பிரதமர் மோடிக்கு சீனா மிகப்பெரிய வரவேற்பு கொடுத்தாக பரவும் படம் உண்மையானதா?

பிரதமர் மோடிக்கு சீனா மிகப்பெரிய வரவேற்பு கொடுத்தாக பரவும் படம்.

சமூக ஊடகங்களில் வந்த பதிவை இங்கே மற்றும் இங்கே காணலாம்.

Also Read: மதுரை தவெக மாநாடு பற்றி பேச மறுத்த விஜய் தந்தை SAC என்ற வீடியோ தகவல் உண்மையா?

பிரதமர் மோடிக்கு சீனா மிகப்பெரிய வரவேற்பு கொடுத்தாக பரப்பப்படும் படத்தில் நீல நிற விளக்கில் பெண் ஒருவர் நடனமாடுவதாகவும், பிரதமர் மோடி முகத்தோற்றமும், மோடி வெல்கம் டூ சீனா என்ற வாசகமும் இடம்பெற்றிருந்தது.

இப்படம் குறித்த உண்மையை அறிய இப்படத்தை ரிவர்ஸ் சர்ச் முறைக்கு உட்படுத்தினோம்.

அதில் ‘chinafricamagazine’ இன்ஸ்டாகிராம் பக்கத்தில் ஏப்ரல் 22, 2025 அன்று சீனாவின் சோக்கிங் பகுதியில் ஏப்ரல் 19, 2025 அன்று டிரோன் லைட் ஷோ நடந்ததாக புகைப்படத்துடன் பதிவிடப்பட்டிருந்ததை காண முடிந்தது.

ஆனால் அப்பதிவில் பயன்படுத்தப்பட்ட புகைப்படத்தில் பெண் ஒருவர் நடனமாடுவதாக மட்டுமே இருந்தது; பிரதமர் மோடி முகத்தோற்றமும், மோடி வெல்கம் டூ சீனா என்ற வாசகமும் இடம்பெறவில்லை.

தொடர்ந்து தேடுகையில் இந்த லைட் ஷோ குறித்து வேறு ஊடகங்களில் வெளியிடப்பட்டிருந்த பதிவுகள் மற்றும் செய்தியிலும் பெண் ஒருவர் நடனமாவது மட்டுமே இருந்தது. அவற்றை இங்கே, இங்கே மற்றும் இங்கே காணலாம்.

இதன்படி பார்க்கையில் வைரலாகும் படம் எடிட் செய்யப்பட்டது என உறுதியாகின்றது. வாசகர்களின் புரிதலுக்காக உண்மையான படத்தையும் எடிட் செய்யப்பட்ட படத்தையும் கீழே ஒப்பிட்டு காட்டியுள்ளோம்

Sources
Instagram post by chinafricamagazine, dated April 22, 2025
Report by Xinxua net, dated April 20, 2025
Facebook post by Global Times, dated April 21, 2025
Facebook post by People’s Daily, China, dated April 21, 2025