਈਫ ਲਿਖਿਆ ਹੋਇਆ ਹੈ।

ਇਸ ਤੋਂ ਬਾਅਦ ਅਸੀਂ ਗੂਗਲ ਤੇ ‘ਲਾਈਫ ਹਸਪਤਾਲ’ ਦੇ ਨਾਮ ਤੋਂ ਖੋਜਣਾ ਸ਼ੁਰੂ ਕੀਤਾ । ਇਸ ਦੌਰਾਨ ਸਾਨੂੰ ਤਕੀਏ ਉੱਤੇ ਲਿਖੇ ਸ਼ਬਦਾਂ ਦਾ ਦਾ ਪੈਟਰਨ ਇੱਕ ਇਮਾਰਤ ਉੱਤੇ ਲਿਖਿਆ ਮਿਲਿਆ। ਇਹ ਇਮਾਰਤ ਇੱਕ ਹਸਪਤਾਲ ਦੀ ਹੈ ਜਿਸ ਦਾ ਨਾਮ ਲਾਈਫ ਹਸਪਤਾਲ ਹੈ।

ਅਸੀਂ ਗੂਗਲ ਤੇ ਇਸ ਹਸਪਤਾਲ ਦੇ ਬਾਰੇ ਵਿੱਚ ਸਰਚ ਕੀਤਾ । ਸਰਚ ਦੇ ਦੌਰਾਨ ਸਾਨੂੰ ਜਸਟ ਡਾਇਲ ਦੀ ਵੈੱਬਸਾਈਟ ਤੋਂ ਪਤਾ ਚੱਲਾ ਕਿ ਇਹ ਹਸਪਤਾਲ ਤੇਲੰਗਾਨਾ ਦੇ ਇੱਕ ਸ਼ਹਿਰ ਕਾਮਾਰੈਡੀ ਵਿੱਚ ਹੈ।

ਖੋਜ ਦੇ ਦੌਰਾਨ ਸਾਨੂੰ ਡਾ. ਆਇਸ਼ਾ ਦੇ ਅਕਾਊਂਟ ਦਾ ਸਕ੍ਰੀਨ ਸ਼ਾਟ ਵੀ ਮਿਲਿਆ। ਸਕ੍ਰੀਨ ਸ਼ਾਟ ਵਿੱਚ ਇਹ ਸਾਫ ਦੇਖਿਆ ਜਾ ਸਕਦਾ ਹੈ ਕਿ ਇਸ ਅਕਾਊਂਟ ਵਿੱਚ ਲੋਕੇਸ਼ਨ ਸਾਊਥ ਅਫਰੀਕਾ ਦੀ ਦਿੱਤੀ ਹੋਈ ਹੈ।

ਗੂਗਲ ਰਿਵਰਸ ਇਮੇਜ ਸਰਚ ਦੀ ਮਦਦ ਦੇ ਨਾਲ ਅਸੀਂ ਪਾਇਆ ਕਿ ਇਹ ਤਸਵੀਰ ਕਿਸੇ ਵੈੱਬਸਾਈਟ ਤੋਂ ਲਈ ਗਈ ਹੈ। ਅਸੀਂ ਪਾਇਆ ਕਿ ਇਹ ਤਸਵੀਰ ਕਾਫੀ ਹੋਰਨਾ ਵੈੱਬਸਾਈਟ ਉੱਤੇ ਵੀ ਉਪਲੱਬਧ ਹੈ ਅਤੇ ਅਕਤੂਬਰ 2017 ਵਿੱਚ ਸਭ ਤੋਂ ਪਹਿਲਾਂ ਪੋਸਟ ਕੀਤੀ ਗਈ ਸੀ। ਇਸ ਦੇ ਨਾਲ ਹੀ ਦੂਜੀ ਤਸਵੀਰ ਸਾਨੂੰ ਇੱਕ ਵੈੱਬਸਾਈਟ Zaggocare ਉੱਤੇ ਮਿਲੀ।

Conclusion 

ਅਸੀਂ ਸੁਤੰਤਰ ਰੂਪ ਤੋਂ ਇਹ ਨਹੀਂ ਪਤਾ ਲਗਾ ਸਕੇ ਕਿ ਵਾਇਰਲ ਤਸਵੀਰ ਕਿਸ ਦੀ ਹੈ ਪਰ ਸਾਡੀ ਪੜਤਾਲ ਵਿੱਚ ਇਹ ਸਪਸ਼ਟ ਹੁੰਦਾ ਹੈ ਕਿ ਵਾਇਰਲ ਤਸਵੀਰ ਕਿਸੇ ਡਾਕਟਰ ਆਇਸ਼ਾ ਦੀ ਨਹੀਂ ਹੈ ਅਤੇ ਨਾ ਹੀ ਕਿ ਕਿਸੇ ਡਾਕਟਰ ਆਇਸ਼ਾ ਦੀ ਕਰੋਨਾ ਨਾਲ ਮੌਤ ਹੋਈ ਹੈ।

Result-False


Our Sources

https://twitter.com/Aisha_must_sayz?ref_src=twsrc%5Etfw

https://zaggocare.org/surgical-dangers-need-to-know/

https://www.justdial.com/Kamareddy/Life-Hospital/9999P8468-8468-180219025505-D4D4_BZDET


ਕਿਸੀ ਸ਼ੱਕੀ ਖ਼ਬਰ ਦੀ ਪੜਤਾਲ, ਸੁਧਾਰ ਜਾਂ ਹੋਰ ਸੁਝਾਵਾਂ ਲਈ, ਸਾਨੂੰ ਈਮੇਲ ਕਰੋ: checkthis@newschecker.in ਜਾਂ ਵਟਸਐਪ ਕਰੋ ਇਸ ਨੰਬਰ 9999499044

Authors

Shaminder started off his career as a freelance journalist for a consulting and research firm. He has been a Political Strategist and Media Manager. Before joining Newschecker, he worked with various reputed media agencies like Daily Post India, PTC News.

Shaminder Singh
Shaminder Singh
Shaminder started off his career as a freelance journalist for a consulting and research firm. He has been a Political Strategist and Media Manager. Before joining Newschecker, he worked with various reputed media agencies like Daily Post India, PTC News.

LEAVE A REPLY

Please enter your comment!
Please enter your name here

Most Popular