மீண்டும் பரப்புரைக்கு தயாராகும் தவெக தலைவர் விஜயின் வாகனம் என்று பரவும் புகைப்படம் உண்மையா?

மீண்டும் பரப்புரைக்கு தயாராகும் தவெக தலைவர் விஜயின் வாகனம் என்பதாக புகைப்படம் ஒன்று சமூக வலைத்தளங்களில் பரவி வருகிறது.

”மீண்டும் பரப்புரைக்கு தயாராகும் விஜய் வாகனம்.” என்று இந்த புகைப்படம் பரவுகிறது.

X Link/Archived Link

X Link/Archived Link

X Link/Archived Link

சமூக ஊடகங்களில் வெளிவந்த இத்தகவலின் உண்மைத்தன்மை குறித்து அறிய நியூஸ்செக்கர் தமிழ் சார்பில் ஆய்வு செய்ய முடிவு செய்தோம்.  

Also Read: பீகார் தேர்தல் முடிவுக்குப்பின் பாஜகவை எதிர்த்து மக்கள் திரண்டதாக பரவும் வீடியோ உண்மையானதா?

Fact Check/Verification

மீண்டும் பரப்புரைக்கு தயாராகும் தவெக தலைவர் விஜயின் வாகனம் என்பதாக பரவும் புகைப்படம் குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் புகைப்படத்தில் இடம்பெற்றுள்ள வாகனத்தில் உண்மையான வாகனத்தில் இருந்து வித்தியாசமான சில பகுதிகள் காணப்பட்டன. மேலும், வாகனம் முழுவதும் கிரீஸ் போன்ற ஒன்றை ஊற்றி கழுவுவதாகவும் இடம்பெற்றிருந்தது.

அதுமட்டுமின்றி, அதில் இடம்பெற்றிருந்த நபர்களின் முகங்களும் தெளிவாக அமைந்திருக்கவில்லை. எனவே, அப்புகைப்படத்தை Hive Moderation Tool மூலமாக ஆராய்ந்தபோது வைரல் புகைப்படம் 99.1% செயற்கை நுண்ணறிவு மூலமாக உருவாக்கப்பட்டது என்பது நமக்கு உறுதியாகியது.

இதனை உறுதி செய்து கொள்ள Sight engine Tool மூலமாகவும் ஆய்வு செய்தபோது அதிலும் இந்த புகைப்படம் 95% AI மூலமாக உருவாக்கப்பட்டது என்பது நமக்கு தெளிவாகியது.

செயற்கை நுண்ணறிவு மூலமாக உருவாக்கப்பட்ட இப்புகைப்படமே தற்போது பிரச்சாரத்திற்கு மீண்டும் தயாராகும் தவெக தலைவர் விஜயின் வாகனம் என்பதாக வைரலாகிறது.

Also Read: பீகாரில் தேர்தல் ஆணையத்திற்கு எதிராக புரட்சி நடந்ததாக பரவும் வீடியோ உண்மையானதா?

Conclusion

மீண்டும் பரப்புரைக்கு தயாராகும் தவெக தலைவர் விஜயின் வாகனம் என்று பரவும் புகைப்படம் AI மூலமாக எடிட் செய்யப்பட்டது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.    

Sources
Hive Moderation Tool
Sight Engine Tool
Self Analysis